"რაც მიოცნებია, რაც სიკეთე გამიკეთებია, რაც მილოცია, ყველაფერი ხარ..." - ნანუკა გულუა უფროსი შვილის დაბადების დღეს აღნიშნავს - Marao
"რაც მიოცნებია, რაც სიკეთე გამიკეთებია, რაც მილოცია, ყველაფერი ხარ..." - ნანუკა გულუა უფროსი შვილის დაბადების დღეს აღნიშნავს
ნანუკა გულუა ცნობილი სერიალ "ჩემი ცოლის დაქალებიდან" გახდა. მან ხალხის სიყვარული მოკლე დროში მოიპოვა.
დღეს ნანუკას უფროსი შვილი, ნინა იუბილარია, რასთან დაკავშირებითაც ემოციურ ვიდეო რგოლს აქვეყნებს წარწერით:
"ზედმეტი სიტყვების მეშინია...მოკლედ ვიტყვი... ნინა, დედა,გილოცავ! რაც მიოცნებია, რაც სიკეთე გამიკეთებია, რაც მილოცია, რაც დავულოცივართ, ყველაფერი ხარ... ღმერთო, ღრმა სიბერემდე იცოცხლოს ტკივილის გარეშე, სიყვარულით, სილაღით, სიხარულით... ჩემი პირველი ახდენილი ოცნება, ნინა, 3 წლის" - წერს ნანუკა.
ნანუკა გულუა
ნანუკა გულუამ რჩეულზე, კახა კაშიაზე 2021 წელს იქორწინა. როგორც თავად ამბობდა, მათი ქორწინება მოულოდნელად გადაწყდა და ამაში დიდი წვლილი ოჯახის წევრებსაც მიუძღვით.
ნანუკასა და კახას ორი შვილი, ნინა და ირაკლი ჰყავთ, ხოლო მესამე შვილი სულ ახლახან შეეძინათ. ნანუკა თავად ხშირად აღნიშნავს, რომ მის ასაკში დედობა კიდევ უფრო განსაკუთრებული გრძნობაა. მისი თქმით, ორი შვილის ყოლა გადაწყვეტილი ჰქონდა, თუმცა მზადაა, რამდენი შანსიც მიეცემა, იმდენჯერ გახდეს დედა. მსახიობი ცოტა ხნის წინ ხუმრობდა კიდეც, რომ მოსწონს, როცა ორსულობის დროს მასზე განსაკუთრებულად ზრუნავენ და მეოთხე შვილის ყოლაზეც დაფიქრდება.
„იმედია, ქვის სროლას არ დავიწყებ. ამის გარანტიასაც ვერ ვიძლევი. პირველი მშობიარობა და მშობიარობის შემდგომი პერიოდი მქონდა იდეალური. არაფერზე მინერვიულია და ემოციებს ზედმეტად არ ავყოლივარ. მეორე ორსულობაც იდეალური იყო. ორსულობის შემდგომი დეპრესია ორ თუ სამ კვირას გაგრძელდა. რომელმაც ჩემ ფსიქიკას დიდი დაღი დაასვა. რაც ყველაზე უცნაურია, ორსულობის პერიოდში ვმშვიდდები, ემოციურადაც უფრო კარგად ვარ.“ – ამბობს ნანუკა გულუა.