ქართველი წყვილის სიყვარულის ამბავი, რომელსაც მხოლოდ ფილმებში ნახავთ: "ციხეში ქორწინება რომანტიკული – არა, მაგრამ გააზრებული ნაბიჯი იყო” - Marao
ქართველი წყვილის სიყვარულის ამბავი, რომელსაც მხოლოდ ფილმებში ნახავთ: "ციხეში ქორწინება რომანტიკული – არა, მაგრამ გააზრებული ნაბიჯი იყო”
დეა აფციაური აქტიური სახეა სოციალურ პლატფორმებზე. ორი შვილის დედა თავისი ოჯახური ცხოვრების ქრონიკებს გამომწერებს მუდმივად უზიარებს. ის სულ ლაღი და ბედნიერია, თუმცა ამ რთული და დრამატული პერიოდიც გამოიარა. მან თავისი საყვარელი ადამიანისთვის, ოთო აბესაძისთვის, გაბედული ნაბიჯები გადადგა. როდესაც ოთო ციხის კედლებში იმყოფებოდა, დეა შეყვარებულისთვის ციხის გარედან იბრძოდა. სწორედ ციხეში შედგა მათი ქორწინებაც, რომელიც ალბათ წყვილს სულ სხვა გარემოში წარმოედგინა. ახლანდელი გადმოსახედიდან, სწორედ ამ სირთულეებმა ისინი უფრო გააძლიერა.
9-წლიანი ოჯახური ცხოვრების გამოცდილებას დეა აფციაური “სარკის” მკითხველებს უზიარებს.
– დეა, როგორ ახერხებთ, იყოთ საჯაროდ ძალიან აქტიური, მოტივირებული, მომხიბვლელი იმ ფონზე, რომ ოჯახი და ორი მცირეწლოვანი შვილი გყავთ?
– ვთვლი, რომ ცხოვრებაში დისციპლინა, პრიორიტეტების სწორად დალაგება და დროის სწორი მენეჯმენტი ყველაზე მნიშვნელოვანია. ეს უნარები მეხმარება, რომ სწორად დავგეგმო ჩემი თითოეული დღე.
ძალიან მნიშვნელოვანია ისიც, რომ სახლში ყოველთვის ყველაფერი იდეალურად იყოს დალაგებული, მოწესრიგებული, მაგრამ, როდესაც გყავს ორი შვილი და მათთან გატარებული დრო პრიორიტეტია, მაშინ შეიძლება ჯერ ჩემს უფროს შვილს ვეთამაშო, დრო დავუთმო მას და შემდეგ მოვაწესრიგო, სამზარეულო იქნება თუ საძინებელი. სახლის საქმეების გამო შვილთან ურთიერთობაზე უარის თქმა სწორ გადაწყვეტილებად არ მიმაჩნია.
საბედნიეროდ, მე არ ვარ გამონაკლისი, რომ ოჯახსაც ვუძღვები და ბევრ საქმესაც ვაკეთებ. ჩემ გარშემო ბევრ დედას ვხედავ, ვინც ერთნაირად წარმატებულია ოჯახშიც და კარიერაშიც.
– ფაქტია, რომ ბავშვების გამო სახლში არ “ჩაჯექით”.
– შეიძლება არაპოპულარული გამონათქვამი გამომივიდეს, მაგრამ ვთვლი, თავად დედები აკეთებენ ამ არჩევანს, რომ სახლში დასხდნენ. ბავშვების გარეშე მეც ვერ დავდივარ აქტიურად, მაგრამ სამაგიეროდ ბავშვები დამყავს ყველგან, სადაც შესაძლებელია.
ასეთი მიდგომა ბავშვების ადაპტაციისთვისაც კარგია საზოგადოებრივ ცხოვრებაში და თავადაც ბევრად აქტიურ პიროვნებებად ყალიბდებიან.
სრულად წაიკითხეთ ჟურნალ "სარკეში"