ყვავილების ფერთა ფსიქოლოგიის ხელოვნება - რას გადმოსცემს თითოეული ფერი? - Marao

ოდესმე დაფიქრებულხართ, რატომ იწვევს მუქი წითელი ვარდების თაიგული სრულიად განსხვავებულ გრძნობებს, ყვითელი ტიტების ნათელი თაიგულისგან განსხვავებით? მიუხედავად იმისა რომ ყვავილების ზოგადი სილამაზე უნივერსალურად აღქმადია, ფერები, რომლებსაც ირჩევთ, საიდუმლო ენაა თქვენს საყვარელ ადამიანთან კომუნიკაციისთვის. 

ყვავილების მაღაზია Lovely Roses-ში სჯერათ, რომ ყვავილების გაგზავნა უბრალოდ საჩუქარი არ არის, ეს შეტყობინებაა. ეს ისტორიული კონცეფცია, რომელიც ჩვენთვის ცნობილია ფლორიოგრაფიის სახელით, საშუალებას გაძლევთ, კომპლექსური ემოციები სიტყვების გარეშე გამოხატოთ. სანამ საბოლოოდ აარჩევთ ყვავილებს, გამოიყენეთ ეს გზამკვლევი, რომ თქვენმა თაიგულმა ზუსტად გადმოსცეს თქვენი სათქმელი. 

წითელი: ვნებისა და სურვილების ფერი

წითელი ფერი არის ერთ-ერთი ყველაზე ძლიერი ფერი ფლორისტიკულ ფერთა გამაში. ის ასოცირდება ჩვენს გულთან, გულისცემასა და შინაგან ენერგიასთან.  

მისი მნიშვნელობა სხვადასხვა ინტერპრეტაციით გვხვდება ცხოვრებაში, თუმცა ყველაზე ხშირად გამოხატავს დაუძლეველ სიყვარულს, ღრმა მიზიდულობას, რომანტიკასა და სურვილებს. 

• როდის უნდა ვაჩუქოთ წითელი ყვავილები ? 

წითელი  ვარდები ყოველთვის იდეალური არჩევანია  ვალენტინობის, სხვადასხვა მნიშვნელოვანი თარიღისა და სიყვარულის დღის აღსანიშნავად, ან ნებისმიერი იმ მომენტისთვის, როდესაც გსურთ, საყვარელ ადამიანს მთელი გულით უთხრათ სიტყვების გარეშე - მე შენ მიყვარხარ. 

თეთრი: სიწმინდე და ახალი საწყისები

თეთრი ყვავილებს უწოდებენ ფლორისტიკის ქამელეონებს, რადგან ისინი იდეალური არჩევანია როგორც მისალოცი, ასევე სამგლოვიარო თაიგულებისთვის. 

• როდის უნდა ვაჩუქოთ თეთრი ყვავილები ?

ისინი ხშირად ასოცირდებიან სიწმინდესთან, სიკეთესა და ახალ საწყისებთან. ამ ყველაფრის გამო, თეთრი ყვავილები არის საქორწილო თაიგულების თითქმის განუყოფელი ნაწილი. თუმცა, რადგან თეთრი ფერი ხშირად პატივისცემის სიმბოლოცაა, თეთრი ლილიები და ვარდები ხშირად შეგხვდებათ სამგლოვიარო კომპოზიციებსა თუ გვირგვინებში. 

ვარდისფერი: მადლიერება, სიხარული და ბედნიერება

ნაკლებად ინტენსიური, მაგრამ არანაკლებ ლამაზი და მნიშვნელოვანი ვარდისფერი ვარდები, ჩვენი მომხმარებლების ერთ-ერთი ფავორიტია. თუ ღია ვარდისფერი არის სინაზისა და აღტაცების სიმბოლო, მუქი ვარდისფერი გამოხატავს მადლიერებასა და ძვირფას გრძნობებს.  

• როდის უნდა ვაჩუქოთ ვარდისფერი ყვავილები?

ვარდისფერი ვარდები, განსაკუთრებით სხვადასხვა ტონალობის მიქსი, საუკეთესო საჩუქარია დედის დღისთვის, მეგობრის დაბადების დღის გასალამაზებლად ან უბრალოდ მადლიერების გამოსახატად. თუ საყვარელ ადამიანთან ჯერ კიდევ ახალი გამჟღავნებული გაქვთ თქვენი გრძნობები, ვარდისფერ ყვავილები იდეალური დასაწყისია თქვენი სიყვარულის ისტორიისთვის. 

ყვითელი: მეგობრობა და სიხარული

ვიქტორიანულ ეპოქაში ყვითელი ფერი ეჭვიანობას გამოხატავდა, თუმცა თანამედროვე ფერთა ფსიქოლოგიაში ეს მნიშვნელობა სრულად გადატრიალდა და დღეს ყვითელი მზის სხივების, პოზიტივის, ჯანმრთელობის, მეგობრობისა და ბედნიერების სიმბოლოა.

• როდის უნდა ვაჩუქოთ ყვითელი ყვავილები ?

ყვითელი ყვავილები საუკეთესო ჟესტია, რომ გამოხატოთ კეთილი სურვილები და დაფასება საყვარელი ადამიანების მიმართ. ისინი ასევე იდეალურია კოლეგისთვის მნიშვნელოვანი დღის მისალოცად, ან სევდიანი მეგობრის გასამხნევებლად. 

ნარინჯისფერი: ენერგია და ენთუზიაზმი

ნარინჯისფერი ფერი სიცოცხლით სავსეა - ეს არის ენერგიის, კრეატიულობისა და თავდაჯერებულობის ტონი. თუ ყვითელი სითბოსა და მეგობრობის სიმბოლოა, ნარინჯისფერი იმ განცდას ატარებს, როცა თითქოს მზის სხივი თავად შენში "ინთება". ფერთა ფსიქოლოგიაში ნარინჯისფერი პოზიტიურ იმპულსებს, ოპტიმიზმსა და მოტივაციას უკავშირდება. ამიტომაც ითვლება აჩქარებული გულისცემის, ახალი დასაწყისებისა და ნამდვილ ადრენალინის ფერად.

ნარინჯისფერი ყვავილები საუკეთესოა, როცა გინდა: ადამიანს გაუღვივო მოტივაცია ან წაახალისო ახალი ნაბიჯისკენ, გაამხნევეო მეგობარი, რომელსაც ენერგია სჭირდება, გამოხატო მადლიერება და აღფრთოვანება,გადასცე „ვიცი, შეძლებ!“ ტიპის ემოცია.

იასამნისფერი: მაგიური ემოციები და სამეფო სიმდიდრე

ოდითგანვე იასამნისფერი და ლავანდის ფერები ასოცირდებოდა სიმდიდრესთან, სამეფო ოჯახთან და დიდებულებასთან. ამ ფერების ჯადოსნური ემოციები ჯერ კიდევ ძალიან პოპულარულია ფლორისტის სფეროში. ხშირად, იასამნისფერი ფერი არის სიმბოლო ერთი ნახვით შეყვარების, წარმატების და მაგიურობის. 

• როდის უნდა ვაჩუქოთ იასამნისფერი ყვავილები?

თუ ადამიანმა დანახვისთანავე მოგხიბლათ და გსურთ მას აჩვენოთ რამდენად მოახდინა თქვენზე შთაბეჭდილება, იასამნისფერი ვარდები ამისთვის საუკეთესო არჩევანია. მუქი იასამნისფერი ყვავილები კი ნებისმიერ თქვენ შერჩეულ თაიგულს შემატებს მისტიკურობასა და იდუმალებას.

Lovely Roses დაგეხმარებათ ზუსტად გადმოსცეთ თქვენი გრძნობები. ზედმეტი სიტყვების გარეშე. იქნება ეს კონკრეტული ფერთა გამის თაიგული და სხვადასხვა ფერადი ყვავილების მიქსი, ჩვენთან ნებისმიერი მომენტისთვის შეძლებთ იდეალური საჩუქრის შერჩევას. შეარჩიეთ სასურველი თაიგული ან კომპოზიცია ჩვენთან და მიეცით ფერებს საშუალება თქვენს მაგივრად ისაუბრონ. ეწვიეთ ბმულს, რათა იხილოთ ყვავილები.

R