ცნობილი ბრენდი და ელეგანტური "ლუქი": რა ღირს ნიცა თავაძის კაბა, რომელიც მან PSG Foundation Gala-ზე მოირგო - Marao
ცნობილი ბრენდი და ელეგანტური "ლუქი": რა ღირს ნიცა თავაძის კაბა, რომელიც მან PSG Foundation Gala-ზე მოირგო
Ballon d'Or (ოქროს ბურთი) დაჯილდოების შემდეგ სპორტული სამყაროს ყურადღებამ The PSG Foundation Gala-სკენ გადაინაცვლა.
PSG Foundation Gala, ფრანგულად Gala de la Fondation du PSG არის საქველმოქმედო საღამო, რომელიც ორგანიზებულია საფეხბურთო კლუბის PSG მიერ, მიმართულია სოციალური და საზოგადოებრივი პროექტების მხარდაჭერაზე, რომლებიც კლუბის ფონდში ხორციელდება. ამ პროგრამის მიზანია, მხარი დაუჭიროს სოციალურ და ჰუმანიტარულ პროექტებს, განსაკუთრებით ახალგაზრდობის, ინკლუზიის, განათლებისა და სპორტული აქტივობების მიმართულებით.
Gala de la Fondation du PSG რამდენიმე მთავარი იდეის გარშემო იმართება:
- დიდი დაფინანსების შესაგროვებლად — ეწყობა აუქციონი, ხორციელდება დონაციები, იკრიბებიან სპონსორები, რათა ფინანსური რესურსები მობილიზდეს ფონდში არსებული პროექტებისთვის.
- ყურადღება მიექცეს საზოგადოებრივ პროექტებს — აქტივობები ახალგაზრდებთან, სპორტული და სოციალური პროგრამები, ინკლუზია, განათლება, ჯანმრთელობა და სოციალური ინტეგრაცია.
- კლუბის, ფეხბურთელების და საზოგადოების ურთიერთობის გაძლიერება — გალა საღამო ასევე არის პლატფორმა, სადაც ფეხბურთელები, აფილირებული პირები, ცნობილი სახეები და მხარდამჭერები იკრიბებიან ერთ სივრცეში.
წლევანდელი ღონისძიება მასშტაბურობით გამოირჩეოდა. მას არაერთი ცნობილი სახე დაესწრო. ფეხბურთელები და მათი მეუღლეები წითელ ხალიჩაზე პოზირებდნენ, ღონისძიება საინტერესო და მნიშვნელოვანი იყო როგორც სოციალური, ისე საზოგადოებრივი ასპექტით.
წლევანდელი Gala de la Fondation du PSG განსაკუთრებული იყო ჩვენთვისაც, ქართველებისთვის, ამას კი ერთი მთავარი მიზეზი ჰყავდა - ხვიჩა კვარაცხელია. საქართველოს ეროვნული ნაკრებისა და საფეხბურთო კლუბ „პარი სენ-ჟერმენის“ შემტევი ნახევარმცველი ამ ღონისძიებას მეუღლესთან, უმშვენიერეს ნიცა თავაძესთან ერთად დაესწრო.
ხვიჩა კვარაცხელია ტრადიციულად, კლასიკურ სმოკინგში იყო გამოწყობილი, ნიცამ კი, დრესკოდის დაცვით, შავი, გრძელი კლასიკური კაბა მოირგო. ხვიჩა კვარაცხელიას და ნიცა თავაძის მიმართ განსაკუთრებული ინტერესის გამო, მათი კადრები ქართულ მედიასა და სოციალურ ქსელებშიც მალევე გავრცელდა. ნიცას ვიზუალმა უამრავი ადამიანის მოწონება დაიმსახურა.
როგორ გამოიყურებოდნენ ნიცა თავაძე და ხვიჩა კვარაცხელია Gala de la Fondation du PSG-ზე
PSG-ის ფეხბურთელები ამ საღამოზე მუქი ფერის კლასიკური სამოსით გამოჩნდნენ, გამონაკლისი არც ხვიჩა კვარაცხელია ყოფილა. ნიცა თავაძემ კი ულამაზესი დეკოლტეთი გაფორმებული, შავი კაბა მოირგო.
ნიცას კაბა ძალიან ჰგავს Vivienne Westwood-ის Nova Cocotte crêpe satin gown მოდელს, რომლის ღირებულებაც 5,620 ევროა.
რაც შეეხება აქსესუარებს, ნიცამ მინიმალისტური არჩევანი გააკეთა და ამ ელეგანტურ კაბასთან ერთად მხოლოდ საათი მოირგო. მის მიერ შერჩეული ჩანთა კი ჰგავს Rabanne-ის ოქროსფერ მეტალის ჩანთას, რომლის ფასიც, დაახლოებით, 1,590 დოლარია.
