სოფი მარსოს სილამაზის 6 საიდუმლო - როგორ ინარჩუნებს ფრანგი ვარსკვლავი ახალგაზრდულ იერს - Marao
სოფი მარსოს სილამაზის 6 საიდუმლო - როგორ ინარჩუნებს ფრანგი ვარსკვლავი ახალგაზრდულ იერს
ელეგანტური, დახვეწილი ფრანგი მსახიობი სოფი მარსო არაერთი თაობისთვის იქცა სილამაზის სიმბოლოდ. მიუხედავად იმისა, რომ მსახიობი უკვე 58 წლისაა, მისი შესაშური გარეგნობა დღემდე აღაფრთოვანებს საზოგადოებას. როგორღაც, სოფი ყოველთვის ახერხებს ბუნებრივად გამოიყურებოდეს.
ის არ მალავს თავის სილამაზის საიდუმლოებებს - პირიქით, სიამოვნებით უზიარებს საზოგადოებას. გთავაზობთ სოფი მარსოს 6 მთავარ წესს, რომელიც მას ეხმარება, მუდამ ახალგაზრდულად და თავდაჯერებულად გამოიყურებოდეს:
1. მინიმალისტური მაკიაჟი
სოფი მარსოს სტილი მარტივია — მინიმუმი მაკიაჟი, მაქსიმალური ბუნებრიობა.
„მაკიაჟი მხოლოდ სამსახურისთვის მჭირდება. რეალურ ცხოვრებაში მხოლოდ ტონალურ კრემს ვიყენებ, როცა სახეზე რაიმე უხერხული გამონაყარი დასაფარი მაქვს,“ — ამბობს ის. მსახიობი ნაკლებად იყენებს კოსმეტიკას და ამით კიდევ უფრო ნაზ და მსუბუქ იერს ქმნის. განსაკუთრებულ შემთხვევებში შესაძლოა თვალის ან ტუჩის მსუბუქი გამოკვეთაც, მაგრამ მხოლოდ იშვიათად.
2. ვარცხნილობა
სოფის მსუბუქად ჩამოშლილი თმა მისი სავიზიტო ბარათია. ასეთი ვარცხნილობა არა მხოლოდ სილამაზეს უსვამს ხაზს, არამედ ეფექტურად მალავს ასაკობრივ ცვლილებებს.
მისი სტილი დახვეწილი, კლასიკური ფრანგული ელეგანტობის საუკეთესო მაგალითია და ნამდვილად იმსახურებს ყურადღებას.
3. კარგი ძილი და მზისგან დაცვა
„კანის ჯანმრთელობა მარტივ რაღაცებზეა დამოკიდებული: კარგად გამოიძინე და მზისგან თავის დაცვა,“ - ამბობს სოფი მარსო. ძილი, კანის გაახალგაზედავების ერთ-ერთი მთავარი გასაღებია, თუმცა მან ასევე ხაზგასმით აღნიშნა მზის უარყოფითი ზემოქმედება. მისი რჩევაა: გამოიყენეთ მზისგან დამცავი საშუალებები ყოველდღიურად და შეამცირეთ მზეზე ყოფნის დრო.
4. კრემის ნაცვლად, ზეთისხილის ზეთი
სოფის კანის სირბილე და ბზინვარება დიდ წილად დაკავშირებულია მის თავის მოვლის მარტივ რუტინასთან:
„დედაჩემმა მასწავლა: სახე საპნით დაიბანე და ზეთისხილის ზეთი წაისვი. ეს მეთოდი ჩემთვის იდეალურია — არანაირი კრემი არ სჭირდება,“ — ამბობს ის. ბუნებრივი ზეთი არამარტო ატენიანებს კანს, არამედ იცავს მას სიბერისგან, სოფი ამის ცოცხალი მაგალითია.
5. ზომიერი ფიზიკური აქტივობა
სოფი მარსოსთვის ვარჯიში არ არის ვალდებულება, არამედ სიამოვნებაა.
„არ ვგიჟდები სპორტზე, მაგრამ როცა სარკეში ვეღარ ვცნობ ჩემს თავს — ვიწყებ მოძრაობას,“ — ამბობს მარსო. მთავარია მოქნილობა და ტონუსი. მისი რჩევაა ყოველდღიური მარტივი გაწელვები და მსუბუქი მოძრაობები, რომელიც სხეულს მუდმივ აქტივობაში ეხმარება.
6. არ ეთანხმება დიეტას, მაგრამ მიირთმევს ზომიერად
სოფი მარსო განსაკუთრებულად ყურადღებით ეკიდება კვებას - განსაკუთრებით მას შემდეგ, რაც დედა გახდა.
„ვზრუნავ, რომ ჩემმა შვილმა ხარისხიანი საკვები მიიღოს და ამან მეც მასწავლა როგორ ვიკვებო გონივრულად,“ — ამბობს ის. მიუხედავად იმისა, რომ არ იცავს მკაცრ დიეტებს, მაინც იდეალურად გამოიყურება. წითელი ღვინო და შოკოლადი უყვარს, მაგრამ ყოველთვის ზომიერად. ხშირად იღებს ვიტამინებს და სვამს ბევრ წყალს.
და ბოლოს, სოფი მარსოს მთავარი რჩევა: „სილამაზე ღიმილშია, რომ თავს კარგად გრძნობდე.“
მისთვის სილამაზე არ არის მხოლოდ გარეგნობა, ეს არის შინაგანი მდგომარეობა, სიმშვიდე და თავდაჯერებულობა. სოფი მარსოს ცხოვრება ამ პრინციპებზეა აგებული და შედეგიც სახეზეა.