"ამას ვერანაირი წლები თუ გამოძიება ვერ გაანელებს" - რას წერს ლიკა კვარაცხელია ნიკო კვარაცხელიაზე - Marao

"იმავენაირად მეგლიჯება გული და ამას ვერანაირი წლები თუ გამოძიება ვერ გაანელებს!

იშვიათი ადამიანობის და გამძლეობის გოგო ხარ, იზა. მე კი ვიცი, როგორ გაზარდე შენი შვილები და რამხელა სიყვარული ჩაუნერგე ადამიანების მიმართ!

მიყვარს ყველაზე კეთილი ნიკო", - წერს ლიკა კვარაცხელია სოციალურ ქსელში და მოკლული ნიკო კვარაცხელიას დედას, იზა ომაძეს მიმართავს. 

• ნინო ჟვანიას პირველი კომენტარი: "ეს ბრალდება სრულიად მიუღებელია, გამოვრიცხავ, რომ რამე იცოდა ბუსამ" 

ნიკო კვარაცხელიას საქმე

2021 წლის 15 სექტემბერს ნიკო კვარაცხელია რამდენიმე გასროლით მოკლეს. 

ცოტა ხნის წინ, საქართველოს პროკურატურამ ნიკოლოზ კვარაცხელიას შეკვეთით, ჯგუფურად განზრახ მკვლელობის ორგანიზების ფაქტზე ბრალდების დადგენილება სამი პირის - გურამ კაკულიას, დავით კაკულიასა და ბესარიონ ჟვანიას მიმართ გამოიტანა.

"ში­ნა­გან საქ­მე­თა სა­მი­ნის­ტრო­ში ჩა­ტა­რე­ბუ­ლი გა­მო­ძი­ე­ბის შე­დე­გად დად­გინ­და, რომ ძმებ­მა გუ­რამ და და­ვით კა­კუ­ლი­ებ­მა, ეგ­რეთ წო­დე­ბუ­ლი კა­ნო­ნი­ე­რი ქურ­დის, გია კვა­რა­ცხე­ლი­ა­ზე შუ­რის­ძი­ე­ბის და კრი­მი­ნა­ლურ სამ­ყა­რო­ში მათი ავ­ტო­რი­ტე­ტის გამ­ყა­რე­ბის მიზ­ნით, ამ უკა­ნას­კნე­ლის შვი­ლის ნი­კო­ლოზ კვა­რა­ცხე­ლი­ას შეკ­ვე­თით, მკვლე­ლო­ბა გა­ნიზ­რა­ხეს. ძმე­ბი კა­კუ­ლი­ე­ბის მამა, ეგ­რეთ წო­დე­ბუ­ლი კა­ნო­ნი­ე­რი ქურ­დი, და­ვით კა­კუ­ლია 2001 წლის 25 აგ­ვის­ტოს ქ.მოს­კოვ­ში მოკ­ლეს, რა­ზეც კრი­მი­ნა­ლურ სამ­ყა­რო­ში და ასე­ვე სა­ზო­გა­დო­ე­ბა­ში ვრცელ­დე­ბო­და ინ­ფორ­მა­ცია, რომ და­ვით კა­კუ­ლი­ას მკვლე­ლო­ბის დამ­კვე­თი თით­ქოს­და გია კვა­რა­ცხე­ლია იყო,“ - აღ­ნიშ­ნუ­ლია გან­ცხა­დე­ბა­ში.

"მადლობა ღმერთს და თქვენ ჩემო მეგობრებო, არ ავჩქარდეთ, ჩემთვის ახალი არაფერია, ხუთი წელია ამას ვითხოვ! ყველაფერს მოგიყვებით დაწვრილებით!" - წერს ნიკოს ნიკოს დედა.

• "ძალიან კარგ უნივერსიტეტში მიიღო სტიპენდია, სწავლობს, თან მუშაობს "ამაზონში" - რა არის ცნობილი ზურაბ ჟვანიას ვაჟზე, რომელიც ნიკო კვარაცხელიას მკვლელობაში ფიგურირებს 

ვინ იყო ნიკო კვარაცხელია

ნიკო ტექ­ნო­ლო­გი­ე­ბის სფე­რო­ში მოღ­ვა­წე­ობ­და და დააარსა პლატ­ფორ­მა "Feedc"-ი. პლატფორმა 2019 წელს, ჯერ კიდევ სტუდენტმა შექმნა. როგორც ის სხვადასხვა ინტერვიუში ჰყვება, პლატფორმის მიზანი სოციალური ქსელების „უსამართლო“ მიდგომის შეცვლა იყო. მისი მიზანი იყო ყველა ადამიანს მისცემოდა ინფორმაციის გავრცელების თანაბარი შესაძლებლობა - იქნებოდა ეს მომხმარებელი, რომელსაც ბევრი მეგობარი თუ გამომწერი ჰყავს თუ ადამიანი, რომელიც სოციალურ ქსელებში ნაკლებად პოპულარულია.

 აპლიკაცია, რომელიც საქართველოში შეიქმნა, მსოფლიო ბაზარზე 2019 წლის 30 მარტს გამოჩნდა. მის შექმნას ნიკოლოზ კვარაცხელიამ ორი წელი მოანდომა. პროდუქტის პირველი ვერსია საფრანგეთში, იმ ბიზნეს-სკოლაში შეიქმნა, სადაც თავად სწავლობდა. ამის შემდეგ კი დააფუძნა კომპანია და შექმნა გუნდი.

Feedc თანამშრომლობს ისეთ გიგანტ კომპანიებთან, როგორიცაა Amazon, Google. პლატფორმა აერთიანებს 250 000-ზე მეტ აქტიურ მომხმარებელს მსოფლიოდან.

ნიკოლოზ კვარაცხელია Forbes-ის 30 Under 30-ის გამარჯვებულიც იყო.