"ასეთი ზურგი იყო ყველასთვის, ვისაც შეიყვარებდა..." - რას წერს ლაშა ბასლანძის უფროსი ქალიშვილი - Marao

"ასეთი ზურგი იყო ყველასთვის, ვისაც შეიყვარებდა. ჩემი ყველაზე განსაკუთრებული მამიკო", - წერს სოციალურ ქსელში ელენე ბასლანძე, ბიზნესმენ ლაშა ბასლანძის უფროსი ქალიშვილი. 

ლაშა ბასლანძეს დღეს დაკრძალავენ. მისი სამოქალაქო პანაშვიდი საბურთალოს ამაღლების ეკლესიაში გაიმართა. ოჯახისთვის სამძიმრის გამოსახატად ეკლესიაში ბიძინა ივანიშვილი მეუღლესთან, ეკატერინე ხვედელიძესთან ერთად მივიდა. მათ თან ახლდნენ ბერა ივანიშვილი და მისი მეუღლე, ნანუკა გუდავაძეც. 

"ახლა სად ხარ, ლაშიკო?" - დაწერა სალომე ბაკურაძემ საკუთარ გვერდზე და მეუღლის, ლაშა ბასლანძის ძველი პოსტები გააზიარა. 

• "ახლა სად ხარ, ლაშიკო?" - რას წერს სალომე ბაკურაძე მეუღლის გარდაცვალების შემდეგ

27 ოქტომბერს ცნობილი გახდა, რომ მომღერალ სალომე ბაკურაძის მეუღლე, ბიზნესმენი ლაშა ბასლანძე მოულოდნელად გარდაიცვალა. გარდაცვალების მიზეზი აქამდე არ დასახელებულა, ოჯახის ახლობლები წერენ, რომ ახალგაზრდა მამაკაცი გულის შეტევით დაიღუპა. როგორც ცნობილია, ლაშა ბასლანძე სამშობლოში პირველ ნოემბერს ჩამოასვენეს. 

ცნობილია, რომ გარდაცვალებამდე რამდენიმე დღით ადრე ლაშა ბასლანძე უფროს შვილთან, ელენე ბასლანძესთან ერთად იტალიაში გაემგზავრა. მან სოციალურ ქსელში მოგზაურობის არაერთი კადრი გააზიარა. 

სოციალურ ქსელში ლაშა ბასლანძის შესახებ წერილი არაერთმა ცნობილმა სახემ გამოაქვეყნა. ბასლანძე მუსიკალური პროდიუსერი და სამი კომპანიის, რესტორანი "ქვევრის“, „ქვევრი ბათუმისა“ და „ბრენდბუქის“ ხელმძღვანელი იყო. 

ლაშა ბასლანძე დაიბადა სოხუმში, თუმცა ცხოვრების დიდი ნაწილი თბილისში გაატარა. ის 40 წლის ასაკში გარდაიცვალა, ჰყავს მშობლები და ძმა. ლაშა ბასლანძეს დარჩა მეუღლე, მომღერალი სალომე ბაკურაძე და ორი შვილი - 9 წლის სანტი ბასლანძე და 20 წლის ელენე ბასლანძე. ელენე მას პირველ ქორწინებაში შეეძინა.

სალომე ბაკურაძე და ლაშა ბასლანძე

სალომე ბაკურაძემ და ლაშა ბასლანძემ 2015 წელს იქორწინეს. მათი სიყვარულის ამბავი ქობულეთში დაიწყო და ქორწინებით დაგვირგვინდა. წყვილს ერთი შვილი, სანტი შეეძინა. 

"ჩემი მამა" - ლაშა ბასლანძის ქალიშვილი სოციალურ ქსელში ფოტოს აქვეყნებს„უკვე, მეათე წელია, რაც მე და ლაშა ცოლ-ქმარი ვართ. სულ მახსოვს მასთან პირველი შეხვედრა და არასოდეს დამავიწყდება. ცხოვრება ხომ საინტერესო მომენტებისგან და ემოციებისგან შედგება, ჰოდა, მე ვცდილობ, ის მომენტი ხშირად გავიხსენო, დავიჭირო და სულ მახსოვდეს. ეს ის შეხვედრა იყო, როცა მივხვდი, ვისაც ვეძებდი, მას შევხვდი. 

არც ლაშას უჭირს ადამიანებთან კომუნიკაცია და არც მე. ძალიან სწრაფად დავმეგობრდით და გავხდით ერთმანეთისთვის ძვირფასი ადამიანები. თავიდანვე მზრუნველობით, სილაღით, იუმორითა და თავისუფლებით გამოირჩეოდა. მასში ბევრი დადებითი ემოცია და კომფორტი დავიჭირე. მივხვდი, მისი სახით, განსხვავებულად კარგი ადამიანი ვიპოვე. ბევრი საერთო მეგობარი გვყავს და ულამაზესი დღეები გვაქვს გატარებული მეგობრობისა და მერე, შეყვარებულობის პერიოდში, აღარაფერი რომ არ ვთქვა დაქორწინების შემდეგ წლებზე. 

მეუღლისთვის მიძღვნილი სიმღერა, 10-წლიანი ქორწინება და ოჯახი: სალომე ბაკურაძის ამბავი, რა თქმა უნდა, ქმართან დათმობაზეც ხშირად წავსულვარ და ამის აღიარების არ მრცხვენია. ლაშაც წასულა დათმობაზე. თუ რომელიმემ არ დათმო, წყვილს შორის რქებით შეჯახებას კარგი არაფერი მოაქვს. 

ამა თუ იმ თემაზე მე და ლაშას განსხვავებული შეხედულება გვაქვს, მაგრამ ეს არასოდეს გამხდარა ჩვენ შორის კამათის მიზეზი. ჩვენ ერთმანეთის აზრს პატივს ვცემთ. რასაკვირველია, ყველა ოჯახში დგება კრიზისული მომენტი, ჩვენც გავიარეთ ეს, მაგრამ ეს ყველა წყვილს შორისაა. თუ ადამიანი გიყვარს, გამოსავალი ყოველთვის მოიძებნება, მთავარია სურვილი ორივეს მხრიდან”, - ამბობდა სალომე ბაკურაძე 2024 წელს ჩაწერილ ინტერვიუში.