VIDEO: "2003 წელს ჩვენებაზე, ქერა, მოკლე თმით..." - როგორ გამოიყურებოდა ეკო ფანგანი 22 წლის წინ - Marao

"მე და ნინო ორდენიძე 2003 წელს ჩვენებაზე. ქერა, მოკლე თმით მე ვარ", - წერს ეკო ფანგანი და ძველ კადრებს აქვეყნებს. ნინო ორდენიძე ბევრს ახსოვს, როგორც ძალიან ლამაზი, მომხიბვლელი მოდელი, თუმცა ის ში­ნა­გან საქ­მე­თა სა­მი­ნის­ტროს ყო­ფი­ლ მა­ღალ­ჩი­ნო­სან­თან, ლე­ვან გვა­ზა­ვას­თან დაოჯახების შემდეგ პროფესიას ნელ-ნელა ჩამოშორდა. მას ორი შვილი, დოდოშკა და მაშო ჰყავს. 

ეკო ფანგანი საზოგადოებამ ასევე წლების წინ გაიცნო. ახალგაზრდა, მომხიბვლელი გოგო ხშირად ჩნდებოდა როგორც პოდიუმზე, ესე ტელეეკრანზე. ეკო დაქორწინებული არ არის, აქვს აქტიური სატელევიზიო კარიერა და მაყურებელს კულტურისა და მოდის სიახლეებს აცნობს. 

ეკო ფანგანის კარიერა და ოჯახი 

ეკო ფანგანმა კარიერული გზა სრულიად განსხვავებული სფეროდან დაიწყო: 

"ტელევიზიისგან სრულიად განსხვავებული სფერო ავირჩიე - თსუ-ში, საერთაშორისო სამართლის ფაკულტეტზე ჩავაბარე. სხვათა შორის, მთელ კურსზე ყველაზე მაღალი ქულებით მე ჩავირიცხე. მშობლები არც ჩარეულან, ისე ავირჩიე ეს სპეციალობა და უნივერსიტეტშიც ისე ჩავაბარე. ისინი არასდროს მაკონტროლებდნენ, თუმცა დედაჩემი ყოველთვის ახერხებდა, ჩემ შესახებ ყველაფერი სცოდნოდა და ყველაფრის საქმის კურსში ყოფილიყო. დღესაც არ ვიცი, ვისგან და როგორ იგებდა. მიუხედავად იმისა, რომ ძალიან მზრუნველი და კარგი მშობლები მყავდა, მე უფრო ბებია-ბაბუასთან ყოფნა მომწონდა, მათთან ვიზრდებოდი და ისინი განსაკუთრებით მიყვარდა.

• ეკო ფანგანი კანის კინოფესტივალზე - თეთრი კაბა და შთამბეჭდავი კადრები

ალბათ ამიტომ, ძალიან დამოუკიდებელი ბუნების ვიყავი, ჩემი სამყარო მქონდა და იქ ვცხოვრობდი. სამწუხაროდ, დღეს ჩემი ბებია-ბაბუები ცოცხლები აღარ არიან, მაგრამ მათი ამაგი არასდროს დამავიწყდება. ჩემი ბაბუა, სერგო ფანგანი საბჭოთა კავშირის დროს, ერთ-ერთი დამსახურებული, მაღალჩინოსანი ქართველი სამხედრო იყო. 1945 წლის შემდეგ, ის ორი წლით დატოვეს ბერლინის კომენდანტად. ჩემს თვალში ნამდვილი გმირი იყო.

ძალიან დიდი ნათესაობა გვყავს, ბაბუას თავისი ახლობლები და ოჯახის წევრები აქ ჩამოჰყავდა და ასწავლიდა. მახსოვს, რომ მთელი სვანეთი სტუდენტობის წლებში ჩვენს სახლში ცხოვრობდა.ისინი ჩვენს ოჯახს დიდ პატივს სცემდნენ და ნათესაური კავშირები დღემდე შენარჩუნებული გვაქვს. განსაკუთრებით მიყვარდა მეორე ბაბუა - შალვა მიქაძე, რომელიც 25 წლის განმავლობაში თსუ-ის ქიმიის ფაკულტეტის დეკანი იყო. თუ ვინმემ რაიმე მასწავლა, სწორედ ის იყო. მისი დამსახურებაა, რომ ასე ძალიან მიყვარს სპორტი. ჰოკეით დაწყებული, ფეხბურთის ჩათვლით, ბაბუა ყველაფერს მაყურებინებდა. სწორედ მან შემაყვარა პოეზია და ლიტერატურაც. ის ჩემთვის საუკეთესო მეგობარი იყო და მისგან გამოყოლილი სიყვარული დღემდე გულს მითბობს!" - იხსენებს ის. 

• როგორ შეიცვალა უმშვენიერესი წამყვანი წლების მანძილზე: ეკო ფანგანის გამორჩეული და დახვეწილი სტილი

რა გზა გაიარა მან ტელევიზიამდე, ამაზე არაერთხელ უსაუბრია:

"სულაც არ ვფიქრობ, რომ ტელეწამყვანი აუცილებლად ლამაზი უნდა იყოს. ისედაც, არ მიყვარს გარეგნობაზე აპელირება და არ ვფიქრობ, რომ სილამაზეს ადამიანის წარმატებაში მნიშვნელოვანი როლი აქვს. მართალია, ზოგიერთ პროფესიას ეს უფრო მეტად სჭირდება, ზოგს – ნაკლებად, მაგრამ მთავარი მაინც ადამიანის მონდომება და შრომისმოყვარეობაა. სილამაზის კონკურსშიც კი, სადაც ვიზუალს დიდი მნიშვნელობა აქვს, ვერაფერს მიაღწევ, თუ მაქსიმალურად არ დაიხარჯები. ეს კარგად გავაცნობიერე, როდესაც მოდელობა დავიწყე.

• „დავდივარ ტაძარში, ვვარჯიშობ, არ მომწონს მკაცრი დიეტები“ - ეკო ფანგანის რჩევები და ცხოვრების სტილი

მართალია, ეს არც ჩემი პროფესია იყო, არც შემოსავლის წყარო, უბრალო გატაცება გახლდათ, მაგრამ დავრწმუნდი, რა დიდი შრომაა საჭირო, რომ სამოდელო ბიზნესში სახელი მოიხვეჭო და წარმატებას მიაღწიო. მარტო გარეგნობით ამ სფეროში ვერაფერს გახდები, თუ წელში გაწყვეტამდე არ იშრომე – ეს მაშინ, როცა ნულიდან იწყებ, თორემ სინდი კროუფორდის შვილი პოდიუმზე უპრობლემოდ მოხვდა, რადგან ის სინდი კროუფორდის შვილი იყო. როცა ადამიანი ყველაფერს ნულიდან იწყებს, მიზნის მისაღწევად, გაცილებით მეტი შრომა და ძალისხმევა სჭირდება, მით უმეტეს, ტელევიზიაში", - ამბობდა ეკო ფანგანი.