მეგან მარკლს ვეღარ იცნობთ: ელეგანტურობის და თავდაჯერებულობის ტრიუმფი - დაუვიწყარი გამოჩენა პარიზის მოდის კვირეულზე - Marao

პარიზის მოდის კვირეული ყოველთვის იყო ელეგანტურობის, კლასისა და მოდური ექსპერიმენტების ცენტრი, მაგრამ წელს განსაკუთრებული ყურადღება მიიპყრო ერთმა სტუმარმა – სასექსის ჰერცოგინია მეგან მარკლმა.

მეგანი პარიზში მოულოდნელად გამოჩნდა, მანამდე არავის ჰქონდა ინფორმაცია მისი სტუმრობის შესახებ, რაც მის გამოჩენას კიდევ უფრო დიდ ინტერესს მატებდა. მეგან მარკლი პარიზის მოდის კვირეულზე ელეგანტური ლუქით წარსდგა.

44 წლის მეგანი 4 ოქტომბერს პარიზში Balenciaga-ს ჩვენებას დაესწრო, რათა მხარი დაეჭირა პიერ პაოლო პიჩოლისთვის, რომელიც მაისში მოდის სახლის ახალ კრეატიულ დირექტორად გამოცხადდა.

• მეგან მარკლი და პრინცი ჰარი სამეფო ოჯახის ტრადიციების წინააღმდეგ - როგორ ცხოვრობს წყვილი დღეს 

სასექსის ჰერცოგინიას წარმომადგენელმა Us Weekly-ს განუცხადა: „ეს მისი ჩვენებებზე პირველი დაბრუნებაა“. მეგანმა 58 წლის პიჩოლის  დიზაინით ჩაიცვა.

"ის დიდი ხანია აღფრთოვანებულია მისი ოსტატობითა და თანამედროვე ელეგანტურობით და დღევანდელი საღამოც გამონაკლისი არ ყოფილა. ეს საღამო ასახავს მრავალწლიანი ხელოვნებისა და მეგობრობის კულმინაციას, რაც აისახება მის მხარდაჭერაში Balenciaga-ში მისი ახალი შემოქმედებითი თავის მიმართ" - განაცხადა პრესსპიკერმა.

შოუსთვის მეგან მარკლმა აირჩია თეთრი ელეგანტური ორეული და ნაზი ოქროს აქსესუარები, ამასთან მეგანმა კვირეულის ფარგლებში შავი ატლასის კაბა მოირგო, რომელსაც შავი კლასიკური ფეხსაცმელი შეუხამა. როგორც უცხოური გამოცემები წერენ, მეგანი დარბაზში შესვლისთანავე იქცა ყველა ფოტოგრაფის ობიექტივად.

• "ბიჭი, რომელიც მეფე გახდება" - როგორ ეხმიანება ბრიტანული მედია პრინც ჯორჯის გამოჩენას 

როგორც გავრცელებული ინფორმაციით ირკვევა, მეგანი პარიზში იმყოფებოდა თავისი ახალი ქალთა მხარდაჭერის ფონდის ევროპული ინიციატივის წარსადგენადაც. სწორედ ამიტომ, მისმა ვიზიტმა მიიღო ორმაგი მნიშვნელობა.

მეგანის გამოჩენამ კიდევ ერთხელ აჩვენა, რომ ის არ არის მხოლოდ ყოფილი მსახიობი ან ჰერცოგინია, ის გლობალური მოდის და კულტურის გავლენიანი ფიგურაა.