"ყველგან მიწუნებდნენ გარეგნობის გამო... გრძელცხვირა გოგო მივედი სანტა კლაუსისა და ფიფქიას რეკლამის კასტინგზე..." - როგორ მოხვდა რუსკა მაყაშვილი ცნობილ სანტა კლაუსის რეკლამაში - Marao

მსახიობი რუსკა მაყაშვილი საშა კაცმანის პოდკასტის სტუმარი იყო. მსახიობმა გაიხსენა ერთ-ერთი ყველაზე ცნობილი კლიპის გადაღების ისტორია, თუ როგორ იქცა ის ფიფქიად.

"პერიოდი იყო, კასტინგებზე დავდიოდი და ყველგან მიწუნებდნენ გარეგნობის გამო. რაღაც სტანდარტებში არ ვჯდებოდი, გრძელცხვირა გოგო მივედი სანტა კლაუსისა და ფიფქიას რეკლამის კასტინგზე. რა თქმა უნდა, ყველა სიმღერა ზეპირად ვიცოდი. სანტას როლზე ირაკლი ჭირაქაძეს მოსინჯვა უნდოდათ. მაშინ ირაკლის არ ვიცნობდი. ირაკლი მოვიდა კასტინგზე, ერთ წამში გავაკეთეთ ის ყველაფერი, რაც უნდოდათ. დამთავრდა კასტინგი, წავედი და ვფიქრობდი, ფიფქიას როლზე ვინ ამიყვანს-მეთქი, მაგრამ 15 წუთში დამირეკეს და მითხრეს - აგიყვანეთ შენ და ირაკლიო" - ამბობს რუსკა საშა კაცმანის პოდკასტში.

• შეცვლილი გვარი, ორი შვილი და წარმატებული კარიერა - რუსკა მაყაშვილი იუბილარია: მსახიობის განვლილი გზა

რუსკა მაყაშვილის ოჯახი

რუსკა მაყაშვილმა რამდენიმე წლის წინ სპორტსმენ სანდრო ნიჟარაძეზე იქორწინა. მათ ორი შვილი, ილია და კატო ჰყავთ, რომლებიც რუსკას სოციალურ ქსელებში ხშირად ჩანან და კომერციულ ვიდეოებშიც მონაწილეობენ. შვილებისგან განსხვავებით, რუსკასთან ერთად საჯაროდ იშვიათად ჩნდებოდა მისი მეუღლე, მსახიობი განმარტავდა, რომ სანდროს კამერები არ უყვარს და მათთან ურთიერთობას მაქსიმალურად ერიდება.  

ცოტა ხნის წინ რუსკა მაყაშვილმა თქვა, რომ ის და სანდრო ნიჟარაძე ერთმანეთს დაშორდნენ, ახლა კი შვილებთან ერთად ცალკე ცხოვრობს.

"ძა­ლი­ან დიდი ხანი იყო ეს ყვე­ლა­ფე­რი. ბევ­რი წლის ფიქ­რი ბევ­რი წლის აწონ-და­წო­ნა. არა­სო­დეს წარ­მო­მედ­გი­ნა, რომ ოჯა­ხი და­მენგრე­ო­და. ძა­ლი­ან მი­ჭირს ცვლი­ლე­ბე­ბი. რა ჩან­გლი­თაც ვჭამ­დი ბავ­შვო­ბა­ში, იმ ჩან­გლით ვჭამ ახ­ლაც. ცვლი­ლე­ბე­ბის მე­ში­ნია. რომ გავ­თხოვ­დი და სხვა­გან გა­და­ვე­დი სა­ცხოვ­რებ­ლად, ძა­ლი­ან დიდ­ხანს ისევ ჩემს ოჯახ­ში, ჩემს დან­გრე­ულ სახ­ლში მივ­დი­ო­დი და იქ ვი­ჯე­ქი. მი­უ­ხე­და­ვად იმი­სა რომ დიდი ვარ და ორი შვი­ლი მყავს მი­ჭირს მა­ინც.

• "ვგიჟდები მშობიარობაზე - მე ერთი შვილი რომ გავაჩინე, შოკში ვიყავი, თავი მეგონა გმირი" - რუსკა მაყაშვილი დედის ამპლუაში 

და­შო­რე­ბა რთუ­ლია. თა­ნა­ცხოვ­რე­ბის პრო­ცეს­ში არ მიმ­დი­ნა­რე­ობ­და და­შო­რე­ბა. უბ­რა­ლოდ ამა­ზე ფიქ­რი მი­დი­ო­და. ეს არის ურ­თუ­ლე­სი მძი­მე პე­რი­ო­დი, ფიქ­რობ, რომ ამ ყვე­ლა­ფერს რო­გორ გა­უმკლავ­დე­ბი. ახ­ლაც გამ­კლა­ვე­ბის პრო­ცეს­ში ვარ. რთუ­ლია, ორი შვი­ლი რომ გყავს... ეს ისე­თი თე­მაა, ძა­ლი­ან მტკივ­ნე­უ­ლი. 8 თვე გა­ვი­და და ახ­ლაც გამ­კლა­ვე­ბის პრო­ცეს­ში ვარ" - თქვა რუს­კა მა­ყაშ­ვილ­მა.

ცოტა ხნის წინ მსახიობმა ორსულობაზე და დედობაზე "აჭარის ტელევიზიასთან" ისაუბრა.

 "პირველი შვილი რომ გავაჩინე, მივხვდი, რა არის თურმე მნიშვნელოვანი. აქამდე რაც იყო და რაც მანერვიულებდა, თურმე, არაფერს აზრი არ ქონია. ჩემს შემთხვევაში ასეა, არ ვიცი სხვა როგორ ფიქრობს. პირადად ჩემი ცხოვრება დაიწყო ილიას შემდეგ. ჯერ ეს ერთი, გმირი მეგონა ჩემი თავი, ვის არ გაუჩენია შვილი, ხალხი 10,15 და 20 შვილს აჩენს, ხომ არსებობს მრავალშვილიანი დედები და მე ერთი შვილი რომ გავაჩინე, შოკში ვიყავი, თავი მეგონა გმირი.

ერთი კვირა მატრიგერებდა, ღმერთო, ეს რა ვქენი და დღემდე ვამბობ, მაგრამ არავის არ სჯერა, ვგიჟდები მშობიარობაზე. შემიძლია დღეში 13-ჯერ ვიმშობიარო. ეს ჩემთვის იმდენად სასიამოვნო ტრიგერია, ყველანაირი სიამოვნება რომ შეკრიბო შენს ცხოვრებაში, ეს შვილის გაჩენაა. თავი მგონია ყოვლისშემძლე ქალი და ყველა ეგრეა, მერე აუფასურებენ, მაგრამ, რეალურად, ისეთ რაღაცას ჩადიხარ, მართლა გმირი ხარ", - ამბობს რუსკა მაყაშვილი.