ბედნიერი ქორწინება, ერთი შვილი და ცხოვრება სამშობლოსგან შორს: მარიამ ელიეშვილი ქორწინების იუბილეს აღნიშნავს - Marao
ბედნიერი ქორწინება, ერთი შვილი და ცხოვრება სამშობლოსგან შორს: მარიამ ელიეშვილი ქორწინების იუბილეს აღნიშნავს
მარიამ ელიეშვილმა მისი ვოკალური შესაძლებლობით ქართველი მსმენელის გული მალევე მოიგო. მან ქართულ ფოლკლორს მისი შესრულებით ახალი სიცოცხლე შესძინა. მარიამი ცოტა ხნის წინ, ამერიკაში ქართველ ბიზნესმენზე დაქორწინდა. წყვილს ერთი შვილი, საბა ჰყავს.
მარიამი და გიორგი ქორწინების ერთი წლის იუბილეს აღნიშნავენ. წყვილმა ამერიკაში, ერთ-ერთ რესტორანში აღნიშნა ეს დღე და გამომწერებს კადრებიც გაუზიარა.
მარიამ ელიეშვილი
მარიამ ელიეშვილი 1997 წლის 15 აგვისტოს თბილისში დაიბადა. მარიამმა დაამთავრა მუსიკალური სასწავლებელი ფორტეპიანოს მიმართულებით, უკრავს რამდენიმე ინსტრუმენტზე.
მარიამ ელიეშვილის ცხოვრება ერთმა სიმღერამ – „ჩვენ ახლა ერთურთს“ – სრულიად შეცვალა. მის მიმართ დიდი ინტერესი გაჩნდა და მას შემდეგ, მისი შემოქმედებითი ცხოვრება ყურადღების ცენტრში მოექცა.
მისი სიმღერისადმი სიყვარული ოჯახმა განაპირობა. იგი ქართულ ტრადიციულ ოჯახში იზრდებოდა, სადაც სიმღერა, ცეკვა და ფოლკლორი პირველ ადგილზე დგას. მისი ბაბუა ქართულ ხალხურ საკრავებზე უკრავდა და სწორედ ამან განაპირობა მისი სიყვარული ქართული ხალხური სიმღერების მიმართ.
"მთელი ჩემი ცხოვრება სცენასა და სიმღერასთან ასოცირდება, მაგრამ ამასთან ერთად, ჩემთვის განათლებაც პრიორიტეტი იყო. ბავშვობიდან მოყოლებული ყველაფერი მაინტერესებდა, ძალიან მიყვარდა ცეკვა და სიმღერა, დავამთავრე მუსიკალური სასწავლებელი, ფორტეპიანოს განხრით, სკოლა – ოქროს მედალზე და ზოგადად, ძალიან აქტიური და მიზანსწრაფული ვიყავი. ხალხმა ფოლკლორული სიმღერებით გამიცნო, მაგრამ ძალიან მრავალფეროვანი რეპერტუარი მაქვს. ჩემი სიმღერები არ არის მხოლოდ ხალხური და ქართული, რადგან 15 წლიდან მოყოლებული, ძალიან ხშირად მიწევს გასტროლებზე სიარული საქართველოს ფარგლებს გარეთაც."
ცოტა ხნის წინ, მარიამი დაქორწინდა. მისი რჩეული ამერიკაში მცხოვრები ქართველი ბიზნესმენი გიორგი მჭედლიშვილია, ამიტომაც მარიამის შემდგომი გეგმები სწორედ ამ ქვეყანას უკავშირდება, თუმცა კარიერის მიტოვებას არ აპირებს – მისი მეუღლე მოტივირებულია, რომ მომღერალს ყველანაირად შეუწყოს ხელი. მარიამი უკვე ახალ სიმღერებზეც მუშაობს. ამის პარალელურად, მარიამი ახლა შვილზე, საბაზეა კონცენტრირებული და მის ფოტოებს მეგობრებსაც ხშირად უზიარებს.