"ჩემი სიყვარული" - ნინი ქარსელაძის ახალი ფოტოები და ზაფხულის არდადეგები - Marao

მომღერალი ნინი ქარსელაძე სოციალურ ქსელში, ლევან ჟორდანიასთან ერთად გადაღებულ ფოტოებს აქვეყნებს: "ჩემი სიყვარული", - წერს ნინი. ლევან ჟორდანია ხათუნა ჟორდანიას ძმის, მერაბ ჟორდანიასა და მაკა ასათიანის ვაჟია. ნინის ბიძაშვილებთან, ლევანთან და კახისთან ახლო ურთიერთობა აქვს და მათთან გადაღებულ ოჯახურ კადრებს ხშირად აზიარებს. 

ნინი ქარსელაძის ქორწინება, ოჯახი და კარიერა

ნინი ქარსელაძე 1991 წლის 11 აპრილს დაიბადა. სამი წლის ასაკში პირველად ფრანგული სიმღერა „La belle dame sans regrets“ ჩაწერა. მე-5 კლასამდე სწავლობდა ფრანგულ კოლეჯში, შემდგომში გადავიდა თბილისის 53-ე საჯარო სკოლაში და ბრიტანულ სკოლაში. 1997 ჯგუფ „სახესთან“ ერთად ჩაწერა დუეტი „წვიმად გადავიქეცი“. 1998 წელს დაიწყო დუეტების შესრულება ზუკა ხუციშვილთან ერთად. 1999 წელს „ქუჩის ბიჭებთან“ ერთად ჩაწერა სიმღერა „ნინი და ქუჩის ბიჭები“. 2003 წელს კი - სიმღერა „ჩემი ქალაქი“.

• "და-ძმა... ულამაზესი ოჯახი" - ხათუნა ჟორდანია შვილის, ნინი ქარსელაძისა და ძმისშვილის ოჯახურ კადრებს აქვეყნებს 

 ნინის რომ დედასთან განსაკუთრებული ურთიერთობა აქვს, ამაზე საჯაროდ ბევრჯერ უსაუბრია:

"მამის გარეშე გავიზარდე, მამა არ ცხოვრობდა ჩვენთან ერთად, დედა იყო ჩემთვის მამაც და დედაც. ძალიან მკაცრი იყო დედაჩემი – 22 წლამდე 10 საათზე უნდა ვყოფილიყავი სახლში. კარიერას და სიმღერას რაც შეეხება, ყველაფერი, ალბათ, ხათუნას დამსახურებაა. მას შეეძლო ღამეები გაეთენებინა სტუდიაში, როდესაც კეთდებოდა სიმღერა. ყველაზე მთავარი თვისება, რაც დედისგან ვისწავლე, ეს არის სიკეთის კეთება", – ამბობს ნინი.

• ახალი ცხოვრება, განსხვავებული სტილი და ფოტოები მოგზაურობიდან: ნინი ქარსელაძის კადრები 

ხათუნას პირველი მეუღლე თეკუჩა ქარსელაძე იყო. 90-იანებში ხათუნას, როგორც გამორჩეული გარეგნობის გოგოს, ბევრი ეტრფოდა, მაგრამ მისი და თეკუჩას სიყვარულმა ყველა აალაპარაკა. მიუხედავად იმისა, რომ წყვილი ერთმანეთს დაშორდა, ხათუნა ყოფილ მეუღლეს ყოველთვის დადებითად იხსენებდა: 

• ცნობილი ოჯახი, პოპულარობა და ლონდონური ცხოვრება - ანასტასია ხაჩიძის ამბები ეკრანს მიღმა 

 "20 წლის ვიყავი, როცა წითელზე, შუქნიშანთან, მანქანა გავაჩერე და გვერდზე რაღაც მანქანა გაჩერდა. გავიხედე იმიტომ, რომ ბიჭი მიყურებდა. როცა მწვანე აინთო, ის წავიდა, მე კი დავრჩი კიდევ ნახევარი საათით, მანქანა ვეღარ დავძარი, გული მიცახცახებდა...

მალევე გავიცანი და, დაახლოებით, 1 წლის მერე თბილისში ყველაზე მოდური და სიმპათიური ბიჭის, თეკუჩა ქარსელაძის ცოლი გავხდი. მერე? მერე იყო ბევრი კარგიც და ცუდიც. ყველაზე დიდი ბედნიერება ნინია, რომელიც მისი ასლია. თვითონ ყოველთვის ეამაყებოდა, რომ ასეთი შვილი ჰყავდა. სულ ამბობდა, ზუსტად მე ვარ ახალგაზრდობაშიო“ - წერდა ხათუნა ჟორდანია.