თაკო ნაცვლიშვილის და დაინიშნა: ვინ არის ანა ნაცვლიშვილის რჩეული - Marao

მშვენიერი ახალგაზრდა მოდელი, ანა ნაცვლიშვილი დაინიშნა. ფოტოები ნიშნობიდან მან საკუთარ გვერდზე გამოაქვეყნა. ულამაზესმა წყვილმა უამრავი მილოცვა და კომპლიმენტი მიიღო. 

• სამაგალითო ქართული ოჯახი: 4 შვილი და ოჯახური ბედნიერება ნინა ცქიტიშვილისა და ვატო ნაცვლიშვილის ცხოვრებაში

ანა ნაცვლიშვილი ცნობილი ოჯახიდანაა - ის მოდელი ნინო ცქიტიშვილისა და კალათბურთელი ვატო ნაცვლიშვილის შვილია. ასევე ცნობილი სახეა მისი უფროსი და, თაკო ნაცვლიშვილი, რომელმაც დედის კარიერული გზა გააგრძელა და მისი არაერთი წარმატების მომსწრე ჩვენც გავხდით. თაკოს და ანას ჰყავთ ორი ძმა, გუგა და ანდრია. გუგა, მამის მსგავსად, კალათბურთელია, ანდრია კი ჯერ სკოლის მოსწავლეა. 

ანა ნაცვლიშვილი, განსხვავებით უფროსი დისგან, მედიასთან თითქმის არ ურთიერთობს, არ უყვარს საჯაროდ საუბარი საკუთარ ოჯახსა და პირად ცხოვრებაზე, თუმცა სოციალურ ქსელებში აქტიურია და ხშირად აზიარებს როგორც კარიერულ სიახლეებს, ისე ოჯახურ ამბებს. 

ანა განსაკუთრებული გარეგნობით გამორჩეული ახალგაზრდა მოდელია, რომელიც ხშირად იღებს მონაწილეობას სხვადასხვა ბრენდის გადაღებასა თუ კამპანიაში. დასამახსოვრებელი იყო დების კოლაბორაცია, როცა ანა უფროსმა დამ, თაკო ნაცვლიშვილმა საკუთარი ბრენდის კამპანიაში გადაიღო. 

• "ეს ბიჭი 30 წლის გახდა და მე ის ძალიან მიყვარს" - თაკო ნაცვლიშვილის წერილი მეუღლეს, სიყვარულის ულამაზესი ისტორია და რომანტიკული კადრები 

ნინო ცქიტიშვილი

ცნობილი მოდელი ნინა ცქიტიშვილი სოციალურ ქსელში დიდი პოპულარობით სარგებლობს. ნინო "მის საქართველო 1997"-ისა და საქართველოში ერთ-ერთი ყველაზე წარმატებული სააგენტოს, Look Models-ის დამფუძნებელია. ის ასევე წარმატებული კალათბურთელის,  ვატო ნაცვლიშვილის მეუღლეა და მათ ოთხი შვილი ჰყავთ - თაკო, გუგა, ანა და ანდრია. 

• სიყვარულის 27 წელი, წარმატებული შვილები და ბედნიერი ოჯახი: როგორია მოდელი ნინა ცქიტიშვილის ცხოვრება

ვატო ნაცვლიშვილი

ვატო ნაცვლიშვილი ყოფილი კალათბურთელია. ის 1990-1993 წლებში კლუბ "მართვეში" თამაშობდა. 1995-1996 წლებში ამერიკის “ბოსტონკოლეჯი” კლუბში თამაშობდა. 1998 წელს თურქეთის “კარშიაკა" კალათბურთელი იყო. 2003 წლიდან საფრანგეთის “დიჟონში" ირიცხებოდა. ვატო 1994-2007 წლებშ საქართველოს ეროვნული ნაკრების ღირსებას იცავდა.

2004 წელს გახდა ფიბა-ევროპის თასის გათამაშების მეორე პრიზიორი. 2004 წელს საფრანგეთის  თასის და სუპერთასის მფლობელი. 2002-2003 წელს გახდა პორტუგალიის ჩემპიონატის პრიზიორი. 1997, 1998 და 2001 წლებში ვატო გახდა საქართველოს სამგზის ჩემპიონი.

ნაცვლიშვილების ოჯახი ხშირად ჩნდება სოციალურ ქსელში, მათი ოჯახური ფოტოები კი ყოველთვის დიდ მოწონებას და აღფრთოვანებას იმსახურებს - ულამაზესი მშობლებისა და ულამაზესი შვილების მიმართ კომპლიმენტებს არასდროს იშურებენ.