5 წიგნი, რომლებიც სიყვარულს გასწავლიან - საუკეთესო საჩუქარი ვალენტინობის დღისთვის - Marao

ახლოვდება 14 თებერვალი, ვალენტინობა - დღე, როცა ყველა შეყვარებული ადამიანი ცდილობს, საკუთარი გრძნობები ორიგინალურად გამოხატოს. 

ვალენტინობა მშვენიერი შესაძლებლობაა, საყვარელ ადამიანს კიდევ ერთხელ შეახსენოთ, თუ რამდენად ძვირფასია ის თქვენთვის. 

საჩუქრის შერჩევისას ხშირად ვიბნევით, მაგრამ არსებობს უნივერსალური და საუკეთესო არჩევანი - წიგნი. წიგნის ჩუქება ნიშნავს, რომ თქვენ ადამიანს არა უბრალოდ ნივთს, არამედ სხვადასხვა სამყაროებში მოგზაურობას, ახალ ემოციებსა და უსასრულო თავგადასავალს სთავაზობს. 

„ბიბლუსმა“ შეგირჩიათ 5 წიგნი, რომელიც სიყვარულს გასწავლით და ვალენტინობისთვის იდეალური საჩუქარი იქნება:

1. გაბრიელ გარსია მარკესი - „სიყვარული ჟამიანობის დროს“

ეს არის უკვდავი ნაწარმოები სიყვარულზე, რომელიც დროსა და სნეულებაზე ძლიერი აღმოჩნდა. მარკესი გვიჩვენებს, რომ ნამდვილი გრძნობა არასოდეს ბერდება და ადამიანს შეუძლია ათწლეულების მანძილზე შეინახოს ერთგულება.

2. ელიფ შაფაქი - „სიყვარულის ორმოცი წესი“

თანამედროვე ლიტერატურის ერთ-ერთი ყველაზე პოპულარული წიგნი, რომელიც სიყვარულის ორ პარალელურ ისტორიას გვიამბობს. ის გვასწავლის, რომ სიყვარული არა მხოლოდ ორ ადამიანს შორის გრძნობა, არამედ სულიერი ტრანსფორმაციის გზაა.

3. უილიამ შექსპირი - „რომეო და ჯულიეტა“

ყველა დროის ყველაზე ცნობილი ტრაგედია, რომელიც თავგანწირული და ყოვლისმომცველი სიყვარულის სიმბოლოდ იქცა. ეს კლასიკაა, რომელიც გვახსენებს, რომ გულწრფელი გრძნობებისთვის ბარიერები არ არსებობს.

4. დანიელ ჯონსი - „თანამედროვე სიყვარული“

ეს წიგნი რეალურ ისტორიებზეა დაფუძნებული და გვიჩვენებს, თუ როგორი მრავალფეროვანი, რთული და ხშირად მოულოდნელი შეიძლება იყოს სიყვარული დღევანდელ ციფრულ სამყაროში.

5. რეიმონდ კარვერი - „რაზე ვლაპარაკობთ, როცა სიყვარულზე ვლაპარაკობთ ხოლმე“

კარვერის მოკლე მოთხრობების კრებული სიყვარულის სხვადასხვა ასპექტს გვაჩვენებს - ზოგჯერ მტკივნეულს, ზოგჯერ კი უსიტყვოს. ეს არის წიგნი მათთვის, ვისაც სურს დაფიქრდეს, თუ რა დგას რეალურად ამ დიდი სიტყვის მიღმა.

შეგახსენებთ, რომ წიგნების შეძენა შესაძლებელია როგორც „ბიბლუსის“ წიგნის მაღაზიებში, ასევე ონლაინ, საიტზე www.biblusi.ge

R