თამო ვაშალომიძის პირველი კომენტარი ხმაურიანი ვიდეოს შემდეგ: " უდიდესი ძალაა, ქალბატონებო, თქვენი მხარდაჭერა..." - Marao
თამო ვაშალომიძის პირველი კომენტარი ხმაურიანი ვიდეოს შემდეგ: " უდიდესი ძალაა, ქალბატონებო, თქვენი მხარდაჭერა..."
ცოტახნის წინ თამო ვაშალომიძემ "ნანუკა ჟორჟოლიანის შოუში" თქვა, რომ ის მეუღლეს აკა სამხარაძეს დაშორდა. მან საკუთარ სოციალურ გვერდზე სამადლობელი ვიდეო გააზიარა, რომლითაც მადლობა გადაუხადა ყველა გულშემატკივარს ვინც ამ რთულ დროს გვერდში დაუდგა.
"ძალიან დიდი მადლობა ასეთი თბილი მესიჯებისა და გვერდში დგომისთვის. უდიდესი ძალაა, ქალბატონებო, თქვენი მხარდაჭერა და ზუსტად თქვენ ხართ მოტივაცია და ძალა, რომ გავაგრძელო ჩემი თავისა და კომპანიის განვითარება და, რაც მთავარია, ჩემი შვილების აღზრდა" - ამბობს თამო ვაშალომიძე.
აღსანიშნავია, რომ თამოს და აკას ერთი საერთო შვილი, მაქსიმე ჰყავთ.
თამო ვაშალომიძე
თამო ვაშალომიძის სახელი და გვარი პირველად საზოგადოებამ წლების წინ გაიგო, როცა მან ყურადღება თამამი ფოტოსესიებითა და განცხადებებით მიიპყრო. ის ფოტომოდელია და ხშირად ჩანს სხვადასხვა კამპანიაში. ამის გარდა, ის სოციალურ ქსელში თავადაც აქტიურია, აქვს "ფეისბუკის", "ინსტაგრამისა" და "ტიკ-ტოკის" საკუთარი არხები და გამომწერებს ცხოვრების საინტერესო დეტალებს ამ გზით უზიარებს.
"პირველი წარმატება იყო მაშინ, როდესაც საქართველოს სახელით კოსოვოში წავედი, 2013 წელს. საქართველოში კონკურსი "მის ბიკინი" ჩატარდა. საუკეთესო ოცეულში მოვხვდი და მერე გამოვეთიშე. ჩემმა მენეჯერმა გამიშვა კოსოვოში, იქ "მის თავისუფლება" ტარდებოდა. ჩემთვის ეს ძალიან ემოციური იყო. ვფიქრობდი, აქ არ გამიმართლა და ბედი იქ უნდა მეცადა. ამ კონკურსში "პრესის რჩეული" გავხდი. ჩემი ტიტული ლენტზე დიდი ასოებით ეწერა და რომ გადამკიდეს, ეგრე ჩამოვედი საქართველოში. უზომოდ გახარებული ვიყავი."
თამო დაქორწინებული იყო ბიზნესმენ აკა სამხარაძეზე. წყვილს ერთი საერთო შვილი, მაქსიმე ჰყავს, ხოლო თამოს პირველ ურთიერთობაში გოგონა შეეძინა.
" ახლა ჩემი მეუღლე არის ჩემი მარჯვენა ხელი, სული, გული; ადამიანი, რომელიც ყველაფერს აკეთებს ჩემი ბედნიერებისთვის. მაგრამ სანამ მას გავიცნობდი, თავად ძალიან ბევრი ვიშრომე. გულწრფელად გეტყვი, მაშინ ბევრი რამ არც ვიცოდი, როგორ გამეკეთებინა. გულუბრყვილო ვარ-მეთქი, ხომ გითხარი, ხანდახან ტელევიზიები სიუჟეტებისთვის სათავისოდ მიყენებდნენ. გამოუცდელი რომ ხარ, გგონია, ყველა კეთილია, ყველას მოსწონხარ, მერე თავს გესხმიან და ხმასაც ვერ იღებ, გეშინია არ დაგბლოკონ, არ გაგაშავონ. ეს ყველაფერი გამოვიარე. მებრძოლი რომ არ ვყოფილიყავი, დღეს ჩემი რეალობა ასეთი არ იქნებოდა." - ამბობდა თამო ერთ-ერთ ინტერვიუში.