"ძალიან მენატრება, მაგრამ დაბრუნება არ მინდა" - გვანცა დარასელია ცხოვრების მნიშვნელოვანი გადაწყვეტილების შესახებ - Marao

ტელეწამყვანმა გვანცა დარასელიამ საკუთარ YouTube არხზე გულახდილად ისაუბრა იმ ცვლილებებზე, რაც მის ცხოვრებაში ბოლო წლების განმავლობაში მოხდა. რვა წელია, რაც ის ოჯახთან ერთად თბილისის გარეთ, მცხეთაში გადავიდა საცხოვრებლად.

"ყველაზე დიდ დროს სახლში ვატარებ, უფრო სწორად, სახლში მიყვარს ყოფნა. ჩემი მეგობრები მეხუმრებიან, ახლა ამას მცხეთიდან რა გამოიყვანსო. მიჭირდა მცხეთიდან სიარული, მაგრამ მიჩვეული ვარ და ახლა აღარ მიჭირს. რვა წელია, რაც თბილისში აღარ ვცხოვრობთ. სამზარეულო არის ადგილი, სადაც ყველაზე დიდ დროს ვატარებ.

ჩემი დილა იწყება წყლით, აუცილებლად ვსვამ ერთ ფინჯან წყალს. ამის შემდეგ ვსაუზმობ და დღეში ერთ ფინჯან ყავას ვსვამ", - ამბობს გვანცა

გვანცა დარასელიამ საუბრისას აღიარა, რომ ტელევიზია ძალიან ენატრება, თუმცა ამ ეტაპზე დაბრუნებას არ გეგმავს. მისი თქმით, ტელევიზიაში კვლავ რჩება ის პრობლემური საკითხები, რის გამოც წამოსვლის გადაწყვეტილება მიიღო.

"ძალიან მენატრება ტელევიზია, მაგრამ ამ ეტაპზე არ მინდა დაბრუნება. ჯერ კიდევ რჩება ის ყველაფერი პრობლემად, რის გამოც წამოვედი და რატომაც მივიღე ეს გადაწყვეტილება. ამ მონატრებას ჩემი საქმით აბსოლუტურად ვივსებ, რადგან ამ პოდკასტის კეთებით საკუთარ თავში ახალი შესაძლებლობები აღმოვაჩინე. ტელევიზიაში თუ ერთ ადგილს ვტკეპნიდი, აქ ახალ რაღაცებს ვაკეთებ. ადამიანის მოვალეობაა, სულ წინ იაროს," - ამბობს გვანცა. 

გვანცა დარასელიას ოჯახი და კარიერა 

გვანცა დარასელია ქართველი მსახიობი, მოდელი და ტელეწამყვანია. 2008 წელს წარადგინა საქართველო „მის სამყარო“-ზე. 2008 წლიდან მუშაობდა ტელეკომპანია „რუსთავი 2“-ში, თუმცა ცოტა ხნის წინ აქტიურ ჟურნალისტურ კარიერაზე უარი თქვა და მიმართულება შეიცვალა. 

"ჩემო ძვირფასებო! მახარებს თქვენი უამრავი გზავნილი იმის შესახებ, რომ გენატრებით ეკრანზე. მე არ წავსულვარ პროფესიიდან- მიყვარს ის და არასდროს გავცვლი სხვა რამეზე. დროებითი პაუზა მაქვს, რომელიც ავიღე ჩემი ნებით და კმაყოფილი ვარ ჩემი გადაწყვეტილებით. მალე, აუცილებლად დავბრუნდები.

ბოლო წლების განმავლობაში რასაც ვაკეთებდი, უკვე ძალიან დამღლელი, რუტინული საქმე იყო, მაგრამ მე ნამდვილად არ მითქვამს უარი ჩემს პროფესიაზე. ეს არის ჩემი საქმე, რომელიც ყველაზე მეტად მიყვარს. უბრალოდ, მინდოდა, რომ გადახალისებულიყო. ვფიქრობ, სწორი გადაწყვეტილება მივიღე. პროფესიიდან წასვლა ერთი წუთითაც არ მიფიქრია. მქონდა რამდენიმე შემოთავაზება სხვა სფეროდან, საკმაოდ სოლიდური იყო ყველანაირად, მაგრამ უარი ვთქვი, რადგან მოითხოვდა ჩემი პროფესიიდან დისტანციას. ამ გადაწყვეტილების ცოტა შემეშინდა" - ამბობდა გვანცა.

• ნატა ღეჩუაშვილის ცნობილი ქალიშვილი, ორი ქორწინება და დიდი სიყვარული: „მაინც ძალიან ბედნიერი ვარ... მქონდა ორი ძალიან დიდი სიყვარული“ 

ახლა გვანცას საკუთარი რადიო "ქალების რადიო" აქვს და, ამის პარალელურად, ჩართულია საოჯახო ბიზნესში მეუღლესთან ერთად. 

"ჩემ­მა ოჯახ­მა ძა­ლი­ან მნიშ­ვნე­ლო­ვა­ნი რამ შეძ­ლო და პრა­ღა­ში ქარ­თუ­ლი რეს­ტო­რა­ნი გახ­სნა. ძა­ლი­ან დიდი შრო­მა და რე­სურ­სი ჩა­ი­დო ამ საქ­მე­ში. ჩვენ­მა მონ­დო­მე­ბამ გა­ა­მარ­თლა და ეს ძა­ლი­ან გვა­ხა­რებს. ამ საქ­მით ჩემ­მა მე­უღ­ლემ აიხ­დი­ნა თა­ვი­სი დიდი ოც­ნე­ბა. ჩვენ ორი­ვე ვი­თარ­დე­ბით ცალ-ცალ­კეც და ერ­თა­დაც. ძა­ლი­ან გულ­წრფე­ლად რომ გი­თხრათ, ჩვენ ერ­თმა­ნე­თის ძა­ლი­ან დიდი გულ­შე­მატ­კივ­რე­ბი ვართ. გვაქვს ერ­თობ­ლი­ვი მიზ­ნე­ბი, რომ­ლე­ბიც გვინ­და გან­ვა­ხორ­ცი­ე­ლოთ. მი­უ­ხე­და­ვად იმი­სა, რომ ჩვენ ჩვე­ნი საქ­მის გამო გარ­კვე­უ­ლი ნა­წი­ლი ცალ-ცალ­კე გვი­წევს ყოფ­ნა", - ამბობდა გვანცა დარასელია. 

გვანცა დარასელიას მეუღლე ბიზნესმენი ვახო მჭედლიძეა. წყვილს ორი შვილი, ერეკლე და ლილე ჰყავს.