ლილის პირველი დაბადების დღე და ემოციური წერილი: "ძალიან რთული და სტრესული 9 თვე გავიარეთ მე და შენ, ლილი..." - Marao
ლილის პირველი დაბადების დღე და ემოციური წერილი: "ძალიან რთული და სტრესული 9 თვე გავიარეთ მე და შენ, ლილი..."
ჯანეტ ქერდიყოშვილისა და ნოე სულაბერიძის უმცროსი ქალიშვილი, ლილი სულაბერიძე ერთი წლის გახდა. მშობლებმა უსაყვარლეს ლილის წვეულება ოჯახურ გარემოში მოუწყვეს. ვარდისფერი დეკორაციებით, სადღესასწაულო ტორტითა და მხიარულებით სავსე დღის კადრები კი ჯანეტმა სოციალურ ქსელშიც გააზიარა.
"გილოცავ, დედიკო, შენს პირველ დაბადების დღეს. ძალიან რთული და სტრესული 9 თვე გავიარეთ მე და შენ, ლილი. მხოლოდ ღრმა რწმენითა და ლოცვებით ყველაფერი იმაზე უკეთესად დასრულდა, ვიდრე ვნატრობდი. მადლობა უფალს!" - დაწერა ჯანეტ ქერდიყოშვილმა.
ნოე სულაბერიძე და ჭანეტ ქერდიყოშვილი
ნოე სულაბერიძე უკვე არაერთი წელია, ტელევიზიაში მუშაობს. მისი კარიერა 2005 წელს იწყება მარკეტინგულ–სარეკლამო სააგენტო „სარკეში“, სადაც სარეკლამო ვიდეორგოლების წარმოების დირექტორის პოზიციაზე მუშაობდა. მისი პროდიუსერობით, ტელეკომპანია "იმედის" ეთერში არაერთი საერთაშორისო და საავტორო პროექტი შეიქმნა. მათ შორის ყველაზე პოპულარულია "ცეკვავენ ვარსკვლავები" და "ნოესთან". ის სხვა ცნობილ სახეებთან ერთად გადაცემას PrimeShow უძღვება.
ნოე სულაბერიძის პირადი ცხოვრება არაერთხელ გამხდარა განხილვის საგანი. მას პირველ ქორწინებაში ერთი შვილი, ალექსანდრე ჰყავს. პროდიუსერმა მეორედ ჟურნალისტ ეკა სამხარაძეზე იქორწინა, რომელთანაც ქალიშვილი, ლიზა შეეძინა. მესამედ ნოე მოდელ ჯანეტ ქერდიყოშვილზე დაქორწინდა. მათ ორი შვილი ანნა და ლილი ჰყავთ.
2019 წლის აპრილში ყველასთვის მოულოდნელად ცნობილი გახდა, რომ "მის საქართველო" პროდიუსერ ნოე სულაბერიძეზე დაინიშნა. წყვილი სამოგზაუროდ ევროპაში წავიდა - ისინი ჯერ ავსტრიაში პრესტიჟულ ღონისძიებას დაესწრნენ, შემდეგ კი თაფლობის თვე იტალიაში გაატარეს.
"ნოე თბილისში იყო, მე - მოსკოვში. ამიტომ თავიდან ტელეფონით გვქონდა კომუნიკაცია... წლებია, ერთმანეთს შორიდან ვიცნობთ, უბრალოდ, მანამდე მეგობრული კონტაქტიც კი არ გვქონია. ერთად ყოფნის გადაწყვეტილების მიღება ცხოვრებაში ძალიან რთულია, თუმცა იმდენად ერთნაირი ღირებულებები და ხასიათი გვაქვს, რომ ბევრი ფიქრი არ დაგვჭირვებია.
ნოესგან ხელის თხოვნა ძალიან ემოციური მომენტი იყო ჩემთვის... ყველა გოგო თავის ცხოვრებაში ამ მომენტზე ოცნებობს და ბედნიერი ვარ, რომ ნოემ ყველაფერი სწორად და ლამაზად გააკეთა", - ამბობდა მაშინ ჯანეტი.
ცხოვრების ამ ეტაპზე ჯანეტი შვილების აღზრდითაა დაკავებული და პარალელურად ინფლუენსერობასაც ითავსებს - ის ხშირად გვთავაზობს სხვადასხვა პროდუქტისა თუ სერვისის რეკლამას საკუთარი სოციალური ქსელებიდან და უფროს ქალიშვილთან, ანნასთან ერთად გადაღებებშიც მონაწილეობს.