" სწორედ შენ ხარ ის ადამიანი, ვისაც მინდა, მთელი ჩემი სიყვარული, სითბო, თანადგომა მივუძღვნა" - "სუხიშვილების" სოლისტი, მარიამ მათიაშვილი ქორწინების ორ წელს აღნიშნავს - Marao

ცოტა ხნის წინ "სუხიშვილების" მოცეკვავე მარიამ მათიაშვილი დედა გახდა. მარიამის მეუღლე დავით თოფურიაა. წყვილს გოგონა, სახელად ლეა ჰყავს.

მარიამ მათიაშვილმა და დავით თოფურიამ ორი წლის წინ იქორწინეს. ორდღიან ქორწილს მაშინ დიდი გამოხმაურება მოჰყვა. ულამაზეს გარემოში გამართული წვეულებიდან კადრები სოციალურ ქსელში ვირუსულად ვრცელდებოდა. არავის გაჰკვირვებია, რომ ქორწილი ნამდვილ ზეიმად იქცა, რომელიც სავსე იყო ტრადიციული ქართული ცეკვით, მხიარულებითა და გართობით. 

ახლა მარიამ მათიაშვილი და დავით თოფურია ქორწინების ორ წელს უკვე პატარა ლეასთან ერთად აღნიშნავენ. 

"ორი წელი გავიდა მას შემდეგ, რაც ერთად დავიწყეთ ცხოვრება და დღითი დღე უფრო და უფრო ვრწმუნდები, რომ შენ ჩემი უდიდესი საჩუქარი ხარ. მადლობა, რომ ყოველთვის ჩემს გვერდით ხარ, რომ ჩემი ყველაზე დიდი იმედი და ძალა ხარ. მადლობა ყოველი ერთად გატარებული წუთისთვის და მადლობა ჩვენი შვილისთვის - სიყვარულის უდიდესი ნაყოფისთვის. შენ გვერდით ცხოვრება არის სიხარული, სიმშვიდე და სიყვარული, რომელიც ყოველდღე იზრდება. უსაზღვროდ მიყვარხარ და მადლობა ღმერთს, რომ სწორედ შენ ხარ ის ადამიანი, ვისაც მინდა მთელი ჩემი დრო, ენერგია, ყურადღება, სიყვარული, სითბო, თანადგომა მივუძღვნა მთელი დარჩენილი ცხოვრების განმავლობაში" - წერს მარიამ მათიაშვილი და ქორწილის კადრებს აქვეყნებს.

• "ადრე და ახლა" - მარიამ მათიაშვილი მშობიარობის შემდგომი ტრანსფორმაციის ფოტოს აქვეყნებს 

მარიამ მათიაშვილის ბიოგრაფია

მარიამ მათიაშვილი მოცეკვავეა, რომელიც არაერთი წელია "სუხიშვილების" სოლისტია.  მარიამი ქართული ცეკვით ადრეულ ასაკშივე დაინტერესდა, რადგან ის თეა დარჩიას უფროსი ქალიშვილია. 

როგორც თეა დარჩია არაერთ ინტერვიუში იხსენებდა, მუდმივი გასტროლებისა და დატვირთული სამუშაო გრაფიკის გამო შვილებთან დიდი დროის გატარებას ვერ ახერხებდა. 

"როცა პირ­ვე­ლად მო­მიყ­ვა­ნეს პირ­ვე­ლი შვი­ლი, 1990 წელი იყო. ვი­ყა­ვი შოკ­ში. იცით, რას მივ­ხვდი 19 წლის ასაკ­ში? ღმერ­თის დახ­მა­რე­ბის გა­რე­შე, უბ­რა­ლოდ, გა­მო­რი­ცხუ­ლია, რომ ამ­ხე­ლა რა­ღაც შეძ­ლო. ასე­ვე, იმ მო­მენ­ტში გა­ვი­აზ­რე, რა მაგ­რად ვყვა­რე­ბი­ვარ დე­და­ჩემს. მე­ო­რე შვი­ლი გაჩ­ნდა 10 წლის შემ­დეგ, მაგ­რამ ზუს­ტად იგი­ვე შეგ­რძნე­ბა გან­მე­ორ­და, დავ­ბრუნ­დი ათი წლით უკან, მე­სა­მე­ზეც - იგი­ვე და მე­ო­თხე­ზეც - იგი­ვე, მაგრამ უფრო და უფრო ძლი­ე­რი, იმი­ტომ, რომ ასა­კის მა­ტე­ბას­თან ერ­თად უკეთ იაზ­რებ, რამ­ხე­ლა ბედ­ნი­ე­რე­ბაა დე­დო­ბა", - ამბობდა თეა დარჩია.

• გაიცანით თეა დარჩიას უმცროსი ქალიშვილი: იოანა მათიაშვილი, რომელიც ოჯახის ტრადიციას აგრძელებს 

მარიამი უკვე თავადაც დედაა - მას პირველი შვილი, ლეა, 2025 წლის იანვარში შეეძინა. მისი და დავით თოფურიას ქორწილი კი 2023 წელს შედგა. წყვილმა გრანდიოზული წვეულება კაჭრეთში გამართა. ორდღიან აღნიშვნას თან მხიარულება და უამრავი ლამაზი კადრი სდევდა. ქორწილში "სუხიშვილებმა" საოცარი შოუ დადგეს, იცეკვა თეა დარჩიამაც. ფოტოები და ვიდეოები კი სოციალურ ქსელში დიდი ხნის მანძილზე ტრიალებდა. 

მარიამს ქორწილში ორი კაბა, ერთი - უფრო მეტად სადღესასწაულო, მეორე კი - უფრო მოკრძალებული. უმშვენიერესმა პატარძალმა უამრავი კომპლიმენტი დაიმსახურა. 

ახლა მარიამის ცხოვრებაში მთავარი შვილია - მის სოციალურ ქსელებში ხშირად შეხვდებით ლეას ფოტოებსა და ვიდეოებს. ასევე, რჩევებსა და რეკომენდაციებს ახალბედა დედებისთვის.