წინასაქორწინო წვეულება და ზღაპრული ცხოვრების დასაწყისი: "ქართველი კონკიას", მარიამ შარმანაშვილის ინტერვიუ - Marao

მარიამ შარმანაშვილს, რომელიც ფართო აუდიტორიამ ლეგენდარული იტალიელი კინოვარსკვლავის, სოფი ლორენის სარძლოს სტატუსით გაიცნო, ცოტა ხნის წინ რჩეულმა, კარლო პონტი უმცროსმა ხელი სთხოვა. წყვილი ახლა ქორწილისთვის ემზადება, მარიამს კი მეგობრებთან ერთად ტრადიციული წინასაქორწინო წვეულება მეგობრებთან ერთად ჰქონდა. 

ამ დღისა და სამომავლო გეგმების შესახებ მშვენიერი მარიამი Ambebi.ge-სთან საუბრობს და ამბობს, რომ საქართველოში დაგეგმილ ქორწილს სოფი ლორენი არ დაესწრება. 

"წი­ნა­სა­ქორ­წი­ნო წვე­უ­ლე­ბა ნა­ტახ­ტარ­ში, ტბებ­ზე აღ­ვნიშ­ნე. ღო­ნის­ძი­ე­ბა­ზე ჩემი უახ­ლო­ე­სი მე­გობ­რე­ბი მყავ­და.სა­ქარ­თვე­ლო­ში და­გეგ­მილ ქორ­წილს [26 ივლისს] ქალ­ბა­ტო­ნი სო­ფია არ და­ეს­წრე­ბა. მე­ო­რე ქორ­წი­ლი სექ­ტემ­ბრის­კენ იგეგ­მე­ბა ჟე­ნე­ვა­ში. იქ გვექ­ნე­ბა ოფი­ცი­ა­ლუ­რი ხელ­მო­წე­რის ცე­რე­მო­ნია, სა­დაც მხო­ლოდ რამ­დე­ნი­მე ოჯა­ხის წევ­რი და მე­გო­ბა­რი და­ეს­წრე­ბა, მათ შო­რის ქალ­ბა­ტო­ნი სო­ფი­აც.

აქაც გვექ­ნე­ბა ხელ­მო­წე­რის ცე­რე­მო­ნია, თუმ­ცა ოფი­ცი­ა­ლუ­რი ნა­წი­ლი ჟე­ნე­ვა­ში გვექ­ნე­ბა", - ამბობს მარიამ შარმანაშვილი Ambebi.ge-სთან ინტერვიუში. 

მარიამ შარმანაშვილი და კარლო პონტი უმცროსი 

ცნობილი დირიჟორის, 54 წლის კარლო პონტისა და ზუმბას მოცეკვავის, ფიტნესინსტრუქტორის, მარიამ შარმანაშვილის შესახებ უამრავი სტატია დაიწერა.

• "ყველა ქარიშხალი ერთად ჩადგა და ახლა ბედნიერების და ცხოვრებით ტკბობის დროა..." - ქართველი კონკიას, მარიამ შარმანაშვილის ზღაპარი

აღმოჩნდა, რომ წყვილის სიყვარულის ისტორია თითქმის 2 წელს ითვლის. რომანი 2021 წლის 14 მარტს მარიამის ფოტოზე მიწერილი კომპლიმენტით დაიწყო.

კარლო პონტი საქართველოს პირველად ქართველი მეცო-სოპრანოს, ნინო სურგულაძის მოწვევით ესტუმრა. მაშინ ჯერ კიდევ არ იცოდა, რომ მოგვიანებით უცხო ქვეყანაში საყვარელ ქალს იპოვიდა და ხშირად მოუწევდა ჩამოსვლა.

• „მერლინ მონრო მარიამთან შედარებით არაფერია..." - რას ამბობს სოფი ლორენის შვილი ქართველი რჩეულის შესახებ 

„კარლოს ძალიან უყვარს ქართველი ხალხი და ქართული კულტურა, საქართველოზეა შეყვარებული. შარშან საქართველოში შეხვდა ახალ წელს. წელს ვერ მოხერხდა ახალი წლის ერთად შეხვედრა. ევროპაში ყოფნის ლიმიტს გადავაჭარბე ორი დღით, შეზღუდვა მქონდა ექვსი თვე, რომლის ვადაც თებერვალში გადის. ჯერ წასვლა-წამოსვლები გვექნება. არის გარკვეული გარემოებები, რის გამოც ვერც მე მივდივარ და ვერც ის ჩამოდის. ახლა ჰქონდა კონცერტი ამერიკაში თავის შვილთან ერთად, რამაც ძალიან კარგად ჩაიარა. ასეთი ამბები ძალიან მახარებს ხოლმე, რადგან მათი წარმატება ჩემთვის სასიხარულოა.

ძალიან მიხარია, რომ მერგო პატივი და სოფი ლორენს, რომელიც ლეგენდაა, ვიცნობ. შარშან ჟენევაში ორი თვით მომიწია ყოფნა და საკმაოდ დავახლოვდით, მასთან სტუმრობა ხშირად გვიწევდა. ბევრი საინტერესო ამბავი მოგვიყვა.ჩვენ ზოგადად გვაქვს წარმოდგენა, რომ დიდი ლეგენდები დისტანციით გამოირჩევიან, მაგრამ ასე ნამდვილად არაა. მისგან დისტანცია არ მიგრძნია. ჩემს შვილს თავისი პრიზები დაათვალიერებინა. დემეტრეს "ოსკარი" დააჭერინა ხელში. ფილმში მეგონა თავი. ასეთი განცდა ხშირად მქონია. იმდენად დაუჯერებელია ჩემთვის ეს ყველაფერი, რაც ჩემ გარშემო ხდება“, – ამბობდა მარიამი.