"სამყაროს ძალიან ბევრი რამის გამო ვემადლიერები, მყავს არაჩვეულებრივი მეუღლე..." - ნინო თარხან-მოურავის ამბავი ეკრანს მიღმა - Marao

"ვამაყობ ჩემი სამშობლოთი, ძალიან მომწონს და მიყვარს", - ამბობს მსახიობი­ ნინო თარხან-მოურავი. რა აყენებს ყოველთვის კარგ ხასიათზე, რა ესმის ყველაზე­ ხშირად საკუთარ თავზე, რისი ეშინია და როგორი ადამიანები აკვირვებენ - ამ ყველაფერს მის მიერ დასრულებული წინადადებებიდან შეიტყობთ. 

- ბავშვობაში მინდოდა გამოვსულიყავი...­

- დიპლომატი. მაშინ ვფიქრობდი, ამ პროფესიას თუ ავირჩევდი, ბევრს ვიმოგზაურებდი, რომელიმე ქვეყანაში ელჩი ვიქნებოდი. ვფიქრობ, ხასიათით დიპლომატი­ ვარ, საერთო ენის გამონახვა თითქმის ყველასთან შემიძლია.

• "თენგიზ აბულაძემ მას თეატრის დატოვება მოსთხოვა და ამბობდა, სანანებელი შეცდომა დავუშვიო..." - გენიალური ასმათ ქანდაურიშვილის ამბავი და "სხვისი შვილები"

- მსახიობის პროფესია აირჩიეთ, ეს რამ განაპირობა?

- ჩემი მშობლის აუხდენელმა სურვი­ლმა, მას უნდოდა მსახიობი ყოფილიყო და ვერ მოახერხა...

- ჩემზე ამბობენ...

- ზარმაციაო, ეს ყველაზე ხშირად ოჯახის წევრებისგან მესმის.

- ცხოვრებას თავიდან რომ ვიწყებდე...

- ალბათ, იმავე გზას გავივლიდი. წარსულში ბევრი კარგი რამ იყო, ბევრი "არაკარგიც", მაგრამ ძალიან საინტერესო.

- ჩემი პირველი წარმატება...

- სტუდენტობის წლებში იყო, მაგრამ მაშინ ამას ჩვენ ჩვეულებრივ ამბად ვიღებდით.­ "ჩვენ" იმიტომ ვამბობ, რომ წარმატებული ჯგუფი ვიყავით: მერაბ ნინიძე, ნანუკა ხუსკივაძე, ნანა შონია, გოჩა კაპანაძე...

• "მეორე ადამიანს შეურაცხყოფას რომ მიაყენებ, მერე მასთან ცხოვრება აღარ ღირს" - თათა ვარდანაშვილის ახალი ინტერვიუ და ცხოვრება დღეს

ჩვენი კარგი პედაგოგები გიზო ჟორდანია და ნანა კვასხვაძე სულ გვასწავლიდნენ, რომ წარმატება თავში არ უნდა აგვვარდნოდა და მეტი და მეტი უნდა გვემუშავა.

- ბედნიერი ვარ, რომ...

- მყავს არაჩვეულებრივი შვილი, შვილიშვილები, მეუღლე (მსახიობი თემიკო ჭიჭინაძე). ბედნიერი ვარ, რომ ამ ქვეყანაში­ დავიბადე, ჩემი მშობლების შვილი რომ ვარ, განგებას, სამყაროს ძალიან ბევრი რამის გამო ვემადლიერები, საწუწუნო არაფერი მაქვს.

- ჩემი სავიზიტო ბარათია...

- არ ვიცი. ვინაიდან დიდი ხანია ვახმოვანებ, ხმით ძალიან ბევრი ადამიანი მცნობს. ამიტომ ვიტყვი, რომ ჩემი სავიზიტო ბარათია ხმა.

• 17 წლის შვილი, ცნობილი მეუღლე და განსაკუთრებული ამბავი: ნინო ქათამაძის ცხოვრების საინტერესო მომენტები

- ყოველთვის მაქვს სურვილი...

- ბევრი ვიცინო, მეგობრებთან ერთად სადმე წავიდე და გავერთო.

- თვისება, რომელიც ჩემში ყველაზე მეტად მომწონს...

- ცუდი ძალიან მალე მავიწყდება, კარგია, ეს თვისება რომ მაქვს, რადგან წყენა სახეზე არ "მახატია" და შინაგანად მძიმე ემოციისგანაც მათავისუფლებს.

წაიკითხეთ სრულად