4 შვილის დედა წარმატებული კარიერით - ნინო ცქიტიშვილის ელეგანტური იმიჯი და ახალი ფოტოები ოჯახთან ერთად - Marao
4 შვილის დედა წარმატებული კარიერით - ნინო ცქიტიშვილის ელეგანტური იმიჯი და ახალი ფოტოები ოჯახთან ერთად
ძველი თაობის გამორჩეულ მოდელს, ნინო ცქიტიშვილს საზოგადოება კარგად იცნობს. მიუხედავად იმისა, რომ ის ამ საქმით აქტიურად აღარ არის დაკავებული, კვლავ რჩება სამოდელო ინდუსტრიაში და ახალ თაობას საკუთარ გამოცდილებას უზიარებს - ნინო სამოდელო სააგენტო Look Models-ის დამფუძნებელია. ის არაერთ ვარსკვლავს დაეხმარა გზის გაკვლევასა და წარმატებული ნაბიჯების გადადგმაში.
პროფესიული საქმიანობის პარალელურად, ნინო ცქიტიშვილი 4 შვილის დედაა და თავს ამ ამპლუასაც იდეალურად ართმევს. ამჯერად ის სწორედ ოჯახურ ფოტოებს გვიზიარებს - მეუღლესთან, კალათბურთელ ვატო ნაცვლიშვილთან ერთად გადაღებული კადრები სოციალურ ქსელში დიდ მოწონებას იმსახურებს.
ნინო ცქიტიშვილი
ცნობილი მოდელი ნინო ცქიტიშვილი სოციალურ ქსელში დიდი პოპულარობით სარგებლობს. ნინო "მის საქართველო 1997"-ისა და საქართველოში ერთ-ერთი ყველაზე წარმატებული სააგენტოს, Look Models-ის დამფუძნებელია. ის ასევე წარმატებული კალათბურთელის, ვატო ნაცვლიშვილის მეუღლეა და მათ ოთხი შვილი ჰყავთ.
უფროსს ქალიშვილს, თაკო ნაცვლიშვილს, საზოგადოება უკვე წლებია კარგად იცნობს.
ვატო ნაცვლიშვილი
ვატო ნაცვლიშვილი ყოფილი კალათბურთელია. ის 1990-1993 წლებში კლუბ "მართვეში" თამაშობდა. 1995-1996 წლებში ამერიკის “ბოსტონკოლეჯი” კლუბში თამაშობდა. 1998 წელს თურქეთის “კარშიაკა" კალათბურთელი იყო. 2003 წლიდან საფრანგეთის “დიჟონში" ირიცხებოდა. ვატო 1994-2007 წლებშ საქართველოს ეროვნული ნაკრების ღირსებას იცავდა.
2004 წელს გახდა ფიბა-ევროპის თასის გათამაშების მეორე პრიზიორი. 2004 წელს საფრანგეთის თასის და სუპერთასის მფლობელი. 2002-2003 წელს გახდა პორტუგალიის ჩემპიონატის პრიზიორი. 1997, 1998 და 2001 წლებში ვატო გახდა საქართველოს სამგზის ჩემპიონი.