ვინ ვისი ნათლიაა ქართულ შოუბიზნესში? ნათელმირონობა ცნობილ ქართულ ოჯახებს შორის - Marao

19 იანვარს მართლმადიდებლური სამყარო ნათლისღების დღესასწაულს აღნიშნავს. 

ამ დღეს, სახარების თანახმად, იოანე ნათლისმცემელმა მდინარე იორდანეში მონათლა იესო ქრისტე. ნათლისღების დღესასწაულზე წყლის კურთხევის მსახურება (დიდი აიაზმა) სრულდება და ნაკურთხი წყალი მთელი წლის განმავლობაში ინახება. ნათლისღება ის ძირითადი აქტია, რომლითაც ადამიანი ქრისტიანად ითვლება.

ამ დღეს ასევე ღვთის განცხადება ეწოდება, რადგანაც სწორედ მაშინ განცხადდა პირველად წმინდა სამება: ძე ნათელს იღებდა, სულიწმიდა მტრედის სახით ჩანდა, ხოლო ციდან ისმოდა მამა ღმერთის ხმა: „ესე არს ძე ჩემი საყვარელი, რომელ მე სათნო ვიყავ”.

ცნობილი ნათლია-ნათლულები ჩვენს ქვეყანაში 

• ბუდუ ზივზივაძე

საქართველოს ეროვნული ნაკრების ფეხბურთელმა, საბა ლობჟანიძემ სულ ცოტა ხნის წინ ქალიშვილი, ალესია მონათლა. ალესიას ერთ-ერთი ნათლია, საბა ლობჟანიძის მეგობარი, ჩვენთვის საყვარელი სპორტსმენი ბუდუ ზივზივაძე გახდა. 

• ზაზა ფაჩულია

ქალიშვილის, ნინას ერთ-ერთ ნათლიად კალათბურთელმა დუდა სანაძემ და ანუნა მდივნიშვილმა ცნობილი სპორტსმენი ზაზა ფაჩულია აირჩიეს. 

• ნოდიკო ტატიშვილი

ნოდიკო ტატიშვილი ქართულ შოუბიზნესში ერთ-ერთი გამორჩეული იმითაცაა, რომ მას ბევრი ნათლული ჰყავს - 2023 წლის ინტერვიუში ის ამბობდა, რომ 30 ბავშვი მონათლა. მათ შორის, ნოდიკო არის, მარიამ როინიშვილის კირას ნათლია, ნანუკა გულუას იკუნას ნათლია, სალომე ბაკურაძის სანტის ნათლია.

თავად ნოდიკო ტატიშვილის პირველი შვილის, კესანეს ნათლიები კი ლელა წურ­წუ­მია და ექი­მი-ენ­დოკ­რი­ნო­ლო­გი ლაშა უჩა­ვა გახდნენ. 

რაც შეეხება ლელა წურწუმიას ერთადერთი ქალიშვილის, მარიკოს ნათლიებს, საზოგადოება მათაც კარგად იცნობს - თიკა ჯამ­ბუ­რია, ნინი ქარ­სე­ლა­ძე და და­ვით დო­ი­აშ­ვი­ლი. ნინი ქარსელაძის ნათლია კი ლიზა ბაგრატიონია. 

• თამრიკო ჭოხონელიძე

ცნობილია, რომ თამრიკო ჭოხონელიძე ბერა ივანიშვილის ნათლიაა. ასევე, თამრიკო ჭოხონელიძემ, მაია ჯაბუასთან ერთად მონათლა მომღერალი ნინი ბადურაშვილი. 

ნინი ბადურაშვილის ერთადერთი ქალიშვილის, ელენეს ნათლიები კი ქრის­ტი­ნე იმე­და­ძე, ქეთა თო­ფუ­რია, სა­ლო­მე გო­გი­აშ­ვი­ლი და თაკო გა­ჩე­ჩი­ლა­ძე არიან.

• ბერა ივანიშვილი

როგორც ცნობილია, ბერა ივანიშვილი ნათლიად არაერთმა ცნობილმა ოჯახმა აირჩია, მათ შორის, მან მონათლა კახა კალაძისა და ანუკი არეშიძის შვილი, ლევანი. ასევე, ირაკლი ღარიბაშვილისა და ნუნუკა თამაზაშვილის ვაჟი, გაბრიელი. 

• ნუნუკა თამაზაშვილი

თავად ნუნუკა თამაზაშვილი თათია შარანგიასა და სანდრო შელიას ვაჟის, ანდრიას ნათლიაა. 

• თიკა ფაცაცია

ტელეწამყვანი თიკა ფაცაცია აჩიკო სოლოღაშვილისა და ნუცა ქავთარაძის ერთადერთი შვილის, ალექსანდრეს ნათლიაა. ასევე, თიკამ, მარიამ ვაშაძესთან, ნინო ხოშტარიასთან და ლაშა ბასლანძესთან ერთად მონათლა გვანცა დარასელიას ქალიშვილი, ლილე. 

• ეკა ანდრონიკაშვილი

მსახიობი ეკა ანდრონიკაშვილი დუტა სხირტლაძის ქალიშვილის, სოფოს ნათლიაა. 

• თეონა ცირამუა

თეონა ცირამუამ რამდენიმე წლის წინ მუსიკოსი ქეთი მელუას ერთადერთი ვაჟი, სანდრო მონათლა. 

• ხვიჩა კვარაცხელია

ხვიჩა კვარაცხელია საუკეთესო მეგობრის, ზურიკო დავითაშვილის ვაჟის ნათლიაა. 

• თიკო სადუნიშვილი

ტელეწამყვანი თიკო სადუნიშვილი სულ ცოტა ხნის წინ ლელა კილაძისა და გიორგი ცაგარელის ვაჟის, ანდრიას ნათლია გახდა.

• ნატო გელაშვილი

ნატო გელაშვილმა საკუთარი შვილიშვილი, ნინა მონათლა.