"წავიკითხე ქალბატონის ახალი სტატუსი - გულწრფელად გეუბნები..." - რა ვიდეოს აქვეყნებს სალომე გოგიაშვილი და რას წერს ლიანა შენგელია - Marao
"წავიკითხე ქალბატონის ახალი სტატუსი - გულწრფელად გეუბნები..." - რა ვიდეოს აქვეყნებს სალომე გოგიაშვილი და რას წერს ლიანა შენგელია
ლიკა შენგელიასა და სალომე გოგიაშვილის შესახებ ბოლო დროს მედია აქტიურად წერდა. ამბავი მათი კონფლიქტის შესახებ უამრავმა ადამიანმა გაიგო - სალომემ და ლიანამ სოციალურ ქსელში საჯაროდ თავად ისაუბრეს.
ლიკა შენგელიამ სალომე გოგიაშვილს, მეუღლეზე ეჭვიანობის საფუძველზე, ფიზიკურ ძალადობაში, კერძოდ, თავის არეში ბლაგვი საგნის, სავარაუდოდ, ჩაქუჩის ჩარტყმაში დასდო ბრალი. სალომე გოგიაშვილმა ამ განცხადებას ცრუ ბრალდება უწოდა და ცილისწამებისთვის სასამართლოში ჩივილი გადაწყვიტა.
მოგვიანებით სალომე გოგიაშვილმა ე.წ. სქრინები და აუდიოჩანაწერიც გაასაჯაროვა, სადაც მუქარის შემცველი ტექსტები ისმის.
ამჯერად ლიანა შენგელია მორიგ ვრცელ ტექსტს აქვეყნებს:
"ბევრი მეუბნება, რომ გავჩუმდე, რომ ჩემ გარდა არავის აინტერესებს ჩემი სიმართლე და რომ აზრი არ აქვს, ბრბოს რამე დაუმტკიცო. თუმცა, ჩემთვის ძალიან მნიშვნელოვანია ამხელა ცილისწამება და ბულინგი, რომელიც ერთი არაადამიანის ენის საფუძველზე განხორციელდა ყველანაირი დამამტკიცებლის გარეშე. კამერის წიმ მხოლოდ მისი ბრალდებები, მუქარები და ტირილი ისმოდა, რაც შემდეგ ამოჭრა ვიდეოდან ყველა ვითომ ჩემი სიტყვა და რატომღაც აღარ ჩივის ცილისწამებაზე. ანუ, რასაც უნდოდა, მიაღწია?
სამაგიეროდ, ის, ვინც ხმამაღლა ყეფს და ბრბოს ემოციებზე თამაშობს, არ ნიშნავს, რომ მართალია და ჩემი სიმართლე თავის საქმეს აკეთებს: ამოღებულია სატელეფონო ისტორია, სადაც თვალნათლივ ჩანს, რომ ცხოვრებაში არასდროს, ვიმეორებ, არასდროს არც ერთი ზარი, არც ერთი მესიჯი არ მაქვს გაგზავნილი და WhatsUp-ზე არანაირი კომუნიკაცია არ მქონია ჩემს "ახლო მეგობარ ქალბატონთან". ასევე, მეორე ნაძირალასთან, ვინც ჩაიწერა ჩემი საუბარი და სწორედ ეგ საუბარი არის ჩემი ალიბი, რომელიც, რატომღაც, დამინდეს და არ გამოაქვეყნეს და და გამოფინა მხოლოდ ჩემი შვილის ანერვიულებული და ემოციური პირადი საუბარი".
ლიანა შენგელიას ახალ პოსტს სოციალურ ქსელში უპასუხა სალომე გოგიაშვილმა.
"წავიკითხე ქალბატონის ახალი სტატუსი - გულწრფელად გეუბნები, უკვე ბრაზმაც გადამიარა", - ამბობს სალომე გოგიაშვილი გამოქვეყნებულ ვიდეოში. მან საკუთარ გვერდზე ე.წ. სქრინები კიდევ ერთხელ გააზიარა, სადაც ლიანა შენგელიას ჩანაწერის საპირისპიროს ამტკიცებს.
როგორც სალომე წერს, საქმე სასამართლომდე აუცილებლად მივა, სამართლებრივ პროცედურებს კი დრო სჭირდება.
ვინ არის ლიკა შენგელია?
ლიკა შენგელია ძველი თაობის მოდელებს მიეკუთვნება. მას წარსულში წარმატებული სამოდელო კარიერა ჰქონდა და მეგობრობდა ისეთ ცნობილ სახეებთან, როგორებიც არიან: თაკო ჩხეიძე, ლიკა კვარაცხელია, ლალი ტოტიკაშვილი, თიკა ფაცაცია, სალომე ღვინიაშვილი, რუსა ჩაჩუა და სხვ. აღსანიშნავია, რომ თაკო ჩხეიძე, ლიკა კვარაცხელია და ნინო ცქიტიშვილის მეუღლე, ვატო ნაცვლიშვილი ქეთი ჟღენტის ნათლიები არიან.
"დედა წარმატებული მოდელი იყო, მაგრამ იმ დროს უცხოეთში წასვლა არ გახლდათ ადვილი. "ფორდის" სააგენტოდანაც ჰქონდა მოწვევა, მაგრამ ვიზების გამო ვერ წავიდა. მერე გათხოვდა, ჩვენ გავჩნდით და მოდელობას თავი დაანება", - იხსენებდა ერთ-ერთ ინტერვიუში ლიკა შენგელიას ქალიშვილი, ქეთი ჟღენტი.
ბევრისთვის დაუჯერებელია, თუმცა ლიკა შენგელიას ხუთი შვილი ჰყავს – ორი – ბიჭი და გოგონა, პირველი ქორწინებიდან, სამი ბიჭუნა – მეორე ქორწინებიდან.
ქეთი ასევე მრავალშვილიანი დედაა - ის მეუღლესთან, ბიზნესმენ თოშა ქებურიასთან ერთად სამ შვილს, ბუბას, კატერინასა და ლიანას ზრდის. დაოჯახებულია ლიკა შენგელიას უფროსი ვაჟი, ბუბუც. ბუბუმ რჩეულზე, თაკო აბრამიძეზე ცოტა ხნის წინ იქორწინა და მათ ერთი გოგონა, ლივია ჰყავთ.
ლიკა შენგელია გამოირჩევა სოციალურ ქსელში აქტიურობით - ხშირად აქვეყნებს ოჯახურ კადრებს, ასევე ბევრს მოგზაურობს და მეგობრებს ეგზოტიკურ ფოტოებსაც უზიარებს.
ლიკა შენგელიას პირველი ქორწინება
ლიანა შენგელიას პირველი მეუღლე, არჩილ ჟღენტი, კალათბურთელი იყო. ის 1975 წელს თბილისში დაიბადა. თამაშობდა საქართველოს თითქმის ყველა წამყვან გუნდში. 1996-97 წლებში რუსეთის ერთ-ერთ წამყვან გუნდ მოსკოვის “სპარტაკში” გამოდიოდა. რამდენიმე წელი თამაშობდა საქართველოს ეროვნულ ნაკრებშიც.
აქტიური სპორტიდან წასვლის შემდეგ მწვრთნელად დაიწყო მუშაობა. არის მწვრთნელთა 4 საერთაშორისო სემინარის მონაწილე. იყო “დინამოს” მთავარ მწვრთნელ ზაზა ცაგარეიშვილის თანაშემწე. “დინამოდან” წასვლის შემდეგ კარიერა “შსს აკადემიაში” გააგრძელა. იყო ამ გუნდის როგორც მთავარი მწვრთნელი, ასევე თანაშემწე.
წყვილს თანაცხოვრებაში ორი შვილი, ქეთი და ბუბუ ჟღენტები შეეძინა.
ლიკა შენგელიას მეორე ქორწინება
ლიკა შენგელიას მეორე მეუღლე შპს კავკასუს კონსტრაქშენ გრუპის დირექტორი ბიძინა ჯიხვაძე იყო. წყვილს ქორწინებაში სამი ვაჟი შეეძინა, თუმცა მათი თანაცხოვრება დიდხანს არ გაგრძელებულა. როგორც ლიკა შენგელია წერს, უკვე ოთხი წელია, რაც სამ მცირეწლოვან შვილს მარტო ზრდის.
"თავს ვერავინ ვერასდროს დამახრევინებს და მუდამ ამაყი ვიქნები! მე, ლიკა შენგელიას, 5 არაჩვეულებრივი და სანიმუშო შვილის დედას! 4 ვაჟკაცის დედას! დედას, რომელიც, აგერ უკვე 4 წელია, მარტო ზრდის თავის პატარა სამ კაცუნას! ვერავინ იტყვის, რომ სადმე ვინმესთან, თუნდაც, გამივლია ! იმიტომ კი არა, რომ უფრთო ანგელოზი ვარ, სულაც არა, უბრალოდ მე მეტი მინდა! მე ჩემი ადამიანი მინდა და ყველა ადამიანი ვინც კი ყოფილა ჩემს ცხოვრებაში, მიყვარდა მთელი გულით და დღესაც ყველს უხარია ჩემი დანახვა", - წერს ლიკა შენგელია ვრცელ წერილში.