ზღაპრიდან გადმოსული ოჯახი: ანა ახვლედიანის მეუღლე, შვილი და ბედნიერი ოჯახური კადრები - Marao

უმშვენიერესი ქართველი მოდელი, ანა ახვლედიანი ქალიშვილის, ევას დაბადების დღეს აღნიშნავს. მან ოჯახური კადრები გამოაქვეყნა და მეგობრებს სამზადისის ვიდეო გაუზიარა. კადრებში ანა პატარა ევასთან და მეუღლესთან ერთად ჩანს. 

"გუშინ ჩვენს პრინცესას, ევას 7 წელი შეუსრულდა, ჰოდა, ჩვენც მაქსიმალურად ვეცადეთ, მისი სურვილები აგვესრულებინა", - წერს ანა.

კომენტარებში წყვილმა უამრავი კომპლიმენტი დაიმსახურა. 

"რა ლამაზი და სასიამოვნო საყურებელი ოჯახია", "ასეთი შერწყმული წყვილი და ოჯახი ცოტა მინახავს", "მთელი ოჯახი რომ ზღაპრიდან გადმოსულს ჰგავს" - აღნიშნავდნენ გამომწერები.

• "დედაჩემი ბერძენია, ამიტომ ყოველთვის მიყვარდა საბერძნეთის და მქონდა ემოციური კავშირი" - ანა ახვლედიანი გამომწერების შეკითხვებს პასუხობს 

ანა ახვლედიანის ოჯახი და კარიერა  

ანა ახვლედიანი წარმოშობით ქუთაისიდანაა, დედა კი საბერძნეთიდან ჰყავს. მას წარმატებულ სამოდელო კარიერას ბავშვობიდანვე უწინასწარმეტყველებდნენ, ეს მოლოდინები კი გამართლდა. 

თბი­ლი­სის წამ­ყვან სა­მო­დე­ლო სა­ა­გენ­ტო­ებ­თან თა­ნამ­შრომ­ლო­ბის შემ­დეგ, მო­დე­ლი უკვე ჩვე­ნე­ბებ­ზე გა­მო­დი­ო­და და მი­სით პა­რი­ზი­სა და ლონ­დო­ნის სა­მო­დე­ლო სა­ა­გენ­ტო­ე­ბი და­ინ­ტე­რეს­დნენ. 2014 წელს ანა Dolce&Gabanna-ს კას­ტინგზე 500 გო­გო­ნა­დან ამო­არ­ჩი­ეს. გო­გო­ნა თა­ნამ­შრომ­ლობ­და მო­დის ისეთ გა­მო­ცე­მებ­სა და სა­ა­გენ­ტო­ებ­თან, რო­გო­რე­ბი­ცაა VOGUE, ELLE Magazine, HELLO Magazine Georgia, Brave Models Management და სხვ.

როგორც ანა ამბობს, ბოლო წლების მანძილზე თავი მთლიანად შვილის აღზრდას მიუძღვნა, ახალი კი აპირებს, რომ აქტიურად გააგრძელოს საქმიანობა. დღეს ანა ფოტომოდელობითა და ინფლუენსერობითაა დაკავებული. ის მონაწილეობას არაერთი ცნობილი ბრენდისა თუ კომპანიის სარეკლამო გადაღებაში იღებს. აქტიურია სოციალურ ქსელში და თავის მოვლის შესახებ რჩევებს გამომწერებსაც უზიარებს. 

• "ულამაზესი ქართული ოჯახი" - მოდელი ანა ახვლედიანის კადრები მეუღლესა და შვილთან ერთად 

ცოტა ხნის წინ ანა გამომწერების შეკითხვებს პასუხობდა და ამბობდა, რომ მის მეუღლეს კამერებთან გამოჩენა არ უყვარს: 

"5 წელია, აღარ ვაქტიურობ, რადგან 5 წლის წინ შემეძინა შვილი. ამ დროის განმავლობაში შევეცადე, რომ ჩემი თავი მთლიანად მისთვის მიმეძღვნა. უკვე რამდენიმე თვეა, რაც ბაღში წავიდა და ის თავისუფალი დრო, რაც გამომიჩნდა, რატომაც არ მოვახმარო კარიერას. სამოდელო სფეროში დაბრუნებას აღარ ვაპირებ, იმიტომ, რომ ახალ ეტაპზე ვარ. მაქვს შემოთავაზებები რამდენიმე ბრენდისგან როგორც ინფლუენსერს, ვნახოთ, რა როგორ იქნება მომავალში.

უამრავი კითხვა შემომდის იმის შესახებ, თუ სად არის ჩემი მეუღლე. სად არის და მუშაობს, სად უნდა იყოს?! გვიან მოდის სახლში, საშინლად არ უყვარს არც ფოტოების გადაღება, არც ვიდეოს გადაღება. მეტი რა გითხრათ..." - ამბობდა მოდელი.