"გილოცავ, ჩემო საუკეთესო მეგობარო!" - როგორ აღნიშნავენ კახა კალაძე და ანუკი არეშიძე უფროსი შვილის, ბუბუს დაბადების დღეს - Marao

თბილისის მერი, პოლიტიკოსი და ყოფილი სპორტსმენი კახა კალაძე და მისი მეუღლე, დიზაინერი ანუკი არეშიძე უფროსი ვაჟის, ლევანის დაბადების დღეს აღნიშნავენ. ლევანი, რომელსაც ზედმეტ სახელად ბუბუსაც ეძახიან, 16 წლის გახდა. გილოცავ დაბადების დღეს, ჩემო საუკეთესო მეგობარო, ბუბუშკა - 16", - წერს ანუკი არეშიძე სოციალურ ქსელში. 

ბუბუსთან ერთად გადაღებული კადრები გამოაქვეყნა კახა კალაძემაც: "გილოცავ დაბადების დღეს, ჩემო ბიჭო", - დაწერა მან 

კალაძეების ოჯახი 

ლევან კალაძე კალაძეების ოჯახში უფროსი ვაჟია. ის მამის გზას აგრძელებს - თავადაც ფეხბურთითაა გატაცებული. ცოტა ხნის წინ სპორ­ტუ­ლი გა­მო­ცე­მა LaGazzetta წერდა, რომ ლევან კალაძე კა­რი­ე­რას სამ­ტრე­დი­ა­ში იწყებს. მან გუნდთან 2-წლი­ა­ნი პრო­ფე­სი­ო­ნა­ლუ­რი კონ­ტრაქ­ტი გა­ა­ფორ­მა. ახლა ლევანი ხშირად აქვეყნებს კადრებს ვარჯიშიდან. 

• ბუბუს დაბადების დღე და ოჯახური ალბომი - კახა კალაძე ახალ ფოტოებს გვიზიარებს 

LaGazzetta-ს ინფორმაციით, ლევან კალაძე კონტრაქტის გაფორმებამდე კლუბთან რამდენიმე თვის მანძილზე ვარჯიშობდა, ის 4-ნომ­რი­ა­ნი მა­ი­სუ­რით თამაშობს და მცველის პოზიციას იკავებს. 

"ჩემი მთა­ვა­რი მო­ტი­ვა­ტო­რი მა­მაა. მან და­მა­ნა­ხა, რო­გორ შე­იძ­ლე­ბა შრო­მით წარ­მა­ტე­ბის მიღ­წე­ვა. იმე­დი მაქვს, მას ვა­ჯო­ბებ და უკე­თე­სი ფეხ­ბურ­თე­ლი ვიქ­ნე­ბი. ჩემ­თვის კომ­ფორ­ტუ­ლია, რომ მეც მა­მა­ჩე­მის პო­ზი­ცი­ა­ზე ვთა­მა­შობ, რად­გან მა­გა­ლითს მის­გან ვი­ღებ, ბევრ რა­მეს მას­წავ­ლის და მეხ­მა­რე­ბა.

• „როგორ ჰგავს მამას“ - კახა კალაძე უფროს შვილთან ერთად გადაღებულ ფოტოს აქვეყნებს 

ჩემი საყ­ვა­რე­ლი ფეხ­ბურ­თე­ლი კრიშ­ტი­ა­ნო რო­ნალ­დუა. მა­მას შემ­დეგ, ჩემი მთა­ვა­რი მო­ტი­ვა­ტო­რი სწო­რედ ის არის. რო­ნალ­დუ შრო­მის­მოყ­ვა­რეა და მის თა­მა­შებს ძა­ლი­ან ხში­რად ვუ­ყუ­რებ ხოლ­მე", - ამბობდა ლევან კალაძე LaGazzetta.ge-სთან სა­უ­ბარ­ში.

ლევან კალაძეს სამი უმცროსი ძმა, კახაბერი, ვაჩე და ნიკოლასი ჰყავს.  

ანუკიმ და კახამ ერთმანეთი იტალიაში გაიცნეს: “მე ვიყავი 18 წლის. კახა ჩემზე 11 წლით დიდია. მაშინ შევხვდით ერთმანეთს და უბრალოდ გავიცანით. მერე, როგორც მითხრა, პირდაპირი ჩართვა მქონდა და მაშინ ვუნახივარ. მერე მითხრა, რომ შეგხვდი, მაშინ გამახსენდა, რომ ის გოგო იყავი, რომელიც მომეწონაო. ყველაფერი ძალიან ნელა დაიწყო და განვითარდა ძალიან სწრაფად. 6 თვეში შევქმენით ოჯახი.მე ძალიან ემოციური ვარ, ყველაფერს გამოვხატავ, ვამბობ. კახი სიყვარულს უთქმელად, ჩუმად გამოხატავდა. თვალებით რომ მელაპარაკებოდა, ეს იყო ჩემთვის ყველაფერი. ალბათ, ცოტა გულდაწყვეტილებიც იყვნენ სხვა გოგონები, როცა მის გვერდით მხედავდნენ“ – ამბობდა ანუკი.

• "არ მჯერა, რომ ჩემი შვილია" - ანუკი არეშიძე უფროსი ვაჟის - ბუბუს ფოტოს აქვეყნებს

ანუკი არეშიძემ საკუთარი ბრენდი Anouki 2013 წელს თბილისში შექმნა, თუმცა მას უკვე ევროპაშიც კარგად იცნობენ. დიზაინერი ქალის ხაზის ფეხსაცმელსა და ტანსაცმელთან ერთად, აქსესუარებსაც ქმნის. სულ ცოტა ხნის წინ ანუკი არეშიძემ საბავშვო ხაზის წარმოება დაიწყო, რომელსაც უმცროსი შვილის, ნიკოლასის სახელი დაარქვა.როგორც ცნობილია, ანუკი არეშიძე ფოტოგრაფიითაა გატაცებული. ის ბევრს მოგზაურობს და მინიმალისტურ, ესთეტიკურ კადრებს გამომწერებსაც ხშირად უზიარებს. ასევე ხშირად აქვეყნებს შვილებთან ერთად გადაღებულ ფოტოებსაც. განსაკუთრებული სიყვარული მისი უმცროსი შვილი, ნიკოლასი სარგებლობს.