"საბა კოდუა - ჩემი სიყვარული" - ნანუკა ჟორჟოლიანი უმცროს ვაჟთან ერთად გადაღებულ კადრებს აქვეყნებს - Marao
"საბა კოდუა - ჩემი სიყვარული" - ნანუკა ჟორჟოლიანი უმცროს ვაჟთან ერთად გადაღებულ კადრებს აქვეყნებს
ნანუკა ჟორჟოლიანსა და მის ოჯახს საზოგადოება უკვე არაერთი წელია, რაც კარგად იცნობს. ნანუკა ცნობილი სახეა, ხშირად ჩანს ტელეეკრანებზე, გარდა ჟურნალისტური საქმიანობისა, ის სამოქალაქო აქტივისტიცაა და პერიოდულად აორგანიზებს მარათონებს, რომლებიც სხვადასხვა საჭიროების ადამიანებისა თუ ოჯახებისთვის ეწყობა.
ნანუკა ჟორჟოლიანის უფროს შვილს, მარიამ გეგუჩაძეს საქართველოში ასევე კარგად იცნობენ, ხოლო უმცროს ვაჟს, საბა კოდუას - ნაკლებად .
საბას კერებთან გამოჩენა არ უყვარს, თუმცა მის ფოტოებს ოჯახის წევრები დროდადრო მაინც აზიარებენ. საბა უკვე 16 წლისაა: "საშინლად არ უყვარს საჯაროობა, მაგრამ წელიწადში ერთხელ თავს უფლებას მივცემ გითხრათ, ძალიან კარგი ბიჭია საბა. ყველაზე კეთილია, ვისაც ვიცნობ. მინდა ზუსტად ისეთი ცხოვრება გქონდეს, როგორიც შენ გენდომება", - წერდა მის შესახებ ნანუკა ჟორჟოლიანი.
ამჯერად ტელეწამყვანი სწორედ მასთან ერთად გადაღებულ კადრებს აქვეყნებს: "საბა კოდუა - ჩემი სიყვარული", - წერს ის.
ნანუკა ჟორჟოლიანის ბიოგრაფია
ნანუკა ჟორჟოლიანი 1979 წლის 26 ივნის დაიბადა. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ჟურნალისტიკის ფაკულტეტი.
"პირველად კორეაში" - ნანუკა ჟორჟოლიანი მოგზაურობის კადრებს აქვეყნებს 1999 წელს დაიწყო მუშაობა გადაცემა „ალიონში“, „პირველ არხზე“. 2001 წელს გადავიდა ტელეკომპანია „რუსთავი 2“-ზე. მუშაობდა პოლიტიკური სიახლეების მიმართულებით. 2008 წელს იყო რეპორტიორი რუსეთ-საქართველოს ომში. 2009 წლიდან 2019 წლამდე ჰქონდა საავტორო გადაცემა „ნანუკას შოუ“, რომელიც 2009-2012 წლებში "იმედზე", ხოლო 2013-2019 წლებში "რუსთავი 2"-ზე გადიოდა. 2019 წლიდან გადავიდა „მთავარ არხზე“, სადაც მიჰყავს გადაცემა „სხვა ნანუკა“. დღეს კი ნანუკა ტვ პირველზე საქმიანობს.
2020 წლის 23 სექტემბერს „ძალა ერთობაშიამ“ ნანუკა წარადგინა წყალტუბოს, სამტრედიის, ვანისა და ხონის მაჟორიტარობის კანდიდატად. ნანუკა აქტიურად არის ჩაბმული დღევანდელ პოლიტიკურ სიტუაციებში.
ნანუკა 16 წლის ასაკში დაოჯახდა ნიკოლოზ გეგუჩაძეზე. ნანუკას და ნიკოლოზის ქორწინებამ 2 წელს გასტანა. ნანუკას ნიკოლოზისგან ერთი საერთო შვილი, მარიამი ჰყავს.
წარუმატებელი ქორწინების შემდეგ ნანუკა ხელმეორედ, ირაკლი კოდუაზე დაოჯახდა. მათ ერთი შვილი საბა კოდუა ჰავთ. წყვილი ერთმანეთს მალევე დაშორდა.