სვანური სილამაზე ალპებიდან - მატილდა გვარლიანის შვეიცარიული მოგზაურობა - Marao
სვანური სილამაზე ალპებიდან - მატილდა გვარლიანის შვეიცარიული მოგზაურობა
ახალგაზრდა და წარმატებული მოდელი მატილდა გვარლიანი ქართველებისთვის საყვარელი სახეა. მის კარიერულ წარმატებებს საქართველოში უამრავი ადამიანი ელოდება და გულშემატკივრობს. ამის პარალელურად, მატილდა ხშირად აზიარებს კადრებს საკუთარი ყოველდღიურობიდან.
მატილდა აგვისტოს ცხელ დღეებს შვეიცარიის ალპებში ატარებდა. ფოტოგრაფმა ალეშ ალბიმ ქართველი მოდელის შვეიცარიული მოგზაურობის ამსახველ ფოტოები შემოგვთავაზა. ულამაზესი ბუნებისა და მშვენიერი მოდელის კადრებმა დიდი მოწონება დაიმსახურა.
მატილდა გვარლიანი
მატილდა გვარლიანი 2002 წლის 24 დეკემბერს, თბილისში დაიბადა.
14 წლის ასაკში იგი Look Models Management-მა თბილისში აღმოაჩინა, რაც მისი სამოდელო კარიერის დასაწყისი იყო.
15 წლის ასაკში მატილდამ მონაწილეობა მიიღო Pull & Bear's 2020 წლის შემოდგომა/ზამთრის კოლექციის სარეკლამო კამპანიაში. ამან განაპირობა მისი გამოჩენა იტალიურ Vogue-ის კამპანიაში.
2024 წელს მატილდამ ისტორია დაწერა და გახდა პირველი ქართველი მოდელი, რომელმაც Victoria's Secret-ის მოდის ჩვენებაზე გაიარა.
მთელი თავისი კარიერის განმავლობაში, მატილდა ამშვენებდა გამოჩენილი ჟურნალების გარეკანებს, მათ შორის M Le magazine du Monde-ს 2023 წლის ოქტომბერში, გადაღებული დევიდ სიმსის მიერ. იგი ასევე წარმოდგენილი იყო D Repubblica-სა და Elle US- ის რედაქციებში.
"12 წლის ვიყავი, როდესაც look Models Managment-ის ცეკვის მასწავლებლის მეგობარი შემხვდა სალონში. შემომთავაზა ნინო ცქიტიშვილის სააგენტოში მისვლა, რომელიც, მისი თქმით, არა მხოლოდ საქართველოში, არამედ უცხოეთშიც წარმატებით მუშაობდა. რა თქმა უნდა, დავინტერესდი და მივედი. ძალიან პატარა ვიყავი და ასაკიდან გამომდინარე გადავწყვიტე, ცოტა ხანს დამეცადა. 14 წლიდან მივედი სააგენტოში. მესამე გაკვეთილზე უკვე გადავიღეთ თამუნა ინგოროყვას „ლუქბუქი“. სააგენტოში 14 წლის უფრო მომზადებული მივედი, განსაკუთრებულად გავაძლიერე ენების შესწავლა, რაც მოდელს ძალიან სჭირდება. 12 წლისამ იქ ჩემი ტოლი გოგონები ვერ ვნახე" - იხსენებდა მატილდა.
მატილდა გვარლიანის დებიუტი Haute Couture-ზე Dolce & Gabbana-ს 2020 წლის გაზაფხული/ზაფხულის კოლექციის ჩვენებაზე შედგა. ის ასევე გამოვიდა GCDS 2020 წლის გაზაფხული-ზაფხულის შოუზე. 2020 წელს უკრაინული Marie Claire-ის აპრილის ნომრის გარეკანზე ახალგაზრდა ქართველი მოდელი გამოჩნდა.
გარდა წარმატებული კარიერისა, მატილდა მაღალი მოქალაქობრივი პასუხისმგებლობითაც გამოირჩევა. ის, სამშობლოდან შორს, ყოველთვის ჩართულია ქვეყანაში მიმდინარე პროცესებში, ღიად გამოხატავს საკუთარ აზრს და ხშირად უცხადებს მხარდაჭერას თანატოლებს.