"ეს ასაკობრივი სხვაობა კატასტროფული არ არის..." - რუსკა ქარქაშაძე ოჯახზე, მეუღლესა და ქორწინებაზე - Marao

რუსკა ქარქაშაძე საქართველოში პოპულარული და ბევრისთვის საყვარელი სახეა. მან სულ პატარა ასაკში მოახერხა ხალხის სიყვარულის მოპოვება, როცა სერიალში "ხელოვნური სუნთქვა" მელანოს როლი არაჩვეულებრივად შეასრულა. 

რუსკა ახლა უკვე დედის ამპლუაშია - ჰყავს ერთი შვილი, ზუკა, რომელიც მისი ცხოვრების მთავარ გმირად იქცა. რუსკა მეუღლესთან ერთად ზრდის შვილს, ჰყავს დამხმარეს, თუმცა თავად აქტიური დედაა და ბავშვის განვითარების ყველა ეტაპს მასთან ერთად გადის. 

• "ნეტავ, ერთმანეთთან ჯიბრს მოვრჩებოდეთ და მერე ვეღარც გაგვიბედავდნენ ამას..." - რას წერს რუსკა ქარქაშაძე

როგორია რუსკა ქარქაშაძისთვის დედობა და ოჯახური ცხოვრება, ამის შესახებ მან "პრაიმ ტაიმთან" ისაუბრა: 

- ახლა ვთვლი, რომ ჩემს ცხოვრებაში მთავარი როლი ჩემს შვილს უჭირავს. ყველაფერს ახლა სწავლობს და მინდა ჩართული ვიყო და აქტიურად მივიღო მონაწილეობა ზუკას განვითარებაში. თუმცა, ამის პარალელურად, ჩემს საქმესაც ვაგრძელებ და ვცდილობ, არ მქონდეს პაუზა. ამ ეტაპზე, ცოტა ნელით ტემპით ვმუშაობ, მაგრამ უფრო აქტიურადაც დავბრუნდები.

როცა დედა ხდები, შენი ცხოვრება მანდედან გამომდინარე მიდის. მანამდე, რა იყო, თითქოს არ გახსოვს. ბევრი მაკლია იდეალურ დედობამდე და ჯერ ვერ ვიტყვი, რომ კარგი დედა ვარ. ბავშვი როგორი იქნება, სწორედ ამით გაირკვევა როგორია დედა. როცა ზუკა დაიბადა, დედაჩემთან ვიყავით, უნდა გავრკვეულიყავი, რა ხდებოდა ჩემს თავს. როცა ორი კვირის გახდა, ჩვენს სახლში დავბრუნდით და ეს იყო ყველაზე სწორი გადაწყვეტილება.

- თქვენს წყვილს შორის არის 12 წლიანი ასაკობრივი სხვაობა, რაც ხშირად არის განხილვის ობიექტი სოციალურ ქსელში, რა რეაქცია გაქვს ამაზე?

- ჩემი აზრით, ეს ასაკობრივი სხვაობა კატასტროფული არ არის. პრინციპში, ამას ყველაფერი დადებითი აქვს. რა თქმა უნდა, არიან ადამიანები, რომლებიც, ამ 12 წლიან ასაკობრივ სხვაობას, უსვამენ ხაზს, მაგრამ მე ასე არ ვფიქრობ. ბევრ რამეს ვსწავლობ ლაშასგან, რაც ერთად ვართ, უფრო განვვითარდი და ალბათ, ეს მისი დამსახურებაა. ჩემი კუთხით, სილაღე და ბავშვურობა შემაქვს ურთიერთობაში.

 რუსკა ქარქაშაძის ოჯახი, ქორწინება და კარიერა 

რუსკა ქარქაშაძე ქართველი მსახიობია, რომელმაც პოპულარობა სერიალ "ხელოვნური სუნთქვაში" მელანოს როლის შესრულებით მოიპოვა. მანამდე, ბავშვობიდანვე აქტიურად მონაწილეობდა თეატრალურ წარმოდგენებში და ტელესერიალებში, მათ შორის "კომედი კიდსში". ასევე, 10 წლის ასაკში ითამაშა ფილმში "არარეალური სახლი". 

რუსკა ქარქაშაძე 2003 წლის 7 აპრილს დაიბადა. ცნობილია, როგორც მსახიობი, ტელეწამყვანი და ინფლუენსერი. 

• "არ ვარ უცხო ილიას ოჯახისთვის... თუ წყვილი შორდება, ესე იგი, უნდა დაშორებულიყო" - რას ამბობს ქართველი სპორტული მიმომხილველი ილია თოფურიას შესახებ

დადიოდა თეატრალურ სტუდიაში, რის შემდეგაც ნოდარ დუმბაძის სახელობის მოზარდ მაყურებელთა თეატრში მიიწვიეს. ითამაშა რამდენიმე სპექტაკლში, ასევე მოკლემეტრაჟიან ფილმებში. 

2016 წელს „რუსთავი 2“-ის ეთერში გავიდა „ფორმულა კრეატივის“ დრამატული ტელესერიალი „ხელოვნური სუნთქვა“, რომელშიც ერთ-ერთი მთავარი პერსონაჟის, მელანოს როლი შეასრულა.

"მახ­სოვს "ხე­ლოვ­ნუ­რი სუნ­თქვის“ პირ­ვე­ლი გა­და­ღე­ბე­ბი იყო და მა­შინ 13 წლის ვი­ყა­ვი და 24 სა­ა­თი გა­და­ღე­ბა­ზე ვი­ყა­ვი. ზა­ფხულ­ში ყვე­ლა რომ და­სას­ვე­ნებ­ლად წა­ვი­და, მე გა­და­ღე­ბებ­ზე დავ­დი­ო­დი, ასე­თი მო­მენ­ტი ბევ­რი იყო, რომ ჩემი კლა­სე­ლე­ბი სად­მე მი­დი­ოდ­ნენ და მე გა­და­ღე­ბე­ბის გამო ვერ ვა­ხერ­ხებ­დი. კი­ნა­ღამ სკო­ლა­ში ბოლო ზარ­ზე ვერ მი­ვე­დი. ძლივს მო­ვა­ხერ­ხე ცოტა ხნით მის­ვლა. სკო­ლის დას­რუ­ლე­ბის შემ­დეგ, ჟურ­ნა­ლის­ტი­კის ფა­კულ­ტეტ­ზე ჩა­ვა­ბა­რე, მაგ­რამ მე­ო­რე კურ­სი­დან მივ­ხვდი, რომ ჩემი არ იყო. შემ­დეგ სა­ჯა­რო მმარ­თვე­ლო­ბა­ზე და პო­ლი­ტი­კა­ზე გა­და­ვე­დი. ჩვე­ნი ყო­ველ­დღი­უ­რო­ბა ხომ პო­ლი­ტი­კაა, მაგ­რამ ეს არ ნიშ­ნავს იმას, რომ მო­ვალ ერთ დღეს და პო­ლი­ტი­კო­სი გავ­ხდე­ბი."

მსახიობი და ტელეწამყვანი რუსკა ქარქაშაძე 2023 წლის 8 ივნისს დაქორწინდა ბიზნესმენ ლაშა მოწონელიძეზე. ქორწილი 300 სტუმრის თანდასწრებით გაიმართა, რომლისთვისაც წყვილი ორი თვის განმავლობაში ემზადებოდა. საზეიმო ღონისძიებაზე მათ შეასრულეს ვალსი და ქართული ცეკვა, რისთვისაც სპეციალური მომზადება გაიარეს. საღამოს არაერთი ცნობილი სახე ესწრებოდა, მათ შორის: ნანუკა გულუა, სალომე შარვაძე, ოთო ფოლადაშვილი, ჯულიანა ბარგნარი, გიორგი გასვიანი, მარიტა მელიქიშვილი, ბახვა ბრეგვაძე, გიგა უჩუვატოვი, დალი ჩიტალაძე, გიო ხუციშვილი, გიორგი და ლუკა ჭოხონელიძეები და სხვ.

ლაშა მოწონელიძემ რუსკას ხელი სთხოვა იტალიაში, სადაც ისინი მეგობრებთან ერთად მსახიობის დაბადების დღეს აღნიშნავდნენ.

„ერ­თმა­ნე­თი მო­უ­ლოდ­ნე­ლად გა­ვი­ცა­ნით, ბევ­რი სა­ერ­თო მე­გო­ბა­რი გვყავ­და, მაგ­რამ მა­ნამ­დე არ შევ­ხვედ­რილ­ვართ. სა­ერ­თო მე­გობ­რის და­ბა­დე­ბის დღე­ზე გა­ვი­ცა­ნი. სულ ვამ­ბობ, რომ რო­დე­საც და­ვი­ნა­ხე, თვა­ლი გა­ვა­ყო­ლე, ეგ­რე­ვე ვიგ­რძე­ნი რა­ღაც. იმ დღის მერე სულ ერ­თად ვართ, პა­უ­ზა არ გვქო­ნია. ჩემ­ზე უფ­რო­სია, 32 წლი­საა. ძა­ლი­ან მა­ბა­ლან­სებს, სა­ერ­თოდ არ არის ეჭ­ვი­ა­ნი. თა­ვად არ უყ­ვარს ყუ­რა­დღე­ბის ცენ­ტრში ყოფ­ნა, მნიშ­ვნე­ლო­ვა­ნია, პი­რა­დი სივ­რცე ჰქონ­დეს.ჩვენ ძალიან ბევრი საერთო ინტერესი გვაქვს, ასევე, ბევრ რამეზე იდენტური შეხედულება. მან თავიდანვე იცოდა ჩემი ცხოვრების სტილის შესახებ. ის ჩემი პირველი გულშემატკივარია და ყველაფერში გვერდში მიდგას. თუ ჭკვიანი და მიზანდასახული ხარ ადამიანი, ქორწილი ხელს არაფერში შეგიშლის. პირიქით, გვერდით გეყოლება ადამიანი, რომელიც ორმაგ მოტივაციას მოგცემს, რომ გახდე უკეთესი“, -  ამბობდა მსახიობი.

ცოტა ხნის წინ ცნობილი გახდა, რომ რუსკა ქარქაშაძე და ლაშა მოწონელიძე პირველი შვილის მშობლები გახდნენ. პატარას ზუკა დაარქვეს. მსახიობმა შვილთან შეხვედრის პირველი ემოციური წუთები მეგობრებსაც გაუზიარა.