რუსა ჩაჩუა ბედნიერი ოჯახის 12 წელს აღნიშნავს: "მის გვერდით აღარ ვმალავ ასაკს - პირიქით, მშვიდად ველოდები სიბერეს..." - Marao
რუსა ჩაჩუა ბედნიერი ოჯახის 12 წელს აღნიშნავს: "მის გვერდით აღარ ვმალავ ასაკს - პირიქით, მშვიდად ველოდები სიბერეს..."
"ერთხელ მითხრა: 40 წელი შენს ლოდინში მოსესავით დავიარებოდიო.
მის გვერდით აღარ ვმალავ ასაკს (ჩემი მეგობრები გაიგებენ) - პირიქით, მშვიდად ველოდები სიბერეს, რადგან ვიცი, ეს იქნება ყველაზე საინტერესო მოგზაურობა მომავალში, სადაც ყოველი წელი მხოლოდ უფრო ღრმად აძლიერებს ჩემს სიყვარულს. 7 სექტემბერი და ეს საყვარელი 12 წელი..." - წერს სოციალურ ქსელში უმშვენიერესი მოდელი, რუსა ჩაჩუა და მეუღლესთან ერთად გადაღებულ ფოტოებს აქვეყნებს.
რუსა ჩაჩუას ბედნიერი ოჯახი და შვილები
რუსა ჩაჩუამ პირველი ოჯახი 17 წლის ასაკში შექმნა. 3 წელი კომპანია "მაგთიში" მუშაობდა, ნასტიას დაბადებიდან მალევე კი მოდელი არჩილს გაშორდა. რამდენიმე წლის წინ ულამაზეს რუსა ჩაჩუას ვანიკო თარხნიშვილთან ერთად პროექტი „ბრავო“ მიჰყავდა. მას შემდეგ რუსა ეკრანზე აღარ გამოჩენილა და მხოლოდ რეკლამებში მონაწილეობს. მის პირად ცხოვრებაზე კი პრესაში ხშირად წერენ.
როგორც ამბობენ, რუსა მკაცრი და"გიჟი" დედაა, შვილებისგან მაქსიმუმს მოითხოვს და არც თვითონ იშურებს ენერგიასა და დროს. მოდელის პირველი შვილი, თაზო სახვაძე, თინეიჯერებსა და დედის გამომწერებში დიდი პოპულარობით სარგებლობს.
რუსა ჩაჩუას თანამედროვე კონკიას უწოდებენ. „შემიძლია ვთქვა, რომ მის გვერდით პრინცესა ვარ“, – თქვა რუსამ დიმა ნაფეტვარიძესთან ქორწინების შემდეგ ერთ-ერთ ინტერვიუში. მიუხედავად იმისა, რომ რუსა პროფესიით მოდელი არ არის და პოდიუმზე არც ისე ხშირად ჩნდება, მას ფოტოსესიებში ხშირად იწვევენ, ვინაიდან მისი სილამაზე ეკრანსა და ჟურნალების გარეკანებს ძალიან უხდება.