ხმაურიანი დასასრული, 20-წლიანი კარიერა და 5 შვილი: გიორგი შერმადინის გარშემო ატეხილი ხმაური, ოჯახი და განვლილი გზა - Marao

გუშინ, 27 ნოემბერს, 2027 წლის ჩემ­პი­ო­ნა­ტის საკ­ვა­ლი­ფი­კა­ციო ტურ­ნირი საქართველოს ეროვნულმა საკალათბურთო ნაკრებმა მარცხით დაიწყო, თამაში უკრაინის გამარჯვებით, ანგარიშით 79:92 დასრულდა.

ქართველმა კალათბურთელმა გიორგი შერმადინმა თითქმის 20-წლიანი სპორტული კარიერა დაასრულა და გამოსამშვიდობებელ სიტყვაში "ქართული ოცნების" პრემიერმინისტრს, ირაკლი კობახიძეს მადლობა გადაუხადა. ნაკ­რებ­ში მისი ბოლო მატ­ჩი კი 30 ნო­ემ­ბერს, ეს­პა­ნეთ­ში შედ­გე­ბა.

• ქართველი კალათბურთელების მეორე ნახევრები - როგორია ცნობილი წყვილების ცხოვრება

"ძა­ლიან დიდი მად­ლო­ბა მინ­და გა­და­ვუ­ხა­დო ჩვენს სა­ხელ­მწი­ფოს ბა­ტო­ნი პრე­მი­ე­რის მე­თა­უ­რო­ბით. დიდი მად­ლო­ბა, ბა­ტო­ნო პრე­მი­ე­რო, რა­საც სპორ­ტის­თვის აკე­თებთ", - ეს იყო გიორგი შერმადინის გამოსამშვიდობებელი სიტყვა, რასაც დარბაზში მყოფი გულშემატკივრისგან სტვენა და უარყოფითი რეაქცია მოჰყვა. 

ამ ფაქტის შემდეგ გიორგი შერმადინი სოციალურ ქსელში განხილვის საგნად იქცა - სპორტის გულშემატკივრები თუ ცნობილი ადამიანები მის ამ განცხადებას აფასებენ. 

გიორგი შერმადინის კარიერა

შერმადინმა თავისი პროფესიონალური კარიერა 2005 წელს, 16 წლის ასაკში, მშობლიურ საქართველოში, თბილისის „მაკაბის“ რიგებში დაიწყო.

• პანათინაიკოსი (2008–2011) 

2008 წლის იანვარში შერმადინმა ხელი მოაწერა კონტრაქტს საბერძნეთის საკალათბურთო ლიგის გუნდ „პანათინაიკოსთან“. მას შემდეგ, რაც 2008 წლის NBA დრაფტზე არ იყო არჩეული, 2008 წლის 17 ოქტომბერს „პანათინაიკოსთან“ ხუთწლიან კონტრაქტს მოაწერა ხელი.

• "როგორია მარტო ყოფნა, როცა სახლში ცოლი, შვილი, ოჯახი გეგულება..." - კალათბურთელი დუდა სანაძისა და ანუნა მდივნიშვილის ორი შვილი და ბედნიერი ოჯახი

2010 წლის იანვარში ის იჯარით შეუერთდა სლოვენიურ კლუბ „უნიონ ოლიმპიას“ სეზონის ბოლომდე, სადაც ევროპული კლუბების უმაღლეს დონის შეჯიბრში, ევროლიგაში, საშუალოდ 11.4 ქულას, 6.5 მოხსნას და 1.2 დაფარებას აგროვებდა თითოეულ მატჩში. 2010 წლის ივლისში ის კვლავ შეუერთდა „პანათინაიკოსს“. 2011 წლის იანვარში ის კვლავ იჯარით გაუშვეს „უნიონ ოლიმპიაში“.

• მომდევნო წლები ევროპაში (2011–2019) 

2011 წლის აგვისტოში შერმადინმა დატოვა „პანათინაიკოსი“ და იტალიის ლიგის კლუბ „პალაკანესტრო კანტუს“ შეუერთდა.

2012 წლის ივნისში ის ისრაელის ლიგის გუნდ „მაკაბი თელ-ავივში“ გადავიდა. იმავე წლის ნოემბერში მან კლუბი დატოვა და საბერძნეთის ლიგის კლუბ „ოლიმპიაკოსში“ გადავიდა, სადაც მან 2013 წელს ევროლიგის ტიტული მოიგო, რითაც ორჯერ გახდა ევროლიგის ჩემპიონი (პირველად 2009 წელს „პანათინაიკოსთან“ ერთად). 2013 წლის აპრილში ის იჯარით ესპანეთის ლიგის კლუბ „სარაგოსას“ შეუერთდა.

2013 წლის ზაფხულში ის კვლავ დაბრუნდა „ოლიმპიაკოსში“. 2014 წლის თებერვალში „სარაგოსას“ კვლავ იჯარით შეუერთდა.

2014 წლის სექტემბერში შერმადინმა იტალიის ლიგის კლუბ „პალაკანესტრო კანტუსთან“ გააფორმა კონტრაქტი, სადაც 2014–2015 წლების სეზონი გაატარა.

2015 წლის ოქტომბერში ის ესპანეთის ლიგის კლუბ „ანდორას“ შეუერთდა.

2017 წლის ივნისში მან ესპანეთის ლიგის კიდევ ერთ კლუბთან, „უნიკახა მალაგასთან“, გააფორმა კონტრაქტი.

• ტენერიფე (2019–დღემდე) 

2019 წლის ივლისში შერმადინი შეუერთდა ესპანეთის ლიგის კლუბ „ტენერიფეს“. 2021 წლის მაისში ის დასახელდა ესპანეთის საკალათბურთო ლიგის (ACB) ყველაზე ღირებულ მოთამაშედ (MVP) 2020–2021 წლების სეზონში.

2022 წლის 15 მაისს მან „ტენერიფესთან“ ერთად მოიგო FIBA ჩემპიონთა ლიგა. ის დასახელდა ჩემპიონთა ლიგის ფინალური ოთხეულის MVP-ად, რომელშიც საშუალოდ 14 ქულას, 5.5 მოხსნას და 2.5 საგოლე გადაცემას აგროვებდა. 2023 წლის მაისში მან მეორედ მოიგო ესპანეთის ლიგის MVP ტიტული. 2024 წლის მაისში ის მეშვიდედ (რეკორდული მაჩვენებელი) დასახელდა All-Liga ACB პირველი გუნდის წევრად.

• საქართველოს ეროვნული ნაკრები 

შერმადინი არის საქართველოს ეროვნული საკალათბურთო ნაკრების წევრი. მან მონაწილეობა მიიღო ევრობასკეტ 2013-სა და ევრობასკეტ 2017-ზე. ასევე ითამაშა 2023 წლის FIBA მსოფლიო ჩემპიონატზე.

გიორგი შერმადინის ოჯახი 

გიორგი შერმადინის მეუღლე ანა ამაშუკელია. წყვილს 5 შვილის ჰყავს.

„მე და­ვით ტა­ტიშ­ვი­ლის სა­მე­დი­ცი­ნო ცენ­ტრში ვმუ­შა­ობ­დი, რომ­ლის იუ­ბი­ლე­ზე ჯამ­ლეტ ხუ­ხაშ­ვი­ლი და გი­ორ­გი შერ­მა­დი­ნიც იყ­ვნენ და­პა­ტი­ჟე­ბუ­ლი. იქ გა­ვი­ცა­ნი, ალა-ფურ­შე­ტის დროს, რო­გორც ხდე­ბა ხოლ­მე, ბი­ჭე­ბი შე­უ­თა­მამ­დე­ბი­ან გო­გო­ნებს და გი­ორ­გი­საც ასე და­ე­მარ­თა, ტე­ლე­ფო­ნის ნო­მე­რი მთხო­ვა და ძა­ლი­ან მალე და­მი­რე­კა. მისი ან­თე­ბუ­ლი თვა­ლე­ბით თა­ვი­დან­ვე მივ­ხვდი, რომ რა­ღაც ხდე­ბო­და. გი­ორ­გი თა­ვი­დან ცოტა ვა­წუ­წუ­ნე, მაგ­რამ მერე შევ­ხვდით. არა იმი­ტომ, რომ ქალ­მა მა­მა­კა­ცი უნდა აწუ­წუ­ნოს, არა­მედ იმი­ტომ, რომ მე თვი­თონ ვარ საკ­მა­ოდ სე­რი­ო­ზუ­ლი ურ­თი­ერ­თო­ბებ­ში, არ მიყ­ვარს ურ­თი­ერ­თო­ბის ად­ვი­ლად წა­მო­წყე­ბა. მცი­რე წუ­წუ­ნის შემ­დეგ შევ­ხვდი და ნელ-ნელა, აგურ-აგურ ავა­შე­ნეთ ჩვე­ნი ურ­თი­ერ­თო­ბა” - იხსენებდა ანა ამაშუკელი. 

• 8-წლიანი სიყვარულის ისტორია, სამი შვილი და ზაფხულის არდადეგები საფრანგეთში: 27 წლის მოდელის, ქეთი ჟღენტის ოჯახური იდილია

თავად გიორგი კი ოჯახის შესახებ ასე საუბრობდა: 

„უკვე 10 წელზე მეტია, რაც მე და ანი ერთად ვართ. თბილისში გავიცანი, ერთ-ერთი კლინიკის 10 წლის იუბილეზე, რომელზეც ჯამლეტ ხუხაშვილი იყო დაპატიჟებული და ის სადაც მიდიოდა, ყველგან თან დავყავდი. ჩამაცმევდა ხოლმე "მაკაბის" ფორმას და მივყავდი. ანი იქ გავიცანი. მერე მალე მომიწია საბერძნეთში წასვლა, მაგრამ ტელეფონით ვკონტაქტობდით და რაღაც დროის შემდეგ დავოჯახდით. პირველი გოგონა შეგვეძინა, მერე - ნიკოლოზი, ბოლოს კი ტყუპი გოგონა. ოთხი შვილის მამობა მაგარი რამაა... დარბიან და "მამიტო", "მამიტოს" მეძახიან, ძალიან ვუყვარვარ. ტელევიზორში რომ მხედავენ, ეკრანს ხელს ურტყამენ - "მამიტო". დიდი სიხარულია. ღმერთს მადლობა, რომ ასეთი დიდი ოჯახი ვართ”.