"მე ჩემს არასასიამოვნო სხეულში ჩამჯდარი ვზივარ და ვიხსენებ... არასოდეს ვყოფილვარ მსგავსად ბედნიერი! - ნანუკა გულუა, როგორც სამი შვილის დედა - Marao
"მე ჩემს არასასიამოვნო სხეულში ჩამჯდარი ვზივარ და ვიხსენებ... არასოდეს ვყოფილვარ მსგავსად ბედნიერი! - ნანუკა გულუა, როგორც სამი შვილის დედა
მსახიობმა ნანუკა გულუამ საზოგადოების მხრიდან დიდი სიყვარული, სერიალ " ჩემი ცოლის დაქალებში" მონაწილეობის შემდეგ მოიპოვა. ნანუკამ მეგრელი ქალის დოჩის როლი მოირგი და იდეალურად ასრულებდა.
ნანუკა კახა კაშიაზეა დაქორწინებული. წყვილს 3 შვილი ჰყავს. სულ ცოტა ხნის წინ ნანუკა და კახა მესამე გოგონას კირას მშობლები გახდნენ.
ნანუკა სოციალურ ქსელებში ხშირად აზიარებს ოჯახურ კადრებს, ამჯერად კი დედობის გამოცდილებისა და შვილების შესახებ წერს:
"ზღვაზე ვართ მე და კახუნა ძიძის გარეშე და - გაგიჟების პირას... დაღლილები, რუჯის გარეშე, ალკოჰოლის გარეშე, ღამის კლუბებისა და ფესტივალის გარეშე… მე ჩემთვის არასასიამოვნო სხეულში ჩამჯდარი ვზივარ და ვიხსენებ ჩემი წარსულის უბრდღვიალეს არდადეგებს და, გულწრფელად გეუბნებით, არასოდეს ვყოფილვარ მსგავსად ბედნიერი… არასოდეს!" - წერს ნანუკა გულუა.
ნანუკა გულუას ოჯახი, შვილები და კარიერა
ნანუკა გულუამ რჩეულზე, კახა კაშიაზე 2021 წელს იქორწინა. როგორც თავად ამბობდა, მათი ქორწინება მოულოდნელად გადაწყდა და ამაში დიდი წვლილი ოჯახის წევრებსაც მიუძღვით.
ნანუკასა და კახას ორი შვილი, ნინა და ირაკლი ჰყავთ, ხოლო მესამე შვილი სულ ახლახან შეეძინათ. ნანუკა თავად ხშირად აღნიშნავს, რომ მის ასაკში დედობა კიდევ უფრო განსაკუთრებული გრძნობაა. მისი თქმით, ორი შვილის ყოლა გადაწყვეტილი ჰქონდა, თუმცა მზადაა, რამდენი შანსიც მიეცემა, იმდენჯერ გახდეს დედა. მსახიობი ცოტა ხნის წინ ხუმრობდა კიდეც, რომ მოსწონს, როცა ორსულობის დროს მასზე განსაკუთრებულად ზრუნავენ და მეოთხე შვილის ყოლაზეც დაფიქრდება.
„იმედია, ქვის სროლას არ დავიწყებ. ამის გარანტიასაც ვერ ვიძლევი. პირველი მშობიარობა და მშობიარობის შემდგომი პერიოდი მქონდა იდეალური. არაფერზე მინერვიულია და ემოციებს ზედმეტად არ ავყოლივარ. მეორე ორსულობაც იდეალური იყო. ორსულობის შემდგომი დეპრესია ორ თუ სამ კვირას გაგრძელდა. რომელმაც ჩემ ფსიქიკას დიდი დაღი დაასვა. რაც ყველაზე უცნაურია, ორსულობის პერიოდში ვმშვიდდები, ემოციურადაც უფრო კარგად ვარ.“ – ამბობს ნანუკა გულუა.