ვინ არის ქართველი მოდელი, რომელიც დღეს Giorgio Armani-ის ჩვენებაზე გამოვა: მაკო მაჭავარიანის წარმატების გზა - Marao

„დღეს მილანში, სან-სიროს სტადიონზე, 2026 წლის ზამთრის ოლიმპიური თამაშების გახსნის ცერემონიის ფარგლებში, გაიმართება Giorgio Armani-ის ჩვენება, სადაც მონაწილეობას მიიღებს მაკო მაჭავარიანი. შოუ მიეძღვნება Giorgio Armani-ის ხსოვნას…“ - წერს სოციალურ ქსელში მოდელი, Look Models Managment-ის ხელმძღვანელი ნინო ცქიტიშვილი. 

Look Models Management

Look Models Management ერთ-ერთი ყველაზე ცნობილი და ავტორიტეტული სამოდელო სააგენტოა საქართველოში. მას საკმაოდ დიდი ხნის ისტორია აქვს და მნიშვნელოვან როლს ასრულებს ქართული მოდის ინდუსტრიის განვითარებაში.

• მატილდა გვარლიანი Dolce&Gabbana-ს სახე გახდა: ქართველი ვარსკვლავი წარმატების მწვერვალზე

სააგენტოს დამფუძნებელია ნინო ცქიტიშვილი, რომელიც თავადაც წარმატებული მოდელი იყო. მისი გამოცდილება ეხმარება სააგენტოს, რომ მოდელებს პროფესიონალური განათლება და სწორი მიმართულება მისცეს. "Look Models" ითვლება "დედა სააგენტოდ" (Mother Agency), რაც ნიშნავს, რომ ისინი პოულობენ ახალ სახეებს, ზრდიან მათ და შემდეგ საერთაშორისო ბაზარზე გაჰყავთ.

საერთაშორისო კავშირები სააგენტოს ერთ-ერთი მთავარი ძლიერი მხარეა. ისინი თანამშრომლობენ მსოფლიოს წამყვან სააგენტოებთან ისეთ მოდის დედაქალაქებში, როგორიცაა:

• პარიზი (მაგ. Next, Elite)
• მილანი
• ნიუ-იორკი
• ტოკიო

ბევრი ქართველი მოდელი, რომელიც დღეს ცნობილი ბრენდების (Gucci, Balenciaga, Dior და ა.შ.) ჩვენებებზე გამოდის, სწორედ Look Models-ის აღმოჩენილია.

მაკო მაჭავარიანი

მაკო (მარიამ) მაჭავარიანი დაიბადა 2005 წლის 8 ივლისს, თბილისში, საქართველოში. ფლობს ქართულ, ინგლისურ, რუსულ ენებს. 

მაკო (მარიამ) მაჭავარიანმა სამოდელო კარიერა 15 წლის ასაკში დაიწყო, როდესაც შეუერთდა სააგენტო Look Models Management-ს. სააგენტოს მეშვეობით მან გააფორმა კონტრაქტები სხვადასხვა საერთაშორისო სამოდელო სააგენტოსთან, რამაც მის კარიერულ წინსვლას შეუწყო ხელი.

16 წლის ასაკში მაჭავარიანმა მილანის მოდის კვირეულზე Armani-ს 40 წლის იუბილე გახსნა, რის შემდეგაც ხშირად თანამშრომლობს ბრენდთან. გარდა ამისა, ის მონაწილეობდა ისეთი ბრენდების ჩვენებებში, როგორებიცაა JSalinas, Luisa Beccaria და AC9world.

• ბელა ჰადიდი Dolce & Gabbana-ს წინააღმდეგ: მოდის სამყაროს ახალი „ომი“ იწყება?