"თუ ღმერთი მომცემს, კიდევ ერთ შვილს გავაჩენ, 41 წლის ვარ..." - ნინო მუმლაძე სტერეოტიპების წინააღმდეგ და მისი დედობის გამოცდილება - Marao
"თუ ღმერთი მომცემს, კიდევ ერთ შვილს გავაჩენ, 41 წლის ვარ..." - ნინო მუმლაძე სტერეოტიპების წინააღმდეგ და მისი დედობის გამოცდილება
ნინო მუმლაძე ყველასთვის საყვარელი ქართველი მსახიობია, რომელმაც პოპულარობა როგორც სატელევიზიო შოუებში, ისე სპექტაკლებში მონაწილეობით მოიპოვა.
ნინო დედა სულ ცოტა ხნის წინ, 39 წლის ასაკში გახდა. დედობის გამოცდილებაზე კი ის ინტერვიუებში ხშირად საუბრობს. ამჯერად ამ თემაზე მას ჟურნალი "სარკე" ესაუბრა:
„თუ ღმერთი მომცემს, კიდევ ერთ შვილს გავაჩენ. 41 წლის ვარ და მრავალშვილიანობას ვერ გავქაჩავ.
მთელი ცხოვრება მინდოდა, ბიჭი მყოლოდა. ოჯახში სულ ქალები ვიყავით. მამაჩემი 1996 წელს გარდაიცვალა და მას შემდეგ სახლში 5 ქალი დავრჩით, ამიტომ მინდოდა ბიჭი. სხვათა შორის, როცა დავფეხმძიმდი, სიზმარში ვნახე ზურგით მჯდარი პატარა გოგონა. რადგან გოგონა დამესიზმრა, რატომღაც მეგონა, გოგონა გამიჩნდებოდა, მაგრამ შევცდი. ექიმმა რომ მითხრა, ბიჭიაო, ძალიან გამიხარდა…“ - თქვა ნინო მუმლაძემ.
ნინო მუმლაძის ოჯახი და კარიერა
ნინო მუმლაძე ცნობილი და წარმატებული ქართველი მსახიობია. მას დამთავრებული აქვს კონსერვატორიასთან არსებული ექსპერიმენტული სამუსიკო ათწლედის ვოკალის ფაკულტეტი. 2004 წელს დაამთავრა თეატრისა და კინოს სახელმწიფო უნივერსიტეტის სამსახიობო ფაკულტეტი. 2004 წელსვე დაიწყო მუშაობა თეატრალურ სარდაფში. 2006 წლიდან მუშაობდა ალექსანდრე გრიბოედოვის სახელობის რუსულ დრამატულ თეატრში. 2007 წელს დაიწყო მუშაობა ნოდარ დუმბაძის სახელობის მოზარდ მაყურებელთა თეატრში. 2010 წლიდან კი თავისუფალი თეატრის მსახიობია.
ნინოს განსაკუთრებული პოპულარობა მოუტანა სერიალებმა "ჩვენი ოფისი", "რაც ყველაზე ძალიან გიყვარს" და "ჩემი ცოლის დაქალები".
2023 წელს ნინომ მეგობრებსა და გულშემატკივრებს სასიხარულო ინფორმაცია გაუზიარა და გაამხილა, რომ ის შეყვარებული იყო. მისი რჩეული ფერმწერი გუგა გოგინაშვილია. წყვილს ერთი წლის წინ პირველი საერთო შვილი შეეძინა, რომელსაც რონი დაარქვეს.
მიუხედავად იმისა, რომ ბავშვის მოვლა ძალიან დამღლელია, ეს მაინც შეუდარებელი განცდაა! სხვა დედებისგან განსხვავებულს ვერაფერს ვიტყვი: ბავშვის ერთი ჩახუტება გადაწონის ყველა იმ სირთულეს, რომელიც პატარას მოვლას ახლავს თან. რაც მთავარია, მშობიარობამ კარგად ჩაიარა. მიუხედავად იმისა, რომ 39 წლის ვარ და ჩემთვის ეს პირველი მშობიარობა იყო, არანაირი გართულება არ მქონია.
მშობიარობის შემდეგ ვერა და ვერ დავიკელი. ახლა გადავწყვიტე, ისევ მივმართო ჩემს ენდოკრინოლოგს და დავიწყეთ წონასთან დაუნდობელი ბრძოლა. ორსულობის შემდეგ ქალები ან სუქდებიან, ან ხდებიან, მე კი ისეთი არ აღმოვჩნდი, რომ გავმხდარიყავი. პირიქით, მიხარია, ვჭამ, განვიცდი – ვჭამ, ამიტომაც არ მიკვირს, რომ დედობის პირველმა წელმა გამასუქა…“ - ამბობდა მსახიობი.