იცით თუ არა, რომ შრომითი ხელშეკრულება არა მხოლოდ ფორმალობაა, არამედ თქვენი უსაფრთხოების მთავარი გარანტია სამსახურში?
გიფიქრიათ ოდესმე, რამდენი პრობლემა შეიძლება აიცილოთ თავიდან, თუ იურისტთან კონსულტაციას ხელშეკრულების გაფორმებამდე გაივლით?
შრომითი ხელშეკრულება ერთ-ერთი ყველაზე მნიშვნელოვანი სამართლებრივი ინსტრუმენტია, რომელიც იცავს როგორც დასაქმებულის, ისე დამსაქმებლის ინტერესებს. მისი არსებობა თავიდანვე განსაზღვრავს თანამშრომლობის პირობებს: ხელფასს, სამუშაო გრაფიკს, მოვალეობებსა და პასუხისმგებლობებს. თუმცა, მნიშვნელოვანია, რომ პოტენციურმა თანამშრომელმა ხელშეკრულების გაფორმებამდე აუცილებლად გაიაროს კონსულტაცია იურისტთან - ეს დაგეხმარებათ თავიდან აიცილოთ გაუგებრობები და შესაძლო დარღვევები მომავალში.
იმ შემთხვევაში, თუ კონსულტაციის გავლა ვერ მოხერხდა და დასაქმებულს ეჭვი გაუჩნდა, რომ შეიძლება უთანხმოება მოუვიდეს დამსაქმებელთან, არასოდეს უნდა შევიდეს კონფლიქტში ან დაიწყოს ემოციური მიმოწერა, რომელიც მოგვიანებით შეიძლება მის წინააღმდეგ იქნას გამოყენებული. ასეთ დროს საუკეთესო ნაბიჯია დაუყოვნებლივ დაკავშირება იურისტთან. სპეციალისტის დახმარებით შესაძლებელია პრობლემა ისე გადაწყდეს, რომ დავამდე არც კი მივიდეს, ხოლო დასაქმებულმა მიიღოს ყველა ის სარგებელი, რაც კანონით ეკუთვნის.
იურისტთან მუშაობა ამცირებს ფსიქოლოგიურ და ემოციურ სტრესს, ის მონაწილეობს მოლაპარაკებებში, სამართლებრივად ესაუბრება მეორე მხარეს და პასუხისმგებლობას საკუთარ თავზე იღებს. ამიტომ, როცა საქმე ეხება სამუშაოს, ხელშეკრულებასა და თქვენს უფლებებს, ნუ იბრძოლებთ მარტო - მიენდეთ პროფესიონალს.