"მე ვარ ქალი! და დიახ ჩემი სხეული შეიცვალა!" - როგორ გამოიყურება ნუკი კოშკელიშვილი მშობიარობის შემდეგ - Marao
"მე ვარ ქალი! და დიახ ჩემი სხეული შეიცვალა!" - როგორ გამოიყურება ნუკი კოშკელიშვილი მშობიარობის შემდეგ
ცოტა ხნის წინ ნუკი კოშკელიშვილი მეორე შვილის დედა გახდა. მას ვაჟი, სახელად შიო შეეძინა. ნუკი ყოველთვის ცდილობს, ქალებისთვის იქცეს მოტივაციად და ამჯერადაც არ ღალატობს ტრადიციას - მან ახალნამშობიარებ დედებს მისცა სტიმული, რომ სხეულის ფორმის გამო თავი სტრესში არ ჩაიგდონ და მიიღონ ეს მოცემულობა ისე, როგორც არის:
"ვიცი, ბევრი გამაკრიტიკებს, მაგრამ მახსოვს, როგორ ვტიროდი პირველი ბავშვი რომ გავაჩინე და დიდი მუცელი რომ მეგონა მეორე დღეს გაქრებოდა…
სოციალური ქსელები არ უნდა იყოს მხოლოდ გალამაზებული რეალობის ადგილი. მე არ ვუმალავ ჩემს გამომწერებს რეალობას და მინდა, იცოდეთ, ჩემს გვერდზე გალამაზებულ სინამდვილეს ვერ ნახავთ.
მე ვარ ქალი! და, დიახ, ჩემი სხეული შეიცვალა! მე ვარ ბედნიერი და ჯანმრთელი, ესაა მთავარი.
სულ მოვიმატე 30 კგ." - წერს ნუკი და სამოტივაციო ვიდეოს აქვეყნებს.
ნუკი კოშკელიშვილი
ნუკი კოშკელიშვილი დაიბადა 1990 წლის 9 ივნისს. კარიერა მან “მის საქართველოს” კონკურსში მონაწილეობით დაიწყო, რამაც მისცა ბიძგი სატელევიზიო სფეროში შესვლისთვის. მალე ის გახდა “იმედის” დილის გადაცემის წამყვანი და მონაწილეობა მიიღო პოპულარულ სერიალში “კლინიკა”. ნუკის პროფესიული გამოცდილება მოიცავს როგორც პირდაპირ ეთერში მუშაობას, ასევე ჩაწერილი გადაცემების წაყვანას. საზოგადოებამ იგი ერთი-ორად შეიყვარა ტელეშოუ “ცეკვავენ ვარსკვლავების” შემდეგაც.
პარალელურად, ნუკიმ წარმატებული კარიერა აიწყო მოდის სფეროშიც და მონაწილეობას იღებდა არაერთი ბრენდის სარეკლამო კამპანიებსა თუ ფოტოსესიებში.
მისი რჩეული და მეორე ნახევარი შოუბიზნესის წარმომადგენელი არ გახლავთ, პროფესიით ექიმია და ამავე სფეროშია დასაქმებული. "რეალურად ძალიან შეყვარებული ვარ. ეს ადამიანი ცნობილი არ არის. ჩვეულებრივი სფეროდანაა – ჰოსპიტალში მუშაობს, ექიმია. მაგრამ, ჯერჯერობით მის შესახებ არაფერს ვამბობ. ულამაზესი ბიჭია. ულამაზესი და, თან, ძალიან კარგი ხასიათის, უპრობლემო. ძალიან ეცინება, როდესაც ჩემზე რაღაცებს წერენ. დიდად არც ადევნებს თვალყურს, მაგრამ, როდესაც იგებს, ამაზე მხოლოდ იცინის"- ამბობდა ნუკი მაშინ.
ბენი მალევე გახდა "ქართველების საყვარელი სიძე" - ამ ფრაზით კომენტარებში მას ხშირად მოიხსენიებენ. ბენი პერიოდულად სტუმრობს საქართველოს, სწავლობს ქართულს და უყვარს ქართული კერძები. მის პირად გვერდზე ნახავთ არაერთ ვიდეოს, სადაც ის ჩვენს ტრადიციულ კერძებს ამზადებს.
ბენსა და ნუკის პირველი შვილი ოლივერია. ოლივერი საქართველოში დიდ დროს ატარებს და, როგორც ჩანს, დედასთან ერთად მოგზაურობაც უყვარს.
ნუკი კოშკელიშვილი და ბენ ხაიმი სულ ცოტა ხნის წინ მეორე შვილის მშობლები გახდნენ. ოლივერის შემდეგ მათ კიდევ ერთი ბიჭი შეეძინათ, რომელსაც შიო რიუვენი დაარქვეს.
ნუკი, მიუხედავად იმისა, რომ ორ სხვადასხვა ქვეყანაში ცხოვრობს, ქართულ მეგაშოუებსა და პროექტებში მაინც აქტიურად მონაწილეობს. ის ბოლო წლებში არაერთი პოპულარული შოუს წამყვანად ვიხილეთ. ნუკიმ კულინარიულ შოუშიც მიიღო მონაწილეობა, სადაც, მიუხედავად იმისა, რომ გამარჯვება ვერ მოიპოვა, დიდი ენთუზიაზმი და მონდომება გამოავლინა.
ნუკი კოშკელიშვილმა 2015 წელს ბენ ჰაიმზე იქორწინა. ტელეწამყვანმა მომავალი მეუღლე სპეციალური აპლიკაციით გაიცნო. ნუკი დიდი ხნის მანძილზე მალავდა, ვინ იყო მისი რჩეული, თუმცა ამბობდა, რომ ძალიან იყო შეყვარებული.