"შეუძლებელს შევძლებ შენთვის, მადლობა ღმერთს, რომ ჩემი ხარ“ - მარიამ მათიაშვილი დედის ამპლუაში და პატარა ლეას პირველი დაბადების დღე - Marao
"შეუძლებელს შევძლებ შენთვის, მადლობა ღმერთს, რომ ჩემი ხარ“ - მარიამ მათიაშვილი დედის ამპლუაში და პატარა ლეას პირველი დაბადების დღე
ანსამბლ „სუხიშვილების“ მოცეკვავის, მარიამ მათიაშვილის და მისი მეუღლის, დავით თოფურიას ქალიშვილი, ლეა 1 წლის გახდა. მარიამი ლეას დაბადების დღეს ემოციური ვიდეორგოლით ულოცავ და წერს, რომ ლეა მისთვის ღვთის საჩუქარია:
„ლეა - 1. ყოველთვის მადლიერებით დავიწყებ შენზე საუბარს. დღეს დაიბადა ჩემი ყველაზე დიდი ღვთის საჩუქარი. დე, შენ ხარ ჩემი მზის სხივი, ბედნიერება, სითბო, სიყვარული, სიკეთე. უსაზღვროდ მიყვარხარ, არ წარმომიდგენია, ამაზე ძლიერი გრძნობა რა შეიძლება იყოს, ყველაფერი საუკეთესო შენთვის მემეტება, შეუძლებელს შევძლებ შენთვის, მადლობა ღმერთს, რომ ჩემი ხარ“, – წერს მარიამ მათიაშვილი.
მარიამ მათიაშვილის ოჯახი
მარიამ მათიაშვილი მოცეკვავეა, რომელიც არაერთი წელია "სუხიშვილების" სოლისტია. მარიამი ქართული ცეკვით ადრეულ ასაკშივე დაინტერესდა, რადგან ის თეა დარჩიას უფროსი ქალიშვილია.
როგორც თეა დარჩია არაერთ ინტერვიუში იხსენებდა, მუდმივი გასტროლებისა და დატვირთული სამუშაო გრაფიკის გამო შვილებთან დიდი დროის გატარებას ვერ ახერხებდა.
"როცა პირველად მომიყვანეს პირველი შვილი, 1990 წელი იყო. ვიყავი შოკში. იცით, რას მივხვდი 19 წლის ასაკში? ღმერთის დახმარების გარეშე, უბრალოდ, გამორიცხულია, რომ ამხელა რაღაც შეძლო. ასევე, იმ მომენტში გავიაზრე, რა მაგრად ვყვარებივარ დედაჩემს. მეორე შვილი გაჩნდა 10 წლის შემდეგ, მაგრამ ზუსტად იგივე შეგრძნება განმეორდა, დავბრუნდი ათი წლით უკან, მესამეზეც - იგივე და მეოთხეზეც - იგივე, მაგრამ უფრო და უფრო ძლიერი, იმიტომ, რომ ასაკის მატებასთან ერთად უკეთ იაზრებ, რამხელა ბედნიერებაა დედობა", - ამბობდა თეა დარჩია.
მარიამი უკვე თავადაც დედაა - მას პირველი შვილი, ლეა, 2025 წლის იანვარში შეეძინა. მისი და დავით თოფურიას ქორწილი კი 2023 წელს შედგა. წყვილმა გრანდიოზული წვეულება კაჭრეთში გამართა. ორდღიან აღნიშვნას თან მხიარულება და უამრავი ლამაზი კადრი სდევდა. ქორწილში "სუხიშვილებმა" საოცარი შოუ დადგეს, იცეკვა თეა დარჩიამაც. ფოტოები და ვიდეოები კი სოციალურ ქსელში დიდი ხნის მანძილზე ტრიალებდა.
მარიამს ქორწილში ორი კაბა, ერთი - უფრო მეტად სადღესასწაულო, მეორე კი - უფრო მოკრძალებული. უმშვენიერესმა პატარძალმა უამრავი კომპლიმენტი დაიმსახურა.
ახლა მარიამის ცხოვრებაში მთავარი შვილია - მის სოციალურ ქსელებში ხშირად შეხვდებით ლეას ფოტოებსა და ვიდეოებს. ასევე, რჩევებსა და რეკომენდაციებს ახალბედა დედებისთვის.