20-წლიანი სიყვარული, ორი შვილი და მეგობრობა კალაძეებთან: დიზაინერ ნინა ზარქუასა და ფეხბურთელ ალექსანდრე ამისულაშვილის ოჯახი - Marao
20-წლიანი სიყვარული, ორი შვილი და მეგობრობა კალაძეებთან: დიზაინერ ნინა ზარქუასა და ფეხბურთელ ალექსანდრე ამისულაშვილის ოჯახი
დიზაინერი ნინა ზარქუას მეუღლე ფეხბურთელი, ალექსანდრე ამისულაშვილი იუბილარია. ნინა მეუღლეს დაბადების დღეს ემოციური პოსტით ულოცავს.
"დაბადების დღეს გილოცავ ჩემო სიყვარულო! მე შენ მიყვარხარ აგერ უკვე 20 წელია..." - წერს ნინა ზარქუა.
ნინა ზარქუა
ნინა ზარქუა ქართული მოდის ერთ-ერთი გამორჩეული სახეა, რომლის დახვეწილი სტილი და გამორჩეული კაბები მუდმივად იქცევს საზოგადოების ყურადღებას. ის არამხოლოდ დიზაინერი, არამედ თავადაც განსაკუთრებულად გემოვნებიანი მოდის მიმდევარია, რაც მას ქართული მოდის სიმბოლოდ აქცევს. ნინას მეუღლე ფეხბურთელი, ალექსანდრე ამისულაშვილია, და მათ ერთად სამი შვილი ჰყავთ.
ნინას ინსტაგრამზე 131 ათასი გამომწერი ჰყავს, სადაც ხშირად აქვეყნებს ფოტოებს წვეულებებიდან, ასევე კადრებს, რომელსაც მეუღლესთან ერთად მოგზაურობის დროს იღებს. წარმოგიდგენთ ზარქუას ძვირადღირებულ გარდერობს და გამორჩეულ სტილს, რომელიც მუდმივად იქცევს გამომწერების ყურადღებას.
ნინა ზარქუა პროფესიით დიპლომატია, დაამთავრა საერთაშორისო ურთიერთობების ფაკულტეტი, მაგრამ ახლა მოდის ინდუსტრიაში საქმიანობს. ყოფილი მოდელი აქსესუარების, ფეხსაცმელების, ჩანთებისა და სამკაულების ხაზზე მუშაობს, რომელიც მსოფლიოს სხვადასხვა ქვეყანაში იყიდება.
ამერიკელი სუპერმოდელი კენდალ ჯენერი, რომელმაც სახელი განსაკუთრებით რეალითი შოუს „კარდაშიანების ოჯახის“ წყალობით გაითქვა, ერთ კვირაში ორჯერ გამოჩნდა ნინა ზარქუას მიერ შექმნილი ფეხსაცმლით. დიზაინერის ჩანთაზე შეაჩერა არჩევანი მსოფლიოში ცნობილმა მომღერალმა ლედი გაგამ – მას ერთ-ერთ წვეულებაზე ნინა ზარქუას ჩანთა ეჭირა.
ნინა საქართველოს პარლამენტის დეპუტატის, ირაკლი ზარქუას უმცროსი დაა.
ჟურნალ "ბომონდთან" ინტერვიუში ნინა ზარქუა ოჯახსა და ძმაზე ჰყვებოდა: "უდარდელი ბავშვობა მქონდა, მიუხედავად იმისა, რომ 90-იან წლებს დაემთხვა. უფროსი და-ძმა მყავს, მე ნაბოლარა ვარ და ყველა მანებივრებდა. ის, რომ ქვეყანაში რთული პერიოდი იყო, მაშინაც ვხვდებოდი. დედა ერიდებოდა ჩვენს ქუჩაში გაშვებას.
გოგონები დამყოლები ვიყავით. ჩვენი ძმა კომაროვის სახელობის სკოლაში სწავლობდა და მთელი ოჯახი სულ მის მოლოდინში ვიყავით. მახსოვს, მეც ვნერვიულობდი... ჩემი ძმა მკაცრი იყო. სადაც უნდა ვყოფილიყავი, საღამოს შინ დროზე უნდა მივსულიყავი…“ - ჰყვება ნინა ინტერვიუში, რომელიც ძმის სიმკაცრის მიუხედავად ადრეულ ასაკში დაქორწინდა და ახლა სამი მოზრდილი შვილი ჰყავს...