ბულინგი წონის გამო, ხმაურიანი პირადი ცხოვრება და დაუღალავი შრომა მიზნისთვის: ვინ არის საქართველოს სახელით მოასპარეზე ანასტასია გუბანოვა? - Marao
ბულინგი წონის გამო, ხმაურიანი პირადი ცხოვრება და დაუღალავი შრომა მიზნისთვის: ვინ არის საქართველოს სახელით მოასპარეზე ანასტასია გუბანოვა?
2026 წლის ზამთრის ოლიმპიური თამაშები ქართველი სპორტსმენებისთვის წარმატებული აღმოჩნდა - ფიგურული ციგურაობის გუნდურ ასპარეზობაში ანასტასია გუბანოვამ თავისუფალი პროგრამა წარადგინა და მსაჯებისგან მაღალი შეფასება, 140.17 ქულა მიიღო.
ვინ არის ანასტასია გუბანოვა
ანასტასია გუბანოვა არის რუსი-ქართველი მოციგურავე, რომელიც საქართველოს სახელით ასპარეზობს ქალთა ინდივიდუალური ფიგურული სრიალის კატეგორიაში.
გუბანოვა ფიგურულ სრიალზე მშობლებმა 4 წლის ასაკში, 2006 წელს შეიყვანეს, რადგან ექიმმა ჯანმრთელობის პრობლემების გამო სპორტი ურჩიეს. რამდენიმე თვეში ოჯახი ტოლიატიდან სანქტ-პეტერბურგში გადავიდა იმის იმედით, რომ ანასტასია შეუერთდებოდა უფრო ძლიერ სასრიალო სკოლას. ანგელინა ტურენკო გახდა მისი მწვრთნელი 6 წლის ასაკში.
გუბანოვას ჯუნიორ საერთაშორისო დებიუტი შედგა 2016–17 ISU ჯუნიორ გრან პრიზე (JGP) ოსტრავაში, ჩეხეთში.
საერთაშორისო შეჯიბრებებში მონაწილეობა 2013 წლის ნოემბრიდან დაიწყო და ვარშავის თასიც მოიგო. შემდეგ წლებში მან მოიგო, Rooster თასი, Gardena Spring ჯილდო და NRW ჯილდო.
ის არის 2023 წლის ევროპის ჩემპიონი, 2024 წლის ევროპის ვერცხლის მედალოსანი , 2022 წლის MK John Wilson-ის დაჯილდოების ბრინჯაოს მედალოსანი და ორგზის ISU Challenger სერიის ოქროს მედალოსანი. რუსეთის სახელით ასპარეზობისას ის გახდა 2018 წლის ზაგრების CS Golden Spin-ის ვერცხლის მედალოსანი. ჯუნიორ დონეზე 2016 წლის ჯუნიორ გრან პრის ფინალის ვერცხლის მედალოსანია, ხოლო 2016 წლის ჩეხეთის რესპუბლიკის JGP-ისა და 2016 წლის გერმანიის JGP-ის ჩემპიონი. 2016 წლის ჯუნიორ გრან პრის ფინალში, გუბანოვა გახდა პირველი ჯუნიორი ქალი, რომელმაც თავისუფალი პროგრამის 130 ქულის ბარიერის რეკორდი მოხსნა. მისი რეკორდი კი რამდენიმე წუთში მოხსნა თანაგუნდელმა ალინა ზაგიტოვამ.
ანასტასია გუბანოვას პირადი ცხოვრება
ანასტასია გუბანოვა დაიბადა 2002 წლის 2 დეკემბერს ტოლიატში, სამარის ოლქში, რუსეთში. გარდა ფიგურული სრიალისა, ბავშვობაში გუბანოვა დაკავებული იყო როგორც რითმული, ასევე მხატვრული ტანვარჯიშით. 15 წლამდე ის აგრეთვე სწავლობდა ბალეტს ვაგანოვას რუსული ბალეტის აკადემიაში. მან საქართველოს მოქალაქეობა მიიღო 2021 წელს. 2023 წლის შემოდგომიდან ანასტასიას შეყვარებულმა - რომან გალაიმ დაიწყო რეგულარულად დასწრება მის საერთაშორისო 2024 წელს ანასტასიამ ღიად ისაუბრა თავის წარსულ პრობლემებზე კვებით აშლილობასთან, რომელსაც ებრძოდა 14-დან 19 წლამდე.
კვებითი აშლილობა და წონის პრობლემები
ანასტასია გუბანოვას ინტერვიუებში კვებითი აშლილობისა და წონის კონტროლის თემა რამდენჯერმე წამოიჭრა. ის ღიად საუბრობს იმ სირთულეებზე, რომლებიც განსაკუთრებით 14-დან 18 წლამდე პერიოდში ჰქონდა.
ანასტასიამ აღნიშნა, რომ როდესაც ის 14 წლის იყო და მისი სხეული ფორმას იცვლიდა, წონის შენარჩუნება ძალიან გაუჭირდა. მიუხედავად იმისა, რომ საკვებს მაქსიმალურად ზღუდავდა, წონაში მაინც იმატებდა, რაც მისთვის დიდი ფსიქოლოგიური დარტყმა იყო.
ის იხსენებს პერიოდს, როდესაც საკუთარ თავს თითქმის ყველაფერს უკრძალავდა, რათა სპორტული ფორმა არ დაეკარგა. ერთ-ერთ ინტერვიუში მან ახსენა, რომ რუსეთის ნაკრებში ყოფნისას, მისი ფორმების გამო ზოგჯერ არასასიამოვნო კომენტარებსაც ისმენდა, რაც კვებით აშლილობასა და თვითშეფასებაზე უარყოფითად მოქმედებდა.
"ახლა უკვე აღარაფერს ვიკლებ. შემიძლია ვჭამო შოკოლადი ან ფუნთუშა პირდაპირ მწვრთნელის წინ და ეს ჩემს წონაზე აღარ აისახება. მთავარია ბალანსი და ის, რომ შიმშილით აღარ ვიტანჯები."
სპორტსმენმა აღნიშნა, რომ საქართველოს ნაკრებში გადმოსვლამ მას მეტი თავისუფლება და სიმშვიდე მისცა. ნაკლები ფსიქოლოგიური წნეხი და მეტი ნდობა ფედერაციის მხრიდან დაეხმარა იმაში, რომ საკუთარი თავი ისეთი მიეღო, როგორიც არის და შედეგზეც ფოკუსირებულიყო.
2024-2025 წლების ინტერვიუებში ანასტასია ხშირად ამბობს, რომ მისი პრიორიტეტი ახლა ჯანმრთელობაა და არა მხოლოდ "გამხდარი სხეული", რადგან ენერგიის გარეშე რთული ნახტომების შესრულება შეუძლებელია.