"დათი მამიკოს საგულშემატკივროდ" - რა ფოტოებს აქვეყნებს ზურიკო დავითაშვილის მეუღლე - Marao
"დათი მამიკოს საგულშემატკივროდ" - რა ფოტოებს აქვეყნებს ზურიკო დავითაშვილის მეუღლე
7 სექტემბერს, დინამო არენაზე, საქართველოს ეროვნულმა საფეხბურთო ნაკრებმა ბულგარეთი 3-0 დაამარცხა. მატჩს პირველად ხვიჩა კვარაცხელიამ უკაპიტნა.
თამაშს ფეხბურთელების ოჯახის წევრები ესწრებოდნენ. ზურიკო დავითაშვილს პატარა დათი ამხნევებდა. ამის ამსახველი კადრები, ზურიკოს მეუღლემ, მია გზირიშვილმა გამოაქვეყნა და გულშემატკივრების მხრიდან უამრავითბილი კომენტარი დაიმსახურა.
მია გზირიშვილი და ზურიკო დავითაშვილი
კითხვაზე, როგორ გაიცნო მომავალი მეუღლე, ზურიკო იხსენებდა: „რუბინში“ დავბრუნდი, ვიცოდი, რომ ერთი თვე ვრჩებოდი იქ და მერე სხვა გუნდში უნდა წავსულიყავი. მე და კვარა ერთ ოთახში ვიყავით. იმ პერიოდში მას უკვე ჰყავდა შეყვარებული. სულ ვუყურებდი, რომ ლაპარაკობდა და ჩვენ ისე აღარ ვკონტაქტობდით, როგორც ადრე, შეიძლება ითქვას, რომ ნიცამ „წამართვა“ კვარა. ნიცას ჰყავდა დაქალი მია. ფოტოები ვნახე და მომეწონა, მოვილაპარაკეთ, რომ უნდა გამეცნო. მაგრამ დაგეგმილად ხომ ვერაფერი მოხდებოდა. კვარას და ნიცას დახმარებით გავიცანი მია და პირველივე დღიდან ისე წავიდა ყველაფერი, რომ უკვე ეტყობოდა, როგორ განვითარდებოდა სიტუაცია. მია ბევრ რამეში დამეხმარა. ეგ პერიოდი მქონდა რთული“, – ამბობდა ზურიკო დავითაშვილი.
ზურიკოს და მიას პატარა დათი 2023 წლის ნოემბერში შეეძინათ. მამობა კი ახალგაზრდა ფეხბურთელისთვის ბევრი ცვლილების მომტანო აღმოჩნდა:
"იმ დროისთვის, როდესაც ბავშვი ჩნდებოდა, არ ვიყავი ოჯახთან ერთად. ვიყავი შეკრებაზე, ბიჭებთან ერთად. მეუღლემაც მითხრა, წადიო... მამობა საოცრებაა, ეს ყველამ იცის, მაგრამ ჩვენი სპორტი ასეთია, პატარა მსხვერპლის გაღებაც გიწევს. შემეძლო, რომ დავრჩენილიყავი კიდეც, მაგრამ ზუსტადაც არ ვიცოდით, როდის დაიბადებოდა. არანაირი რთული მომენტი არ გვქონია, როგორც გითხარით, მეუღლემ მირჩია, რომ წამოვსულიყავი. მადლობა მას, თორემ მე შეიძლება დავრჩენილიყავი..."