"ჩემი მამა" - ლაშა ბასლანძის ქალიშვილი სოციალურ ქსელში ფოტოს აქვეყნებს - Marao

27 ოქტომბერს ცნობილი გახდა, რომ მომღერალ სალომე ბაკურაძის მეუღლე, ბიზნესმენი ლაშა ბასლანძე მოულოდნელად გარდაიცვალა. გარდაცვალების მიზეზი აქამდე არ დასახელებულა, ოჯახის ახლობლები წერენ, რომ ახალგაზრდა მამაკაცი გულის პრობლემით დაიღუპა. 

ცნობილია, რომ ლაშა ბასლანძე ოჯახის წევრებთან ერთად რამდენიმე დღის წინ იტალიაში გაემგზავრა, საქართველოში კი გარდაცვალების დღეს, დილით დაბრუნდა. იტალიაში ლაშა უფროს ქალიშვილთან, ელენესთან ერთად იმყოფებოდა. ელენემ მამასთან ერთად გადაღებული ფოტო სოციალურ ქსელში გააზიარა; "ჩემი მამა", - წერს ის. 

ლაშა ბასლანძის გარდაცვალების შესახებ ინფორმაცია მისმა მეგობარმა, ამიკო ჯანელიძემ გაავრცელა:

ლაშა ბასლანძესთან ერთად გადაღებული ფოტო გააზიარა მომღერალმა ანრი ჯოხაძემაც. 

"ღმერთო, ეს რა უბედურება დაგვატყდა თავს, ეს რა სასჯელია, ვინც გვიყვარს, ესე ნაადრევად რომ მიგყავს შენთან! უფალმა დაუმკვიდროს სასუფეველი, სადაც მართალნი განისვენებენ! ამინ. ძალიან მაგარი ბიჭი აღარ გვყავს, ბასლა!" - წერს სოციალურ ქსელში ზურა ხაჩიძე.

"ლაშიკო, ვერ ვიჯერებ", - წერს მომღერალი სოფო ბედია. 

"დაუჯერებელი ტრაგედიაა! ნათელში იყოს შენი სული, ლაშა", - დაწერა პროდიუსერმა ნოე სულაბერიძემ. 

ვრცელი წერილი გამოაქვეყნა მომღერალმა ნინი შერმადინმაც: "შენ მოგიკვდი მე! ჩემო სიკეთის ბიჭო! მე რომ მშობლები დამეღუპა, მარიამი თბილისში დამრჩა, უვიზოდ, უმეურვეოდ, ლაშა ბიძამისის პანაშვიდებიდან დარბოდა ჩემთვის ბავშვის საბუთების მოსაგვარებლად, ჩემი ტკივილი უფრო მნიშვნელოვანი იყო მისთვის, ვიდრე თავისი... ლაშას დედას კიდევ მილიონი მადლობა ყველა იმ დახმარებისთვის, რაც მე ვიცი და არ ჩამოვთვლი. დავანებოთ სალომეს თავი, რომ ის ჩემი დაქალია, ლაშა  ჩემო ძამიკო, მეგობარო, ამაგიანო და გულიანო ბიჭო! დიდი მადლობა ყველაფრისთვის! რანაირად მატკინე გული. სალომე,როგორ მოვიდე, ან რით განუგეშო არ ვიცი, სანტის და ელენეს რა ვუთხრა". 

"ჩემო გულიანო და კარგო ბიჭო რა დავწერო... დამადუმა შენმა გარდაცვალებამ…" - წერს მუსიკოსი ნატო გელაშვილი. 

სოციალურ ქსელში ლაშა ბასლანძის შესახებ წერილები კიდევ არაერთმა ცნობილმა სახემ გააზიარა. ბასლანძე მუსიკალური პროდიუსერი და სამი კომპანიის, რესტორანი "ქვევრის“, „ქვევრი ბათუმისა“ და „ბრენდბუქის“ ხელმძღვანელი იყო. 

ლაშა ბასლანძე დაიბადა სოხუმში, თუმცა ცხოვრების დიდი ნაწილი თბილისში გაატარა. ის 40 წლის ასაკში გარდაიცვალა, დარჩა მეუღლე, მომღერალი სალომე ბაკურაძე და ორი შვილი - 9 წლის სანტი ბასლანძე და 20 წლის ელენე ბასლანძე. ელენე მას პირველ ქორწინებაში შეეძინა.