ილია თოფურიას პირველი კომენტარი ყოფილი ცოლის შესახებ: "პირად ცხოვრებაში რთული პერიოდი მაქვს..." - Marao
ილია თოფურიას პირველი კომენტარი ყოფილი ცოლის შესახებ: "პირად ცხოვრებაში რთული პერიოდი მაქვს..."
ბოლო პერიოდში ქართული და უცხოური მედიის ყურადღების ცენტრში ილია თოფურიასა და ჯორჯინა უზკატეგუის შესაძლო განშორება მოექცა. მიუხედავად იმისა, რომ წყვილს ოფიციალური კომენტარი ჯერ არ გაუკეთებია, სოციალურ ქსელებში ჯორჯინას ხშირი პოსტები და მინიშნებები მედიაში ეჭვებს აჩენს. ამ ყველაფერს დაემატა თოფურიას ბოლო ჩანაწერიც X-ზე, სადაც ის აღნიშნა, რომ პირად ცხოვრებაში რთულ ეტაპს გადის, რის გამოც დროებით აჩერებს UFC-ში გამოსვლებს. სწორედ ამ განცხადებამ გააძლიერა ეჭვები, რომ მებრძოლის პირად ცხოვრებაში მნიშვნელოვან ცვლილებებთან გვაქვს საქმე.
"მომავალი წლის პირველ ნახევარში არ ვიბრძოლებ. პირად ცხოვრებაში რთული პერიოდი მაქვს. მინდა ფოკუსირებული ვიყო შვილებზე და სიტუაცია რაც შეიძლება მალე მოვაგვარო. არ მინდა, რომ დივიზიონი დაყოვნდეს. UFC საჭირო ორთაბრძოლებს ჩანიშნავს, მე კი როგორც კი ყველაფერს მოვაგვარებ, UFC-ის შევატყობინებ და მზად ვიქნები, რომ დავბრუნდე" - წერს ილია თოფურია X პლატფორმაზე.
ილიას ამ წერილს UFC-ის მებრძოლი მაქს მაქს ჰოლოუეი გამამხნევებელი სიტყვებით გამოეხმაურა. ცნობისთვის, ილია მაქს UFC 308-ზე საჩემპიონო ორთაბრძოლაში დაუპირისპირდა, რომელიც მეორე რაუნდში ნოკაუტით დაამარცხა.
"შენს გამო ვწუხვარ ჩემპიონო. თუ ეს ის არის, რასაც ბოლო პერიოდში ვისმენ, ვიცი, როგორი ძნელია იბრძოლო მაშინ, როდესაც საკუთარ შვილებზე ზრუნავ. იმედია ყველაფერი კარგად დასრულდება," - წერს მაქსი.
ილია თოფურია და ჯორჯინა უზკატეგუი
ჯორჯინა უზკატეგუი ბადელით ქართული და უცხოური მედია მას შემდეგ დაინტერესდა, რაც ის UFC-ის ჩემპიონთან ერთად გამოჩნდა - ჯორჯინა ილიას თან ახლდა ყველა ბრძოლის დროს, იზიარებდა მის კარიერულ წარმატებასა და წარუმატებლობას. ჩანდა, რომ ის ქართველი სპორტსმენის დიდი გულშემატკივარი იყო. როგორც უცხოური მედია წერს, მათი ურთიერთობა 5 წელზე მეტ ხანს გრძელდებოდა. 2024 წელს ილიასა და ჯორჯინას ქალიშვილი შეეძინათ, რომელსაც დედის სახელი, ჯორჯინა დაარქვეს.
2025 წლის შემოდგომაზე წყვილის გულშემატკივრებმა შენიშნეს, რომ მათი საერთო ფოტოები სოციალური ქსელებიდან გაქრა - ჯორჯინა უზკატეგუი ბადელიმ ილია თოფურიას გამოწერა ინსტაგრამზეც გააუქმა. ეჭვები მათი დაშორების შესახებ ჯორჯინას მიერ გაზიარებულმა პოსტებმაც გაამყარა - ის ხშირად წერდა ძლიერი ქალის, დამოუკიდებლობისა და ურთიერთობების შესახებ.
- რა ქონებას ფლობს თავად ჯორჯინა უზკატეგუი? - საკუთარი კომპანია, ამერიკული განათლება და უცნობი ფაქტები
რამდენიმე დღის წინ კი, დასავლური სპორტული მედიის (Sportscasting) ინფორმაციით, ილია თოფურიას მეუღლემ, ჯორჯინა უსკატეგი ბადელმა, რომელიც წლების განმავლობაში სპორტსმენს გვერდით ედგა, ოქტომბრის დასაწყისში განქორწინებაზე ოფიციალური სარჩელი შეიტანა. თუმცა, როგორც Sportscasting წერს, განშორებას თან ახლავს სერიოზული ფინანსური გამოწვევა: ჯორჯინა ბადელი, სავარაუდოდ, თოფურიას აქტივების 50%-ს ითხოვს, მაშინ როდესაც ჩემპიონის ამჟამინდელი ქონება დასავლურ მედიაში რამდენიმე მილიონ დოლარზე მეტად არის შეფასებული, რაც იმას ნიშნავს, რომ ქონებრივი დავა სერიოზული მასშტაბისაა.
ქონებრივი დავის პარალელურად, ჯორჯინა უზკატეგუი ბადელმა და ილია თოფურიამ საერთო შვილის მეურვეობის საკითხიც უნდა გადაწყვიტონ.