სოფო ხალვაში ქალიშვილის დიდი წარმატების შესახებ: "ვულოცავთ ქეთოს მილანში საბაკალავრო პროგრამაზე ჩარიცხვას" - Marao
სოფო ხალვაში ქალიშვილის დიდი წარმატების შესახებ: "ვულოცავთ ქეთოს მილანში საბაკალავრო პროგრამაზე ჩარიცხვას"
"PRIME STUDY ულოცავს ამერიკული საერთაშორისო სკოლა პროგრესი-ბათუმის მოსწავლეს, ქეთო ძოძუაშვილს, მილანში, Istituto Marangoni-ში ინტერიერის დიზაინის საბაკალავრო პროგრამაზე ჩარიცხვას!
ჩარიცხვასთან ერთად ქეთომ მარანგონის მიერ გამოცხადებულ Talent Scholarship-ის კონკურსშიც გაიმარჯვა!
1935 წელს ჯულიო მარანგონის მიერ მილანში დაფუძნებული სასწავლებელი წლებია ინარჩუნებს მოწინავე სტატუსს დიზაინისა და მოდის სფეროში და მილანთან ერთად წარმოდგენილია ფილიალებით ფლორენციაში, ლონდონში, პარიზში, შანხაისა და მაიამიში, წარმატებულ კურსდამთავრებულებს შორის კი Domenico Dolce და Franco Moschino გამოირჩევიან!
წარმატებებს ვუსურვებთ ქეთოს მილანში სწავლის პერიოდსა და სამომავლო პროფესიულ საქმიანობაში!" - აღნიშნულ წერილს მომღერალი სოფო ხალვაშის ქალიშვილის, ქეთო ძოძუაშვილის შესახებ PRIME STUDY აქვეყნებს.
სოფო ხალვაშის ოჯახი და კარიერა
სოფო ხალვაში სხვადასხვა მუსიკალური პროექტებით გახდა ცნობილი, მათ შორის იყო "ნუცას სკოლა“ იმედზე... ის იყო პირველი ქართველი შემსრულებელი, რომელმაც 2007 წელს "ევროვიზიის“ კონკურსზე საქართველო წარადგინა, სოფო ხალვაში იყო ასევე კონკურს "ახალი ტალღის“ პრიზიორიც.
"ძალიან ხშირად ვფიქრობ როგორი იქნებოდა ჩემი ცხოვრება. დავხუჭავდი თვალებს და წარმოვიდგენდი, რომ სცენაზე ვიდექი. ჩემი ყველა ოცნება ამას უკავშირდებოდა - სხვა ვერაფერი წარმომედგინა. როცა სახლში რაღაცაზე მეჩხუბებოდნენ, ან რამე მეწყინებოდა, შევიდოდი ოთახში, კარს ჩავკეტავდი, პიანინოზე ვუკრავდი და ვმღეროდი. გულს ვაყოლებდი, ამაში ვიცლებოდი და ვწყნარდებოდი" - იხსენებდა სოფო.
2006 წლის სიმღერის კონკურსში იურმალაში მესამე ადგილი დაიკავა. მომღერალს ფესტივალმა „ახალმა ტალღამ“ საკმაოდ დიდი პოპულარობა მოუტანა არა მარტო სამშობლოში არამედ მის ფარგლებს გარეთაც. სწორედ ამიტომ მომდევნო წლებში საპატიო სტუმრის სტატუსით იყო მიწვეული „ახალ ტალღა 2007“-ზე და „ახალ ტალღა 2008“-ზე.
პოპულარობის პიკზე მყოფმა სოფო ხალვაშმა ცნობილი ვეტერანი ფეხბურთელის რეზო ძოძუაშვილის ვაჟზე - მიშაზე იქორწინა. სოფო მანამდე საზოგადოებრივი მაუწყებლის აჭარის ტელევიზიასა და რადიოში დილის წამყვანისა და მუსიკალური გამფორმებლის პოზიციაზე მუშაობდა.
"ყველაფერი იმდენად მოულოდნელად და სწრაფად მოხდა, იმდენად არ გვიფიქრია წვრილმანებზე, რომ ახლაც ვერ ვახერხებთ იმის გადმოცემას, რა მოხდა. კონკურსზე ვიყავი, იმ ეიფორიაში ჩართული, სხვანაირად აჟიტირებული და პარალელურად ხდებოდა რაღაც, რაც გარკვეული არ იყო. ჩვენი ურთიერთობა მაშინვე არ გარკვეულა" - ამბობდა სოფო.
2013 წელს მედიაში სკანდალური ამბავი გავრცელდა... თითქოს სოფო ხალვაში ქმარს გაშორდა. მალევე სოფო და მიშა შერიგდნენ და საცხოვრებლად ბათუმში გადავიდნენ. მალე მეორე შვილი შეეძინათ... "ქართული ოცნების" ხელისუფლებაში მოსვლის შემდეგ სოფო ხალვაში ჯერ აჭარის ტელევიზიაში გამოჩნდა, მოგვიანებით კი, ხელისუფლებაში სხვადასხვა თანამდებობებზე მიიწვიეს...