"საყვარელი ადამიანის დედა უპირობოდ უნდა გიყვარდეს" - თამუნა ალადაშვილის ოჯახური ბედნიერება და ურთიერთობები - Marao
"საყვარელი ადამიანის დედა უპირობოდ უნდა გიყვარდეს" - თამუნა ალადაშვილის ოჯახური ბედნიერება და ურთიერთობები
მომღერალი თამარ ალადაშვილი ქართველი მსმენელისთვის საყვარელი სახეა, რომელიც ხშირად სტუმრობს პოპულარულ შოუებს და კარიერული წარმატების გარდა, ოჯახური ბედნიერების შესახებაც საუბრობს. ამჯერად მან გადაცემაში "დღის პოსტი" დედობაზე, ოჯახსა და ურთიერთობებზე ისაუბრა:
თამუნა ალადაშვილი
„მთავარია ის, რომ გვერდზე გედგას ადამიანი, რომელიც შენს მაგივრობას გაწევს ბავშვებთან, როცა ჩემსავით გარეთ ხარ გავარდნილი.ჩემი მეუღლე ბავშვების აღზრდაში ჩართულია. ისევ მიძღვნის ლექსებს, სხვათა შორის, დაღლილობის ჟამს არის მომენტები, როცა გინდა მიეყუდო სავარძელს, უხეშად რომ ვთქვა, ამის საშუალებასაც მაძლევს. რომ მეძინება და ვიცი, რომ ეს მჭირდება, მეუბნება, შედი, დაიძინე. მადლობა მას ასეთი გვერდში დგომისთვის.
შერიგება ყველაზე ტკბილია. ხანდახან ვეძებ მიზეზს, რომ მერე იყოს ტკბილი შერიგება. არის თემები, საოჯახო, რომელზეც გვიწევს კამათი. ჩვენი ღირებულებები არის ერთნაირი, მაგრამ ზოგჯერ ვკამათობთ. მაქსიმალურად ვცდილობ, მის ჭეშმარიტებას გავუგო და ისიც ასე ფიქრობს, ზუსტად ვიცი. ბოლოს ვჩუმდებით ხოლმე. გაჩუმება ძალიან რთულია კამათში და ჩვენ ორივე ვჩუმდებით. მერე არის თვალებში შეხედვა და სიცილი, რა გვინდოდა ერთმანეთისგან…
საყვარელი ადამიანის დედა უპირობოდ უნდა გიყვარდეს. სადაც შედიხარ, იქ ყველაფერი უნდა გიყვარდეს ადამიანს. თუ ეს შენში არ გააღვიძე და შეხვედი პირდაპირ აგრესიით, ასეთი პრინციპით ადამიანი ცხოვრებაში ვერაფერს მიაღწევ. გარემოში სწორად თუ არ შეხვედი, ისიც არ მიგიღებს სწორად და მერე იწყება კონფლიქტები. შევედი თუ არა, ხელგაშლილი დამხვდა და მეც ჩავეხუტე. ჩემი გაზაფხული მოფრინდაო, ასე მეძახის. ამაზე ტკბილს ვერაფერს მეტყვის…" - თქვა მან.