"გახსოვთ, ამ კლიპში რა გოგო ვიყავი?" - როგორ გამოიყურებოდა ნანუკა გულია ნოდიკო ტატიშვილის კლიპში - Marao

ცოტა ხნის წინ ცნობილი გახდა, რომ მომღერალი ნოდიკო ტატიშვილი მამა გახდა. მუსიკოსსა და მის რჩეულს, ექიმ თათია ერქვანიძეს, გოგონა შეეძინათ, რომელსაც კესანე დაარქვეს. კესანეს ნათლობა 25 დეკემბერს შედგა - მას ცნობილი ნათლიები ჰყავს - მომღერალი ლელა წურწუმია და ექიმი ლაშა უჩავა. 

კესანეს ნათლობის საღამოსთვის უამრავი ცნობილი სახე შეიკრიბა, სტუმრებს შორის იყვნენ სალომე ბაკურაძე, სოფო გელოვანი, სოფო ნიჟარაძე, ნანუკა გულუა... ნანუკა გულუამ წვეულებიდან ვიდეო გააზიარა: 

"გახსოვთ, ამ კლიპში რა გოგო ვიყავი? ახლაც მეძახის, მოდი, მოდიო..." - ნოდიკო ტატიშვილმა სტუმრებისთვის არაერთი სიმღერა შეასრულა, მათ შორის, "მე ვოცნებობდი". სიმღერის კლიპი 7 წლის წინ გამოვიდა, სადაც მონაწილეობას ნანუკა გულუაც იღებს. სწორედ ამ მომენტს იხსენებს ნანუკა გულუა და ამბობს, რომ მაშინ განსაკუთრებით კარგ ფორმაში იყო, ახლა კი, როცა უკვე სამი შვილის დედაა, აქცენტს საკუთარ წონაზე აკეთებს. 

ნანუკა გულუას კარიერა და ოჯახი 

ნანუკა გულუა საზოგადოებისთვის ცნობილი რამდენიმე წლის წინ გახდა, როცა პოპულარულ სერიალში "ჩემი ცოლის დაქალები" გამოჩნდა. სერიალი აღწერს ბავშვობის მეგობრების – კატოს, ნინასა და თინას ცხოვრებას, რომელთაც მესამე და მეხუთე სეზონებში შეუერთდებიან ახალი დაქალები – ნატაშკა და ანკა. სერიალი ეხება საზოგადოებისთვის აქტუალურ და თანამედროვე სოციალურ პრობლემებს, რომელიც ყველა თაობის მაყურებლისათვის არის საინტერესო. ნანუკა გულუა მეგრელი ქალის, დოჩი ალიშბაიას როლს ასრულებდა. დასამახსოვრებელი, ხმაურიანი და ქაოსური დოჩი ბევრისთვის საყვარელ და სახალისო პერსონაჟად იქცა - ნანუკა გულუამ კი მაყურებლის დიდი სიყვარული მოიპოვა. 

• "ერთადერთი ფიქრი მქონდა - რა ცუდია, ჩემი შვილები გაიზრდებიან და ამას მე ვერ ვნახავ-მეთქი", - რა შემთხვევას იხსენებს ნანუკა გულუა

მსახიობობა ნანუკას ოცნება არასდროს ყოფილა. ის პროფესიით ჟურნალისტია. 

"მეგობრის დაბადების დღეზე სერიალის სცენარისტი, ქეთი დევდარიანი გავიცანი. როგორც ჩანს, ქეთი ჩემი იუმორით მოიხიბლა. როცა მეგრელი ქალის პერსონაჟი შექმნა, მითხრა, რომ ამ როლზე მე მომიაზრებდა. ძალიან შემეშინდა ამ შემოთავაზების, მაგრამ ქეთიმ დამითანხმა, ქასთინგზე მივსულიყავი. ვერც კი აღგიწერთ, ემოციებისგან ხმას ვერ ვიღებდი და ამდენი ცნობილი ადამიანის გარემოცვაში რომ აღმოვჩნდი, უფრო უფრო მეტად დავითრგუნე. ეკა მჟავანაძე მიხვდა, რა მდგომარეობაში ვიყავი, ცალკე ოთახში გამიყვანა და ძალიან თბილად გამამხნევა. მასთან საუბრის შემდეგ, ყველაფრისთვის მზად ვიყავი. მოკლედ ეკამ მიშველა. იმ დღესვე მითხრეს, რომ როლზე დამამტკიცეს. აი, ემოციები მაშინ უნდა გენახათ, ღამეები არ მეძინებოდა. შობას დამიბარეს გადაღებაზე და არც მიფიქრია, დღესასწაულის გამო უარი მეთქვა, ეგრევე გავქანდი. მაბედნიერებს, რომ ჩემი შესრულება მოეწონათ, მაგრამ თვითონ სერიალს ვერ ვუყურებ“, - ამბობდა ნანუკა გულუა. 

• "არანაირი ბარიატრია, არანაირი ნემსი, ერთადერთი, რაც გასახდომად გამომიყენებია..." - ნანუკა ჟორჟოლიანი წონის კლების უსაფრთხო მეთოდზე წერს

პოპულარული სერიალის შემდეგ იყო იუმორისტული გადაცემა, რომელსაც ნანუკა გულუა კიდევ 3 ცნობილ ქალთან ერთად უძღვებოდა.

ნანუკა გულუამ რჩეულზე, კახა კაშიაზე 2021 წელს იქორწინა. როგორც თავად ამბობდა, მათი ქორწინება მოულოდნელად გადაწყდა და ამაში დიდი წვლილი ოჯახის წევრებსაც მიუძღვით.

ნანუკასა და კახას სამი შვილი, ნინა, ირაკლი და კირა ჰყავთ. ნანუკა თავად ხშირად აღნიშნავს, რომ მის ასაკში დედობა კიდევ უფრო განსაკუთრებული გრძნობაა. მისი თქმით, ორი შვილის ყოლა გადაწყვეტილი ჰქონდა, თუმცა მზადაა, რამდენი შანსიც მიეცემა, იმდენჯერ გახდეს დედა. მსახიობი ცოტა ხნის წინ ხუმრობდა კიდეც, რომ მოსწონს, როცა ორსულობის დროს მასზე განსაკუთრებულად ზრუნავენ და მეოთხე შვილის ყოლაზეც დაფიქრდება.