მარიამ ვაშაძის ბედნიერი ოჯახი, მეორე შვილის მოლოდინი და განსაკუთრებული წელი: დიდი სიხარული ცნობილი ჟურნალისტის ცხოვრებაში - Marao
მარიამ ვაშაძის ბედნიერი ოჯახი, მეორე შვილის მოლოდინი და განსაკუთრებული წელი: დიდი სიხარული ცნობილი ჟურნალისტის ცხოვრებაში
"გილოცავთ ახალ წელს ჩვენი ოჯახიდან თქვენს ოჯახებს! თქვენი სახლები სავსე იყოს სიყვარულით, სინათლითა და ლამაზი ახალი დასაწყისით. 2026, ჩვენ მზად ვართ შენთვის - პატარა ბიჭი გზაშია" - წერს მარიამ ვაშაძე და ოჯახურ კადრებს აქვეყნებს.
მარიამ ვაშაძე
მარიამის მეუღლე ვანო ბენიძეა - ვანიკო ბენიძის მამა ბიზნესმენი დავით ბენიძეა. ვანიკო საზოგადოების დიდი ინტერესის ქვეშ, მისი დის ანი ბენიძის გათხოვების შემდეგ მოექცა. მისი და, კუდ-ის მაღალჩინოსნის, დათა ახალაიას მეუღლეა.
წყვილი რამდენიმე წლის წინ დაქორწინდა და ერთ საერთო შვილს ზრდის. მარიამს ოჯახურ ცხოვრებასა და დედობაზე არაერთ ინტერვიუში უსაუბრია. მარიამსა და ვანოს ულამაზესი ქორწილი ჰქონდათ, თავბრუდამხვევ ფოტოებს აქვეყნებდნენ მალდივებიდან, სადაც თაფლობის თვე გაატარეს.
როგორც მარიამი იხსენებდა, ერთმანეთი საერთო მეგობრებმა გააცნეს. ვანო საქართველოსი არ იმყოფებოდა, უცხოეთში სწავლობდა, ამიტომ ერთმანეთს ონლაინ ეკონტაქტებოდნენ. შემდეგ, მეგობრები ზაფხულში ერთად შეიკრიბნენ, სადაც ვანოც იმყოფებოდა - სწორედ აქედან დაიწყო მათი რომანტიკული ურთიერთობა.
"გამიმართლა, რომ ასეთი მეუღლე მყავს. ვანიკო მანებივრებს და ყველაფერში მიწყობს ხელს, არც სიურპრიზებს მაკლებს. მის გვერდით ყოველი დილა ბედნიერად თენდება. ზოგადად, დღის ეთერებზე ვარ, თუმცა გვიანობამდე მიწევს ხოლმე სამსახურში ყოფნა. რასაკვირველია, რთულია, სახლში დაღლილი რომ მივდივარ, მაგრამ ჩემი მეუღლეც დაკავებულია და ფაქტობრივად, ამით ვაბალანსებ სახლში არყოფნას" - ამბობდა მარიამი.
ხშირად მახარებს საჩუქრებით, არ დამავიწყდება ის დღე, როცა ხელი მთხოვა. ეს შარშან, 14 თებერვალს, სიყვარულის დღეს მოხდა. იცის, რომ არ მიყვარს სახალხოდ ხელის თხოვნები, თუმცა სხვას რომ ვუყურებ, მომწონს. მოკლედ, არ ველოდებოდი ხელის თხოვნას, უბრალოდ, საღამოს გამომიარა და ჩაიზე დამპატიჟა ერთ-ერთ მშვიდ კაფეში. მომაწოდა თაიგული, რომელზეც ბარათი იყო დამაგრებული და რომ გავხსენი ეწერა: "გამომყვები ცოლად?" და ნიშნობის ბეჭედიც მომცა. ასე რომ 14 თებერვალი ის დღეა, რომელიც არასდროს დამავიწყდება, ის მხოლოდ ვალენტინობა და სიყვარულის დღე არ არის, ვანიკომ მას ჩვენთვის სხვა დატვირთვა მისცა."