"მუხლებში ჩავიკეცეო, რომ ამბობდნენ, სულ ვფიქრობდი რა იყო ეს განცდა…" - სოფო ნიჟარაძე მისი ცხოვრების ყველაზე რთულ ამბავს იხსენებს - Marao
"მუხლებში ჩავიკეცეო, რომ ამბობდნენ, სულ ვფიქრობდი რა იყო ეს განცდა…" - სოფო ნიჟარაძე მისი ცხოვრების ყველაზე რთულ ამბავს იხსენებს
სოფო ნიჟარაძე ცოტა ხნის წინ "mere.pdcst"-ის სტუმარი იყო, სადაც მან უამრავ თემაზე ისაუბრა, მათ შორის გაიხსენა მამის გარდაცვალების პერიოდი, როდესაც ის "ცეკვავენ ვარსკვლავების" მონაწილე იყო.
„დილით უკვე ვიცოდი, რომ მამა ძალიან ცუდად იყო, მთელი დღე ფორიაქი მქონდა. მაკიაჟიც გაკეთებული მქონდა და ვემზადებოდით ეთერისთვის. მეგობრები გავაფრთხილე, რომ აუცილებლად ეთქვათ, თუ რამე მოხდებოდა… მაშინ ცირკის შენობაში მიმდინარეობდა პროექტი.
მაკიაჟიც გაკეთებული მქონდა და უკვე სტუდიაში წასასვლელად ვემზადებოდი. მეგობრები შემოვიდნენ, არაფრის თქმა არ დასჭირდათ. მივხვდი, რაც მოხდა.
ამ ემოციის აღწერა ალბათ ძალიან რთულია. ერთი ის ვიცი, რომ არავინ მინდა, იგივე განიცადოს, რაც მე მომივიდა. მუხლებში ჩავიკეცეო, რომ ამბობდნენ, სულ ვფიქრობდი რა იყო ეს განცდა…
ყველაზე მეტად მამას უნდოდა, რომ პროექტის გამარჯვებული გავმხდარიყავი. სულ სამი ტური იყო დარჩენილი, შემეძლო, ერთი ტური რომ გამოვტოვე, მერე გამეგრძელებინა მონაწილეობა. „ბიბისიდანაც“ მოვიდა დასტური, რომ შემეძლო გაგრძელება, მაგრამ ვერ შევძელი. ძალიან კარგ პოზიციებზე ვიყავი, არავინ იცის, იმ ემოციის გადალახვა, რომ მომეხერხებინა, როგორ განვითარდებოდა მოვლენები, მაგრამ ვერ შევძელი. მერეც, როცა მესმოდა „ცეკვავენ ვარსკვლავების“ დაწყების ხმა, ცუდად ვხდებოდი“, – ამბობს სოფო ნიჟარაძე.
სოფო ნიჟარაძე - ოჯახი და კარიერა
სოფო ნიჟარაძე ქართველი მომღერალი, მსახიობი და კომპოზიტორია. სოფო 1985 წლის 6 თებერვალს თბილისში დაიბადა. მისი მუსიკალური ნიჭი ადრეულ ასაკშივე გახდა შესამჩნევი. განათლება მიიღო თბილისის სახელმწიფო კონსერვატორიაში, ხოლო შემდგომ - მოსკოვში, გნესინის სახელობის მუსიკალურ აკადემიასა და GITIS-ში, რომელიც ერთ-ერთ ყველაზე პრესტიჟულ თეატრალურ უნივერსიტეტად ითვლება რუსეთში. სწავლის პერიოდში მან გამოავლინა თავისი მრავალმხრივი ნიჭი და თავი დაიმკვიდრა როლებით სხვადასხვა მიუზიკლსა და სპექტაკლში, მათ შორის: „რომეო და ჯულიეტა“, „პარიზის ღვთისმშობლის ტაძარი“ და „ვესტსაიდური ამბავი".
საზოგადოებისთვის ფართოდ ცნობილი სოფო 2010 წელს გახდა, როდესაც ევროვიზიის სიმღერის კონკურსზე საქართველოდან წარსდგა სიმღერით Shine. ამ კონკურსმა მას საერთაშორისო აღიარებაც მოუტანა. სოფოს შესრულება მაღალი ხარისხის ვოკალით და სიძლიერით გამოირჩეოდა. კონკურსზე ის მე-9 ადგილს იკავებდა და ერთ-ერთ საუკეთესო შეფასებად ითვლებოდა ქართული ევროვიზიის ისტორიაში.
2020 წლის ივნისში სოფო ნიჟარაძეს შეეძინა ქალიშვილი ელის-მარია - პატარა, რომელიც მისი სამყაროს სინათლედ იქცა. შვილთან ერთად ცხოვრების დაწყება სოფოსთვის დიდი გარდატეხა იყო - მან არჩევანი გააკეთა ინტიმურობასა და სიმშვიდეზე, რომელიც ახალშობილს სჭირდებოდა.
"დედობა არის ყოველდღიური სკოლა, სადაც შენს შვილთან ერთად იზრდები", - წერდა ის ერთ-ერთ ინტერვიუში.
სოფო ცდილობს იყოს დედა, რომელიც ზრდის არამარტო ბედნიერ ბავშვს, არამედ დამოუკიდებელ და ღირებულებებზე დამყარებულ პიროვნებას. ის ელის-მარიას უყალიბებს წიგნების, მუსიკისა და შემოქმედების სიყვარულს, დროდადრო კი კადრებს ყოველდღიურობიდან გამომწერებსაც უზიარებს.
სოფო ნიჟარაძე საზოგადოებისთვის ცნობილია, როგორც მუსიკალური პროექტების ჟიურის წევრიც -მათ შორის, შოუებში „ნიჭიერი“, „მხოლოდ ქართული“ და „X Factor Georgia“, სადაც მისი შეფასებები, კეთილგანწყობაც და პროფესიონალიზმიც ხშირად გამხდარა შთაგონების წყარო ახალგაზრდა მომღერლებისთვის.