რა სჭირს ბელა ჰადიდს? სუპერმოდელის გულწრფელი პოსტი და დედის, იოლანდა ჰადიდის ემოციური წერილი - Marao

მსოფლიოში ერთ-ერთი ყველაზე წარმატებული სუპერმოდელი, ბელა ჰადიდი, უკვე წლებია ებრძვის ლაიმის დაავადებას. დიაგნოზი მას 2012 წელს, 16 წლის ასაკში დაუსვეს. დაავადება არა მხოლოდ ბელას, არამედ მის ოჯახსაც აწუხებს. იგივე დიაგნოზი აქვს დედას, იოლანდა ჰადიდს, და ძმას, ანუარ ჰადიდს.

ლაიმის დაავადება არის ბაქტერიით გამოწვეული სერიოზული ინფექცია, რომელსაც ხშირად თან ახლავს დაღლილობა, სახსრების ტკივილი, მეხსიერების პრობლემები და ნერვული სისტემის დაზიანება. ბელა ჰადიდის თქმით, მან უამრავი წელი მკურნალობასა და საავადმყოფოებში გაატარა.

რამდენიმე დღის წინ ბელამ საკუთარ Instagram-ზე გამოაქვეყნა ემოციური პოსტი, რომელშიც საავადმყოფოს ფოტოებს აზიარებდა. მან ასე­ვე გა­ა­ზი­ა­რა სა­ა­ვად­მყო­ფოს ბა­ღის სუ­რა­თე­ბი, ოჯა­ხის წევ­რე­ბი­სა და მე­გობ­რე­ბის ფო­ტო­ე­ბი, რომ­ლე­ბიც მას სტუმ­რო­ბენ. 

ფოტოებთან ერთად ბელამ დაწერა: „მაპატიეთ, რომ ხშირად ვიკარგები, მიყვარხართ".

• Victoria’s Secret-ის TOP 10 ლეგენდარული მოდელი: ამბები ყველაზე „ვარდისფერი“ შოუს კულისებიდან 

ჰა­დი­დის დე­დამ, იო­ლან­და ჰა­დიდ­მა, კო­მენ­ტა­რებ­ში მას "ლა­ი­მთან მე­ო­მა­რი" უწო­და. მის­მა დამ, ჯიჯი ჰა­დიდ­მა კი და­ა­მა­ტა: "მიყ­ვარ­ხარ! იმე­დი მაქვს, მალე ისე­თი ძლი­ე­რი და ჯან­მრთე­ლი იქ­ნე­ბი, რო­გორ­საც იმ­სა­ხუ­რებ!".

ბელას პოსტს მალევე მოჰყვა მისი დედის, იოლანდა ჰადიდის გამოხმაურება.

"რო­გორც მიხ­ვდე­ბით, ჩემ­თვის უდი­დე­სი ტკი­ვი­ლია ჩუ­მად ვუ­ყუ­რო ჩემი ბე­ლას ბრძო­ლას. ქრო­ნი­კუ­ლი ლა­ი­მის და­ა­ვა­დე­ბა რო­გორ ტან­ჯავს ადა­მი­ანს, ეს სხვებისთვის ძნე­ლი ასახ­სნე­ლი და გა­სა­გე­ბია. ვერანაირი ტკი­ვი­ლი შე­ედ­რე­ბა ჩემი შვილის ტან­ჯვის ყუ­რე­ბას. მსოფ­ლი­ოს გარ­შე­მო 15-წლი­ა­ნი ძი­ე­ბის შემ­დეგ, კვლავ გა­და­წყვე­ტი­ლი მაქვს, ვი­პო­ვო ყვე­ლას­თვის ხელ­მი­საწ­ვდო­მი წა­მა­ლი.

ჩემს მშვე­ნი­ერ ბე­ლი­ტას: შენ სა­ოც­რად მა­მა­ცი ხარ. არც ერთი ბავ­შვი არ უნდა იტან­ჯე­ბო­დეს გა­ნუ­კურ­ნე­ბე­ლი ქრო­ნი­კუ­ლი და­ა­ვა­დე­ბით. აღ­ფრთო­ვა­ნე­ბუ­ლი ვარ შენი გამ­ბე­და­ო­ბით და იმით, რომ მზად ხარ, ამ ბრძო­ლა გა­აგ­რძე­ლო ჯან­მრთე­ლო­ბის­თვის, მი­უ­ხე­და­ვად უშედეგო პრო­ტო­კო­ლე­ბი­სა და უამ­რა­ვი წა­რუ­მა­ტებ­ლო­ბი­სა, რო­მელ­საც ამ გზა­ზე წა­ა­წყდი. არ არ­სე­ბობს სი­ტყვე­ბი, რომ­ლე­ბიც აღ­წერს იმ სიბ­ნე­ლეს, ტკი­ვილ­სა და ჯო­ჯო­ხეთს, რო­მე­ლიც დი­აგ­ნო­ზის დას­მი­დან გა­და­ი­ტა­ნე. 

ძა­ლი­ან ვა­მა­ყობ, რომ ასე­თი მებ­რძო­ლი ხარ. მარ­ტო არ ხარ, გპირ­დე­ბი, რომ ყო­ველ ნა­ბიჯ­ზე და­გეხ­მა­რე­ბი, რაც არ უნდა დიდ­ხანს გაგ­რძელ­დეს ეს.

მკურ­ნა­ლო­ბის კი­დევ ერთი თვე გა­და­ი­ტა­ნე, ვიცი, რომ ღმერ­თი მო­წყა­ლეა, სას­წა­უ­ლე­ბი ყო­ველ დღე ხდე­ბა. ვლო­ცუ­ლობ შენი სწრა­ფად გა­მო­ჯან­მრთე­ლე­ბის­თვის, ჩემო სიყ­ვა­რუ­ლო. ამ და­ა­ვა­დე­ბამ დაგ­ვა­ჩო­ქა, მაგ­რამ ჩვენ ყო­ველ­თვის ფეხ­ზე ვდგე­ბით. ერ­თად გა­ვაგ­რძე­ლებთ ბრძო­ლას უკე­თე­სი დღე­ე­ბის­თვის.

ძა­ლი­ან მიყ­ვარ­ხარ, ჩემო ძლი­ე­რო მე­ო­მა­რო", - წერს იო­ლან­და ჰა­დი­დი.

• ბრძოლა იშვიათ დაავადებასთან, პლასტიკურ ქირურგია და ყველაზე ლამაზი ქალის ტიტული - ბელა ჰადიდი