ბედნიერი წყვილი და სიყვარულის ლამაზი ისტორია: თიკა ჯამბურია რჩეულთან ერთად გადაღებულ ახალ ვიდეოს გვიზიარებს - Marao

მომღერალი თიკა ჯამბურია, ქართველმა მსმენელმა პატარა ასაკიდან გაიცნო და შეიყვარა. მას შემდეგ თიკას ცხოვრებაში არაერთი მუსიკალური პროექტი ყოფილა, ახალგაზრდა მომღერალმა ბედი კულინარიულ შოუშიც სცადა და მაყურებელს თავი განსხვავებული კუთხით გააცნო. თიკა არაერთი თაობისთვის დღემდე საყვარელი სახეა. 

თიკა სოციალურ ქსელში აქტიურობით გამორჩევა, ხშირად აქვეყნებს საკუთარ ყოველდღიურობასა და ოჯახურ კადრებს. ამჯერად კი შეყვარებულთან, ლუკა ჯანდიერთან ერთად გადაღებულ რომანტიკულ ვიდეოს გვიზიარებს. 

"ამ თემაზე საუბარი არ მსურს, რადგან, რამდენჯერაც ამის შესახებ ვილაპარაკე, არ მიმართლებდა. ჯანსაღად შეყვარებული ვარ. ისეთი ადამიანი არის ჩემ გვერდზე, რომელთანაც საკუთარ თავს ვგრძნობ ისე, როგორიც ვარ სინამდვილეში, ვარ ძალიან თავისუფალი, ლაღი, გახსნილი... ძალიან კარგი უახლოესი მეგობარი მყავს გვერდით...", - ამბობდა ის. 

• სიახლეები თიკა ჯამბურიას ცხოვრებაში: ახალი წამოწყება, სიყვარული და მიზნები 

თიკა ჯამბურია 

მომღერალ თიკა ჯამბურიას ფართო საზოგადოება ჯერ კიდევ ბავშვობიდან იცნობს, როცა მის მიერ შესრულებული სიმღერა ჰიტად იქცა. მას შემდეგ თიკას კარიერისა თუ პირადი ცხოვრების მიმართ ინტერესი მუდმივად არსებობდა და თიკა პოპულარული შოუების სასურველი სტუმარია დღესაც. 

თიკა ჯამბურია 1991 წლის 14 მარტს თბილისში დაიბადა. დაამთავრა შოთა რუსთაველის სახელობის თეატრალური უნივერსიტეტი და მიიღო მუსიკალური განათლება ფორტეპიანოს განხრითაც. მისი განსაკუთრებული ვოკალური მონაცემები სულ მცირე ასაკში შენიშნეს და ლადო გუდიაშვილის 100 წლის იუბილეზე თბილისის ნაციონალური ბალეტისა და ოპერის თეატრში სიმფონიურ ორკესტრთან ერთად იმღერა. მოგვიანებით, 9 წლის ასაკში, ჩაწერა ყველასთვის კარგად ნაცნობი და საყვარელი ჰიტი "ჯეირანი", რამაც განსაკუთრებული პოპულარობა მოუტანა. ხალხმა განსაკუთრებით შეიყვარა მისი და დათო ხუჯაძის დუეტი "ცისარტყელები".  

• "მისი დამსახურებაა, რომ მეორედ დავიბადე და თავიდან შევდექი ადამიანად" - თიკა ჯამბურია პირველად პირად ცხოვრებასა და სიყვარულზე 

• "ლამაზი წყვილი" - თიკა ჯამბურიას ფოტოები შეყვარებულთან ერთად: ვინ არის მომღერლის რჩეული 

2006 წელს გამართა სოლო-კონცერტი ფილარმონიის დიდ საკონცერტო დარბაზში თბილისის ბიგ-ბენდთან ერთად. სხვადასხვა დროს საქართველოში, რუსეთში, იტალიასა და ბულგარეთში ჩატარებულ კონკურსებში მიღებული აქვს გრან-პრი.წარმატებული კარიერის პარალელურად, საზოგადოება ახალგაზრდა ნიჭიერი და პოპულარული მომღერლის პირადი ცხოვრებითაც ინტერესდებოდა. მან ადრეულ ასაკში იქორწინა ჟურნალისტ ხათუნა ხოფერიას ვაჟზე, ბექა ხოფერიაზე. წყვილს ერთი შვილი, ნინა ხოფერია შეეძინა, თუმცა ისინი ერთმანეთს დაშორდნენ. დღეს თიკაც და ბექაც ბედნიერად აგრძელებენ ცხოვრებას, აქვთ მეგობრული ურთიერთობა და შვილის აღზრდაში ორივე ჩართულია.