ქართველი კალათბურთელების მეორე ნახევრები - როგორია ცნობილი წყვილების ცხოვრება - Marao
ქართველი კალათბურთელების მეორე ნახევრები - როგორია ცნობილი წყვილების ცხოვრება
სულ ცოტა ხნის წინ საკალათბურთო სამყაროს ერთ-ერთ ყველაზე მნიშვნელოვან ღონისძიებას, ევრობასკეტს ვადევნეთ თვალი. კვიპროსის ქალაქ ლიმასოლში ქართველი სპორტსმენების საგულშემატკივროდ არაერთი ქომაგი გაემგზავრა. მიუხედავად იმისა, რომ ეს ტურნირი ჩვენთვის დიდი გამარჯვებების გარეშე დასრულდა, პირველად საქართველოს ისტორიაში ევრობასკეტის მეოთხედფინალში საქართველოც ვიხილეთ.
ამ სპორტულმა აჟიოტაჟმა უკვე გადაიარა, ახლა კი თვალი გადავავლოთ ჩვენი სპორტსმენების ცხოვრებას, მათ მშვენიერ მეუღლეებსა და ბედნიერ ოჯახებს.
სანდრო მამუკელაშვილი
სანდრო დაოჯახებული არ არის, მაგრამ ჰყას შეყვარებული, მერსედეს ბრუკი. გოგონა ამერიკელია და სანდროს მსგავსად ისიც სპორტით, კერძოდ კალათბურთით არის დაკავებული. ის ამჟამად ქალთა კალათბურთის ასოცირებული მთავარი მწვრთნელია. სანდრო იშვიათად საუბრობს შეყვარებულზე, თუმცა ხშირად აქვეყნებს მასთან ერთად გადაღებულ ფოტოებს.
თორნიკე შენგელია
თორნიკე შენგელიას მეუღლე მოდელი სალომე ჯუღელია. წყვილი 2013 წელს დაოჯახდა და მალევე ამერიკაში გადავიდნენ საცხოვრებლად. სალომე ზაზა ფაჩულიას დეიდაშვილია. ამ დროს ის საფრანგეთში იწყობდა მოდელის კარიერას. მას დიდ მომავალს უწინასწარმეტყველებდნენ. აღსანიშნავია, რომ 2013 წელს სალომეს ფოტოები ჟურნალ Vogue-ის ვებგვერდზე გამოქვეყნდა. სალომე ფრანგი სტილისტის, ლაურენტ ფილიპონის ვარცხნილობით პოზირებდა.
თორნიკე მომავალ მეუღლეს ზაზა ფაჩულიას შვილის ნათლობაში შეხვდა და როგორც მოგვიანებით რძალმა თიკა ალავიძე-ფაჩულიამ გაამხილა, კალათბურთელი მოდელით პირველივე დანახვისთანავე მოიხიბლა და გოგონას შესახებ ყველაფერი მისი დეიდაშვილისგან გაიგო. ურთიერთობა სოციალური ქსელით გაგრძელდა და მალე იქორწინეს. წყვილს 3 ვაჟი ჰყავს.
დუდა სანაძე
კალათბურთელ დუდა სანაძის მეუღლე მომღერალი ანუნა მდივნიშვილია. ანუნა მაყურებელმა პროექტ "ჯეოსტარით" გაიცნო.
დუდა ანუნასსთან შეხვედრას იხსენებს და ამბობს, რომ ის კალათბურთის ფედერაციაში გაიცნო.
"ანუნა კალათბურთის ფედერაციაში მუშაობდა და შემთხვევით დავინახე, როცა სამსახურიდან გამოდიოდა. მე კი ამ დროს ვარჯიშიდან გამოვდიოდი. დავინტერესდი, შემდეგ, ინფორმაციები მოვიძიე და გავიცანი.
ჩემი წარმატება ანუნას წარმატებაა. თამამად ვამბობ, ჩემი ყველა წარმატებული ნაბიჯი ანუნას დამსახურებაა, ძალიან მიწყობს ხელს. შეიძლება, ვინც მას არ იცნობს და არ იცის, სპორტსმენის ცხოვრებაში მეუღლის როლი რამდენად დიდია, ამას ვერ ხვდებოდეს, მაგრამ ასეა.
ელემენტარული, სპორტულ რეჟიმში ხელშეწყობაც ძალიან მნიშვნელოვანია, აღარაფერს ვამბობ ფსიქოლოგიურ მხარდაჭერაზე.. ის ყველაფერს აკეთებს იმისთვის, რომ ძალიან კარგ ფორმაში ვიყო და მოედანზე მაქსიმუმი გავაკეთო" - ამბობდა დუდა.
ცოტა ხნის წინ წყვილი გოგონას მშობლები გახდნენ, მათ ორი შვილი ჰყავთ.
გიორგი შერმადინი
გიორგი შერმადინის მეუღლე ანა ამაშუკელია. წყვილს 5 შვილი ჰყავს.
„მე დავით ტატიშვილის სამედიცინო ცენტრში ვმუშაობდი, რომლის იუბილეზე ჯამლეტ ხუხაშვილი და გიორგი შერმადინიც იყვნენ დაპატიჟებული. იქ გავიცანი, ალა-ფურშეტის დროს, როგორც ხდება ხოლმე, ბიჭები შეუთამამდებიან გოგონებს და გიორგისაც ასე დაემართა, ტელეფონის ნომერი მთხოვა და ძალიან მალე დამირეკა. მისი ანთებული თვალებით თავიდანვე მივხვდი, რომ რაღაც ხდებოდა.
გიორგი თავიდან ცოტა ვაწუწუნე, მაგრამ მერე შევხვდით. არა იმიტომ, რომ ქალმა მამაკაცი უნდა აწუწუნოს, არამედ იმიტომ, რომ მე თვითონ ვარ საკმაოდ სერიოზული ურთიერთობებში, არ მიყვარს ურთიერთობის ადვილად წამოწყება. მცირე წუწუნის შემდეგ შევხვდი და ნელ-ნელა, აგურ-აგურ ავაშენეთ ჩვენი ურთიერთობა” - იხსენებდა ანა ამაშუკელი.
თავად გიორგი კი ოჯახის შესახებ ასე საუბრობდა:
„ უკვე 10 წელზე მეტია, რაც მე და ანი ერთად ვართ. თბილისში გავიცანი, ერთ-ერთი კლინიკის 10 წლის იუბილეზე, რომელზეც ჯამლეტ ხუხაშვილი იყო დაპატიჟებული და ის სადაც მიდიოდა, ყველგან თან დავყავდი. ჩამაცმევდა ხოლმე "მაკაბის" ფორმას და მივყავდი. ანი იქ გავიცანი. მერე მალე მომიწია საბერძნეთში წასვლა, მაგრამ ტელეფონით ვკონტაქტობდით და რაღაც დროის შემდეგ დავოჯახდით. პირველი გოგონა შეგვეძინა, მერე - ნიკოლოზი, ბოლოს კი ტყუპი გოგონა. ოთხი შვილის მამობა მაგარი რამაა... დარბიან და "მამიტო", "მამიტოს" მეძახიან, ძალიან ვუყვარვარ. ტელევიზორში რომ მხედავენ, ეკრანს ხელს ურტყამენ - "მამიტო". დიდი სიხარულია. ღმერთს მადლობა, რომ ასეთი დიდი ოჯახი ვართ”.
