რა ღირს ანუკი არეშიძის ყელსაბამი, რომელმაც ხმაური გამოიწვია: ჰელოუინის კოსტიუმი და Tiffany & Co.-ს ძვირადღირებული სამკაული - Marao
რა ღირს ანუკი არეშიძის ყელსაბამი, რომელმაც ხმაური გამოიწვია: ჰელოუინის კოსტიუმი და Tiffany & Co.-ს ძვირადღირებული სამკაული
ჰელოუინის არის დღე, რომელიც აღინიშნება ყოველი წლის 31 ოქტომბერს, დასავლური ტრადიციით ყველა წმინდანის დღის წინა დღეს. ტარდება სხვადასხვა ღონისძიება და მსვლელობა — თამაშები, ფეიერვერკები, კოსტიუმირებული წვეულებები... ეს დღე აქტიურად აღინიშნება აშშ-სა და ევროპის ქვეყნებში, ჰელოუინის წარმოდგენებს ნახავთ ავსტრალიაშიც, ასევე ჩინეთში, კორეასა და სხვა აზიურ ქვეყნებში. ოჯახები დიდი ხნით ადრე იწყებენ მზადებას ამ დღისთვის, არჩევენ კოსტიუმებს, დეკორაციებს - ჰელოუინი განსაკუთრებით საყვარელი დღეა ბავშვებისთვის.
საქართველოში ჰელოუინს მასშტაბურად არ აღნიშნავენ, თუმცა კოსტიუმირებულ წვეულებებს მაინც შეხვდებით. გამონაკლისი არც წლევანდელი წელი იყო - სხვადასხვა პერსონაჟის ფორმაში არაერთი ცნობილი სახე ვიხილეთ, მათ შორის, თბილისის მერის, კახი კალაძის დიზაინერი მეუღლე, ანუკი არეშიძე.
ანუკი არეშიძემ წელს ახალგაზრდა ჯადოქრის, მალეფისნეტის კოსტიუმი მოირგო ფილმიდან Maleficent, ფოტო კი საკუთარ გვერდზე გააზიარა:
ანუკი არეშიძის კოსტიუმი ჰელოუინზე
ვინაიდან საქართველოში საზოგადოების მცირე ნაწილი თვლის, რომ ჰელოუინი ოჯახურ ღირებულებებსა და ქრისტიანულ რელიგიას ეწინააღმდეგება, ანუკი არეშიძემ არაერთი კრიტიკული კომენტარი დაიმსახურა.
გარდა ამისა, განხილვის საგნად იქცა მისი ყელსაბამიც - ყვითელი ოქროს მასიური სამკაული, რომელსაც ერთგვარი ჯაჭვის ფორმა აქვს, ძვირადღირებულ ამერიკულ ბრენდს, Tiffany & Co.-ს ეკუთვნის. ყელსაბამის ღირებულა, 74 000 დოლარია, რაც, დაახლოებით, 201 000 ლარია.
